ತುಮಕೂರು: ರಾಜ್ಯದಲ್ಲೊಂದು ಅಮಾನವೀಯ ಘಟನೆ ಎನ್ನುವಂತೆ ತುಮಕೂರು ಜಿಲ್ಲೆಯಲ್ಲಿ ನಡೆದಿದೆ. ವ್ಯಕ್ತಿಯೊಬ್ಬ ಸ್ಮಶಾನ ಜಾಗ ತನ್ನದೆಂದು 19 ಸಮಾಧಿಗಳನ್ನೇ ಧ್ವಂಸ ಮಾಡಿರೋ ಘಟನೆ ಮಧುಗಿರಿ ತಾಲೂಕಿನ ಓಬಳಾಪುರ ಗ್ರಾಮದಲ್ಲಿ ನಡೆದಿದೆ.
ತುಮಕೂರು ಜಿಲ್ಲೆಯ ಮಧುಗಿರಿ ತಾಲೂಕಿನ ಓಬಳಾಪುರ ಗ್ರಾಮದ ಸರ್ವೇ ನಂ.4/1ನಲ್ಲಿ ಸುಮಾರು 10 ಗುಂಟೆ ಜಾಗದಲ್ಲಿ ಊರಿನ ಗ್ರಾಮಸ್ಥರು ಶವಸಂಸ್ಕಾರಕ್ಕೆ ಬಳಸಿಕೊಂಡಿದ್ದರು. ಗ್ರಾಮದ ಜನರು ತೀರಿಕೊಂಡಾಗ ಇಲ್ಲಿ ಶವಸಂಸ್ಕಾರ ಮಾಡಿದ್ದರು.
ಶವಸಂಸ್ಕಾರಕ್ಕಾಗಿ ಇರಿಸಲಾಗಿದ್ದಂತ 10 ಗುಂಟೆ ಜಾಗವೇ ನನ್ನದು ಎಂಬುದಾಗಿ ಮಲ್ಲಿಕಾರ್ಜುನ್ ಎಂಬ ವ್ಯಕ್ತಿಯೊಬ್ಬ ಜೆಸಿಬಿ ಯಂತ್ರಗಳನ್ನು ಬಳಸಿ 19 ಸಮಾಧಿಗಳನ್ನು ಧ್ವಂಸ ಮಾಡಿರೋದಾಗಿ ತಿಳಿದು ಬಂದಿದೆ.
ಮಲ್ಲಿಕಾರ್ಜನ್ ಶವಸಂಸ್ಕಾರ ಮಾಡಿದ್ದಂತ ಜಾಗವನ್ನೇ ತನ್ನದೆಂದು ಜೆಸಿಬಿ ಬಳಸಿ ಸಮಾಧಿಗಳನ್ನು ಕೆಡವಿದ ವಿಷಯ ತಿಳಿದಂತ ಗ್ರಾಮಸ್ಥರು, ಸ್ಥಳಕ್ಕೆ ಆಗಮಿಸಿ ಆತನೊಂದಿಗೆ ವಾಗ್ವಾದ ನಡೆಸಿದ್ದಾರೆ. ಅಲ್ಲದೇ ತನ್ನವರನ್ನು ಶವಸಂಸ್ಕಾರ ಮಾಡಿದ್ದಂತ ಸಮಾಧಿಗಳನ್ನು ಜೆಸಿಬಿ ಬಳಸಿ ಕಿತ್ತುಹಾಕಿದಂತದ್ದು ಕಂಡು ಅನೇಕರು ಅಲ್ಲಿ ಬಿಕ್ಕಿ ಬಿಕ್ಕಿ ಕಣ್ಣೀರಿಟ್ಟಿದ್ದಾರೆ. ಈ ಕೂಡಲೇ ಈ ಬಗ್ಗೆ ಸಂಬಂಧ ಪಟ್ಟ ಅಧಿಕಾರಿಗಳು ಕಾನೂನು ಕ್ರಮ ಕೈಗೊಳ್ಳುವಂತೆಯೂ ಆಗ್ರಹಿಸಿದ್ದಾರೆ.
ಬಿಜೆಪಿ- ಜೆಡಿಎಸ್ ಮೈತ್ರಿ ಸುಸೂತ್ರವಾಗಿ ಮುಂದುವರೆಯಲಿದೆ: ಬಿವೈ ವಿಜಯೇಂದ್ರ
