ನವದೆಹಲಿ : ಎಲ್ಲಾ ಮೊಬೈಲ್ ಫೋನ್ ಬಳಕೆದಾರರಿಗೆ ಎಚ್ಚರಿಕೆ ನೀಡಿದ್ದು, ಟೆಲಿಕಾಂ ಕಂಪನಿಗಳಿಗೆ ಸರ್ಕಾರ ಮಹತ್ವದ ನಿರ್ದೇಶನ ನೀಡಿದೆ. ಸೈಬರ್ ಅಪರಾಧದಲ್ಲಿ ಭಾಗಿಯಾಗಿರುವ 28,200 ಮೊಬೈಲ್ ಫೋನ್’ಗಳನ್ನು ನಿಷೇಧಿಸುವಂತೆ ಸ್ಪಷ್ಟ ಸೂಚನೆ ನೀಡಿದೆ. ಈ ನಿರ್ಧಾರ ದೇಶಾದ್ಯಂತ ಜಾರಿಯಾಗಲಿದೆ. ಅಲ್ಲದೇ ಮೊಬೈಲ್ ಸಿಮ್ ಕಾರ್ಡ್ ಬಗ್ಗೆಯೂ ಕೇಂದ್ರ ಮಹತ್ವದ ನಿರ್ಧಾರ ಕೈಗೊಂಡಿದೆ. ಸಿಮ್ ಕಾರ್ಡ್’ಗಳ ಮರುಪರಿಶೀಲನೆಯನ್ನ ಶಿಫಾರಸು ಮಾಡಲಾಗಿದೆ. 20 ಲಕ್ಷ ಮೊಬೈಲ್ ಸಂಪರ್ಕಗಳನ್ನ ಮರುಪರಿಶೀಲಿಸುವಂತೆ ಕೇಂದ್ರ ಸರ್ಕಾರ ಟೆಲಿಕಾಂ ಕಂಪನಿಗಳಿಗೆ ಸೂಚಿಸಿದೆ. ಸಿಮ್ ಕಾರ್ಡ್‌ಗಳ ಮರುಪರಿಶೀಲನೆ ವಿಫಲವಾದ್ರೆ, ಆ ಸಿಮ್ ಸಂಪರ್ಕಗಳನ್ನ ತೆಗೆದುಹಾಕುವಂತೆ ಕೇಂದ್ರವು ಕಂಪನಿಗಳಿಗೆ ಸೂಚಿಸಿದೆ. ಆದ್ದರಿಂದ ಸಿಮ್ ಕಾರ್ಡ್ ಬಳಕೆದಾರರು ಮತ್ತು ಮೊಬೈಲ್ ಹ್ಯಾಂಡ್ಸೆಟ್ ಮಾಲೀಕರು ಈ ವಿಷಯದಲ್ಲಿ ಸ್ಪಷ್ಟವಾಗಿರಬೇಕು. ಸೈಬರ್ ಅಪರಾಧಗಳನ್ನ ತಡೆಯುವ ಉದ್ದೇಶದಿಂದ ಸರ್ಕಾರ ಈ ನಿರ್ಧಾರ ಕೈಗೊಂಡಿದೆ.
