ನವದೆಹಲಿ : ದೆಹಲಿಯಲ್ಲಿ ಬಾಡಿಗೆ ಫ್ಲಾಟ್ ನಲ್ಲಿ ವಾಸಿಸುತ್ತಿದ್ದ ಯುವತಿಯೊಬ್ಬಳ ನಗ್ನ ವಿಡಿಯೋಗಳನ್ನು ರೆಕಾರ್ಡ್ ಮಾಡಿದ ಆರೋಪದ ಮೇಲೆ ಫ್ಲಾಟ್ ಮಾಲೀಕನ ಮಗನನ್ನು ಪೊಲೀಸರು ಬಂಧಿಸಿರುವ ಘಟನೆ ನಡೆದಿದೆ.
ಯುವತಿ ಮಲಗುವ ಕೋಣೆ ಮತ್ತು ಸ್ನಾನಗೃಹದ ಬಲ್ಬ್ಗಳಲ್ಲಿ ಸ್ಪೈ ಕ್ಯಾಮೆರಾಗಳನ್ನು ಅಳವಡಿ ಫ್ಲಾಟ್ ಮಾಲೀಕನ ಮಗ ವಿಡಿಯೋಗಳನ್ನು ಚಿತ್ರೀಕರಿಸಿದ್ದಾನೆ. ಈ ಯುವತಿ ದೆಹಲಿಯಲ್ಲಿ ಸ್ಪರ್ಧಾತ್ಮಕ ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದು, ಫ್ಲಾಟ್ ನ ಬೆಡ್ ರೂಂ, ಬಾತ್ ರೂಮ್ ಬಲ್ಬ್ ಗಳಲ್ಲಿ ಹಿಡನ್ ಕ್ಯಾಮರಾ ಇಟ್ಟು ವಿಡಿಯೋ ರೆಕಾರ್ಡ್ ಮಾಡಿದ್ದಾನೆ.
ಘಟನೆ ಹಿನ್ನೆಲೆ
ದೆಹಲಿಯ ಶಕರ್ಪುರ ಪ್ರದೇಶದಲ್ಲಿ ಸ್ಪರ್ಧಾತ್ಮಕ ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದ ಯುವತಿ ಈ ಪ್ರದೇಶದಲ್ಲಿ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದಳು. ದಿಲ್ಲಿಯಿಂದ ಹೊರಡುವಾಗ ಮನೆಯ ಮಾಲಿಕನ ಮಗ ಕರಣ್ಗೆ ಮನೆಯ ಕೀಲಿಕೈ ಕೊಡುತ್ತಿದ್ದಳು. ಯುವತಿ ಮನೆಯಲ್ಲಿ ಇಲ್ಲದ ವೇಳೆ ಕರಣ್ ಮನೆಯಲ್ಲಿ ಎರಡು ಸ್ಪೈ ಕ್ಯಾಮೆರಾಗಳನ್ನು ಅಳವಡಿಸಿದ್ದ.
ಮೊದಲಿಗೆ ಯುವತಿ ಸ್ನಾನಗೃಹದ ಬಲ್ಬ್ನಲ್ಲಿ ಕ್ಯಾಮೆರಾ ಅಳವಡಿಸಿರುವುದು ಪತ್ತೆಯಾಗಿದೆ. ಈ ಕ್ಯಾಮೆರಾವನ್ನು ಬಲ್ಬ್ ಹೋಲ್ಡರ್ನಲ್ಲಿ ಅಳವಡಿಸಲಾಗಿದೆ. ಬಳಿಕ ಯುವತಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾಳೆ. ಮನೆಯನ್ನು ಶೋಧಿಸಿದ ಬಳಿಕ ಆತನ ಬೆಡ್ ರೂಂನಲ್ಲಿರುವ ಬಲ್ಬ್ ಹೋಲ್ಡರ್ ನಲ್ಲಿ ಕ್ಯಾಮೆರಾ ಅಳವಡಿಸಿರುವುದು ಪೊಲೀಸರಿಗೆ ಪತ್ತೆಯಾಗಿದೆ.
ಕರಣ್ ತಪ್ಪೊಪ್ಪಿಗೆ: ಈ ಮಧ್ಯೆ, ಕರಣ್ ಅನುಪಸ್ಥಿತಿಯಲ್ಲಿ ನಾನು ಕರಣ್ಗೆ ಕೀಗಳನ್ನು ನೀಡುತ್ತಿದ್ದೇನೆ ಎಂದು ಹುಡುಗಿ ಹೇಳಿದ ನಂತರ ಪೊಲೀಸರು ಕರಣ್ನನ್ನು ವಿಚಾರಣೆಗಾಗಿ ವಶಕ್ಕೆ ತೆಗೆದುಕೊಂಡರು. ಆಗ ಕರಣ್ ಎಲ್ಲವನ್ನೂ ಒಪ್ಪಿಕೊಂಡಿದ್ದಾನೆ. ಅದೇ ಕಟ್ಟಡದಲ್ಲಿ ಕರಣ್ ವಾಸವಾಗಿದ್ದಾನೆ. ಮೂರು ತಿಂಗಳ ಹಿಂದೆ, ಯುವತಿ ಊರಿಗೆ ಹೋದಾಗ, ಆಕೆಯ ಅನುಪಸ್ಥಿತಿಯಲ್ಲಿ ಅವನು ಮನೆಯಲ್ಲಿ ಎರಡು ಸ್ಪೈ ಕ್ಯಾಮೆರಾಗಳನ್ನು ಅಳವಡಿಸಿದ್ದನು. ಮಾರುಕಟ್ಟೆಯಲ್ಲಿ ಸುಲಭವಾಗಿ ಸಿಗುವ ಸ್ಪೈ ಕ್ಯಾಮೆರಾಗಳನ್ನು ಖರೀದಿಸಿದ್ದನು. ಅವುಗಳಲ್ಲಿ ಒಂದನ್ನು ಅವಳ ಸ್ನಾನಗೃಹದಲ್ಲಿ ಮತ್ತು ಇನ್ನೊಂದನ್ನು ಅವಳ ಮಲಗುವ ಕೋಣೆಯಲ್ಲಿ ಇಟ್ಟಿದ್ದನು.
ಎರಡು ಲ್ಯಾಪ್ಟಾಪ್ಗಳಲ್ಲಿ ಕಾಪಿ ಮಾಡಿದ ವೀಡಿಯೊಗಳು ಕಂಡುಬಂದಿವೆ!: ಈ ಕ್ಯಾಮೆರಾಗಳನ್ನು ಆನ್ಲೈನ್ನಲ್ಲಿ ಆಪರೇಟ್ ಮಾಡಲು ಸಾಧ್ಯವಾಗಲಿಲ್ಲ. ಆದ್ದರಿಂದ, ಕರಣ್ ಈ ಬಾರಿ ಕ್ಯಾಮೆರಾದ ಮೆಮೊರಿ ಕಾರ್ಡ್ನಿಂದ ರೆಕಾರ್ಡ್ ಮಾಡಿದ ವೀಡಿಯೊವನ್ನು ತನ್ನ ಲ್ಯಾಪ್ಟಾಪ್ಗೆ ವರ್ಗಾಯಿಸಿದ್ದ.
