ನವದೆಹಲಿ : ಇತ್ತೀಚಿಗೆ ದೇಶದಲ್ಲಿ ಆಟೋ ಕ್ಷೇತ್ರದಲ್ಲಿ ಹಲವು ಬದಲಾವಣೆಗಳು ಆರಂಭವಾಗಿವೆ. ಎಲೆಕ್ಟ್ರಿಕ್ ಕಾರು ಖರೀದಿಸುವುದೇ.? ನಾನು ಪೆಟ್ರೋಲ್ ಕಾರನ್ನ ಖರೀದಿಸಬೇಕೇ.? ಡೀಸೆಲ್ ವಾಹನ ಖರೀದಿಸುವುದೇ.? ಈ ವಿಷಯದಲ್ಲಿ ಬಳಕೆದಾರರು ಗೊಂದಲಕ್ಕೊಳಗಾಗಿದ್ದಾರೆ. ಈ ವೇಳೆ ಕೇಂದ್ರ ಸರ್ಕಾರ GH2 ಯೋಜನೆಗೆ ಮುಂದಾಗಿತ್ತು. ಅಂಬಾನಿ, ಟಾಟಾ, ಇಂಡಿಯನ್ ಆಯಿಲ್’ನಂತಹ ದೊಡ್ಡ ಕಂಪನಿಗಳು ಈ ಯೋಜನೆಯಲ್ಲಿ ಕೆಲಸ ಮಾಡುತ್ತಿವೆ. ಇನ್ನು ಹತ್ತು ವರ್ಷಗಳಲ್ಲಿ ಪೆಟ್ರೋಲ್, ಡೀಸೆಲ್ ಕಾರುಗಳು ಕಣ್ಮರೆಯಾಗಲಿವೆ ಎನ್ನಲಾಗುತ್ತಿದೆ. ರಿಲಯನ್ಸ್ ಇಂಡಸ್ಟ್ರೀಸ್, ಟಾಟಾ ಮೋಟಾರ್ಸ್ ಮತ್ತು ಇಂಡಿಯನ್ ಆಯಿಲ್ ಕಾರ್ಪೊರೇಷನ್ ಸಾರಿಗೆ ವಲಯದಲ್ಲಿ ಹೊಸ ಪ್ರಯೋಗವನ್ನ ಪ್ರಾರಂಭಿಸಲಿವೆ.
ದೇಶದಲ್ಲಿ ಪೆಟ್ರೋಲ್, ಡೀಸೆಲ್ ಬೆಲೆ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದೆ. ಇದರಿಂದಾಗಿ ಅನೇಕ ವಾಹನ ಸವಾರರು ಎಲೆಕ್ಟ್ರಿಕ್ ವಾಹನಗಳತ್ತ ಮುಖ ಮಾಡುತ್ತಿದ್ದಾರೆ. ಇದೀಗ ಇವೆಲ್ಲವನ್ನ ಪರಿಶೀಲಿಸಲು ಕೇಂದ್ರ ಸರ್ಕಾರ GH2 ಎಂಬ ಹೊಸ ಯೋಜನೆಗೆ ಮುಂದಾಗಿದೆ. ಅಂಬಾನಿ, ತಾಲಾ ಮತ್ತು ಇಂಡಿಯನ್ ಆಯಿಲ್‌ನಂತಹ ದೊಡ್ಡ ಕಂಪನಿಗಳು ಸಾರಿಗೆ ಕ್ಷೇತ್ರದಲ್ಲಿ ಹಸಿರು ಮತ್ತು ಬೂದು ಹೈಡ್ರೋಜನ್ (GH2)ನ್ನ ಬಳಸಲು ಸರ್ಕಾರದ ಪ್ರಾಯೋಗಿಕ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಬಿಡ್ ಮಾಡಿವೆ. ದೇಶದಲ್ಲಿ ಕಚ್ಚಾ ತೈಲ ಬಳಕೆ ಮತ್ತು ಆಮದುಗಳನ್ನ ಕಡಿಮೆ ಮಾಡುವ ತನ್ನ ಕಾರ್ಯಕ್ರಮದ ಭಾಗವಾಗಿ ಕೇಂದ್ರ ಸರ್ಕಾರ ಗ್ರೀನ್ ಗ್ರೇ ಹೈಡ್ರೋಜನ್ ಯೋಜನೆಯನ್ನ ಮುಂದಕ್ಕೆ ತೆಗೆದುಕೊಳ್ಳುತ್ತದೆ.