ಸರ್ಕಾರದ ಅಂಕಿಅಂಶಗಳ ಪ್ರಕಾರ, 28,200 ಮೊಬೈಲ್ ಹ್ಯಾಂಡ್ಸೆಟ್ಗಳು ಸೈಬರ್ ಅಪರಾಧದಲ್ಲಿ ತೊಡಗಿವೆ. ಈ ಮೊಬೈಲ್ ಹ್ಯಾಂಡ್ ಸೆಟ್’ಗಳಲ್ಲಿ ಸುಮಾರು 20 ಲಕ್ಷ ಸಂಖ್ಯೆಗಳನ್ನ ಬಳಸಲಾಗಿದೆ. ಮರುಪರಿಶೀಲನೆಯ ನಂತರ ಈ ಎಲ್ಲಾ ಸಿಮ್ ಕಾರ್ಡ್‌ಗಳನ್ನ ನಿಷೇಧಿಸಲಾಗುತ್ತದೆ. ಫೋನ್’ಗಳನ್ನ ಸಹ ನಿಷೇಧಿಸಲಾಗುವುದು. ದೂರಸಂಪರ್ಕ ಇಲಾಖೆಯು ದೇಶದಾದ್ಯಂತ ಈ ಮೊಬೈಲ್ ಹ್ಯಾಂಡ್ಸೆಟ್’ಗಳನ್ನ ನಿಷೇಧಿಸುವಂತೆ ಟೆಲಿಕಾಂ ಕಂಪನಿಗಳಿಗೆ ಪ್ರಮುಖ ಸೂಚನೆಗಳನ್ನ ನೀಡಿದೆ. 20 ಲಕ್ಷ ಮೊಬೈಲ್ ಸಂಪರ್ಕಗಳ ಮರುಪರಿಶೀಲನೆಗೂ ಸೂಚಿಸಿದೆ. ಡಿಜಿಟಲ್ ವಂಚನೆಯಿಂದ ನಾಗರಿಕರನ್ನ ರಕ್ಷಿಸಲು ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ಹೇಳಲಾಗಿದೆ.
ಸರ್ಕಾರವು ಇತ್ತೀಚೆಗೆ ಡಿಜಿಟಲ್ ಗುಪ್ತಚರ ವೇದಿಕೆಯನ್ನ ಪರಿಚಯಿಸಿದೆ. ಈ ಮೂಲಕ ಸೈಬರ್ ಅಪರಾಧಗಳು ಮತ್ತು ಹಣಕಾಸು ವಂಚನೆಗಳಿಗೆ ಕಡಿವಾಣ ಹಾಕಬಹುದು. ಮಾಹಿತಿ ವಿನಿಮಯ, ನೈಜ-ಸಮಯದ ಗುಪ್ತಚರ ಹಂಚಿಕೆ, ಇತರ ಇಲಾಖೆಗಳ ನಡುವೆ ಸಮನ್ವಯವನ್ನ ಈ ಹೊಸ ವೇದಿಕೆಯ ಮೂಲಕ ಸುಲಭವಾಗಿ ಮಾಡಬಹುದು. ಟೆಲಿಕಾಂ ಕಂಪನಿಗಳು, ಕಾನೂನು ಜಾರಿ ಸಂಸ್ಥೆಗಳು, ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳು, ಬ್ಯಾಂಕ್‌ಗಳು, ಹಣಕಾಸು ಸಂಸ್ಥೆಗಳು, ಗುರುತಿನ ದಾಖಲೆ ನೀಡುವ ಅಧಿಕಾರಿಗಳು ಮುಂತಾದ ವಿವಿಧ ಇಲಾಖೆಗಳು ಈ ವೇದಿಕೆಯ ಅಡಿಯಲ್ಲಿ ಲಿಂಕ್ ಆಗಿವೆ. ಅವರು ಒಟ್ಟಿಗೆ ಕೆಲಸ ಮಾಡುತ್ತಾರೆ. ಆದ್ದರಿಂದ, ಸಮಸ್ಯೆಗಳನ್ನ ತ್ವರಿತವಾಗಿ ಪರಿಹರಿಸಬಹುದು.
ಮಾಲಿನ್ಯದ ಆತಂಕದ ನಡುವೆ ಭಾರತೀಯ ‘ಮಸಾಲೆ’ ಆಮದಿನ ಮೇಲೆ ಯುಕೆ ಕಠಿಣ ನಿಯಂತ್ರಣ
ರಜೆಯಲ್ಲಿ ಮಕ್ಕಳ ಸುರಕ್ಷತೆಗೆ ಗಮನ ನೀಡಿ: ಪಾಲಕರಿಗೆ ಸಚಿವೆ ಲಕ್ಷ್ಮೀ ಹೆಬ್ಬಾಳಕರ್ ಮನವಿ
ಕೇಂದ್ರ ಸರ್ಕಾರದಿಂದ ‘ಪಿಂಚಣಿದಾರ’ರಿಗೆ ಸಿಹಿ ಸುದ್ದಿ ; ಎಲ್ಲ ಸಮಸ್ಯೆಗಳಿಗೆ ಒಂದೇ ಕಡೆ ಪರಿಹಾರ
