ಬೆಂಗಳೂರು: ಶೀಘ್ರದಲ್ಲೇ ಜಾರಿಗೆ ಬರಲಿರುವ ಪಿಎಂ ಇ-ಡ್ರೈವ್ ಯೋಜನೆಯ ಮೊದಲ ವರ್ಷದಲ್ಲಿ ದ್ವಿಚಕ್ರ ವಾಹನ ಖರೀದಿದಾರರು ಗರಿಷ್ಠ 10,000 ರೂ.ಗಳವರೆಗೆ ಸಬ್ಸಿಡಿ ಪಡೆಯಬಹುದು ಎಂದು ಕೇಂದ್ರ ಬೃಹತ್ ಕೈಗಾರಿಕಾ ಸಚಿವ ಎಚ್.ಡಿ.ಕುಮಾರಸ್ವಾಮಿ ಗುರುವಾರ ತಿಳಿಸಿದ್ದಾರೆ.
ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಕುಮಾರಸ್ವಾಮಿ, ಪಿಎಂ ಇ-ಡ್ರೈವ್ ಯೋಜನೆಯಡಿ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳಿಗೆ ಬ್ಯಾಟರಿ ಶಕ್ತಿಯ ಆಧಾರದ ಮೇಲೆ ಸಬ್ಸಿಡಿಯನ್ನು ಪ್ರತಿ ಕಿಲೋವ್ಯಾಟ್ ಗಂಟೆಗೆ 5,000 ರೂ.ಗೆ ನಿಗದಿಪಡಿಸಲಾಗಿದೆ .ಆದರೆ ಒಟ್ಟಾರೆ ಪ್ರೋತ್ಸಾಹಧನವು ಮೊದಲ ವರ್ಷದಲ್ಲಿ 10,000 ರೂ.ಗಳನ್ನು ಮೀರುವುದಿಲ್ಲ ಎಂದು ಹೇಳಿದರು.
ಎರಡನೇ ವರ್ಷದಲ್ಲಿ, ಇದನ್ನು ಪ್ರತಿ ಕಿಲೋವ್ಯಾಟ್ ಗಂಟೆಗೆ 2,500 ರೂ.ಗಳಷ್ಟು ಅರ್ಧದಷ್ಟು ಕಡಿಮೆ ಮಾಡಲಾಗುವುದು ಮತ್ತು ಒಟ್ಟಾರೆ ಪ್ರಯೋಜನವು 5,000 ರೂ.ಗಳನ್ನು ಮೀರುವುದಿಲ್ಲ. ಮಾಧ್ಯಮಗಳನ್ನುದ್ದೇಶಿಸಿ ಮಾತನಾಡಿದ ಕುಮಾರಸ್ವಾಮಿ, ಇ-ರಿಕ್ಷಾ ಖರೀದಿದಾರರು ಪಿಎಂ ಇ-ಡ್ರೈವ್ ಯೋಜನೆಯ ಮೊದಲ ವರ್ಷದಲ್ಲಿ 25,000 ರೂ ಮತ್ತು ಎರಡನೇ ವರ್ಷದಲ್ಲಿ 12,500 ರೂ.ಗಳ ಸಬ್ಸಿಡಿ ಪ್ರಯೋಜನಗಳನ್ನು ಪಡೆಯಬಹುದು ಎಂದು ಹೇಳಿದರು.
ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳಿಗೆ ಪ್ರತಿ ಕಿಲೋವ್ಯಾಟ್ ಸಬ್ಸಿಡಿ ಮೊದಲ ವರ್ಷ 5,000 ರೂ., ಮತ್ತು ಎರಡನೇ ವರ್ಷದಲ್ಲಿ 2,500 ರೂ., ಎರಡು ವರ್ಷಗಳವರೆಗೆ ಈ ಪ್ರಯೋಜನವನ್ನು ಮುಂದುವರಿಸಲಾಗುವುದು ಎಂದು ಸಚಿವರು ಹೇಳಿದರು.
ಪ್ರತಿ ದ್ವಿಚಕ್ರ ವಾಹನಕ್ಕೆ ಗರಿಷ್ಠ ಪ್ರಯೋಜನವನ್ನು ಮೊದಲ ವರ್ಷದಲ್ಲಿ ಪ್ರತಿ ವಾಹನಕ್ಕೆ 10,000 ರೂ.ಗೆ ಮತ್ತು ಎರಡನೇ ವರ್ಷದಲ್ಲಿ 5,000 ರೂ.ಗೆ ಇಳಿಸಲಾಗುವುದು ಎಂದು ಅವರು ಸ್ಪಷ್ಟಪಡಿಸಿದರು.