ಜಲಜನಕವನ್ನ ದೇಶೀಯವಾಗಿ ಉತ್ಪಾದಿಸಿದ್ರೆ, ಅದು ತುಂಬಾ ಅಗ್ಗವಾಗುತ್ತದೆ. ಈ ಮೂಲಕ ವಾಹನ ಸವಾರರು ಪ್ರತಿ ಲೀಟರ್ ಪೆಟ್ರೋಲ್ ಮತ್ತು ಡೀಸೆಲ್ ಗೆ 100 ರೂ.ಗಿಂತ ಹೆಚ್ಚು ಪಾವತಿಸಬೇಕಿಲ್ಲ. ಕೇವಲ 20 ರಿಂದ 30 ರೂ.ಗೆ ಕಿಲೋಮೀಟರ್’ಗಿಂತ ಹೆಚ್ಚು ಮೈಲೇಜ್ ನೀಡುವ ಹೈಡ್ರೋಜನ್ ವಾಹನಗಳನ್ನು ಓಡಿಸಬಹುದು. ಪ್ರಸ್ತುತ, ಪೈಲಟ್ ಯೋಜನೆಯು ಇಂಧನ ಬಳಕೆಯಲ್ಲಿನ ಸಮಸ್ಯೆಗಳು, ತಂತ್ರಜ್ಞಾನ ಅಭಿವೃದ್ಧಿ ಮತ್ತು ಅನುಷ್ಠಾನದಲ್ಲಿ ಮೂಲಸೌಕರ್ಯ ಅಡಚಣೆಗಳನ್ನ ಅಧ್ಯಯನ ಮಾಡುತ್ತಿದೆ. ಫೆಬ್ರವರಿಯಲ್ಲಿ GH2 ಪ್ರಾಯೋಗಿಕ ಕಾರ್ಯಕ್ರಮಕ್ಕಾಗಿ ಕೇಂದ್ರ ಸರ್ಕಾರವು 496 ಕೋಟಿ ರೂಪಾಯಿಗಳ ಟೆಂಡರ್ ಪ್ರಾರಂಭಿಸಿತು. ಇದು ರಾಷ್ಟ್ರೀಯ ಹಸಿರು ಹೈಡ್ರೋಜನ್ ಮಿಷನ್‌ನ ಒಂದು ಭಾಗವಾಗಿದೆ, ಇದನ್ನು ಜನವರಿ 2003ರಲ್ಲಿ ರೂ.19,744 ಕೋಟಿಗಳ ನಿಧಿಯೊಂದಿಗೆ ಪ್ರಾರಂಭಿಸಲಾಯಿತು.
ಏತನ್ಮಧ್ಯೆ, ಟಾಟಾದಿಂದ ಅಂಬಾನಿಯವರೆಗೆ, ದೈತ್ಯ ಕಂಪನಿಗಳು ಆಸಕ್ತಿದಾಯಕ ಮೈತ್ರಿ ಮಾಡಿಕೊಂಡಿವೆ. ಕಾರಣ ಇದು ಒಂದೇ ಕಂಪನಿಯ ಕೆಲಸವಲ್ಲ. ರಿಲಯನ್ಸ್ ಅಶೋಕ್ ಲೇಲ್ಯಾಂಡ್ ಮತ್ತು ಡೈಮ್ಲರ್ ಇಂಡಿಯಾ ಜೊತೆ ಪಾಲುದಾರಿಕೆ ಹೊಂದಿದೆ ಎಂದು ಈಗಾಗಲೇ ವರದಿಗಳಿವೆ. ಟಾಟಾ ಮೋಟಾರ್ಸ್ ಇಂಡಿಯನ್ ಆಯಿಲ್ ಕಾರ್ಪೊರೇಷನ್ ಜೊತೆ ಪಾಲುದಾರಿಕೆ ಹೊಂದಿತ್ತು, ಅಶೋಕ್ ಲೇಲ್ಯಾಂಡ್ ಸಹ NTPC ಯ ಜಂಟಿ ಉದ್ಯಮವಾಗಿತ್ತು. ಒಟ್ಟಾರೆಯಾಗಿ, ಈ ಯೋಜನೆಯ ಯಶಸ್ಸು ಭಾರತದಲ್ಲಿ ಪ್ರಮುಖ ಬದಲಾವಣೆಗಳ ಸೂಚನೆಯಾಗಿದೆ.
BREAKING: ಕೇರಳದ ಕಣ್ಣೂರಿನಲ್ಲಿ ಬಾಂಬ್ ತಯಾರಿಕೆ ವೇಳೆ ಸ್ಫೋಟ, ಓರ್ವ ಸಾವು, ಓರ್ವನ ಸ್ಥಿತಿ ಗಂಭೀರ!
