ನವದೆಹಲಿ: ಕೇಂದ್ರ ಸರ್ಕಾರವು 3.2 ಲಕ್ಷ ಸಿಮ್ ಕಾರ್ಡ್ಗಳನ್ನು (ಚಂದಾದಾರರ ಗುರುತಿನ ಮಾಡ್ಯೂಲ್) ನಿರ್ಬಂಧಿಸಿದೆ. ಮಂಗಳವಾರ ಲೋಕಸಭೆಯಲ್ಲಿ ಸರ್ಕಾರ ಈ ಮಾಹಿತಿಯನ್ನು ನೀಡಿದೆ. ಲೋಕಸಭೆಯಲ್ಲಿ ಪ್ರಶ್ನೆಯೊಂದಕ್ಕೆ ಉತ್ತರಿಸಿದ ಕೇಂದ್ರ ಗೃಹ ಖಾತೆ ರಾಜ್ಯ ಸಚಿವ ಅಜಯ್ ಕುಮಾರ್ ಮಿಶ್ರಾ, ಸೈಬರ್ ಹಗರಣಗಳನ್ನು ನಿಗ್ರಹಿಸಲು ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಹೇಳಿದರು.
ಹೂಡಿಕೆ ಮತ್ತು ಇತರ ರೀತಿಯ ಹಗರಣಗಳನ್ನು ಉತ್ತೇಜಿಸಲು ಸಂಪರ್ಕಗಳನ್ನು ಹೊಂದಿರುವ ಅನೇಕ ಅಕ್ರಮ ವೆಬ್ಸೈಟ್ಗಳು ಪತ್ತೆಯಾಗಿವೆ ಎಂದು ಗೃಹ ವ್ಯವಹಾರಗಳ ರಾಜ್ಯ ಸಚಿವರು ಹೇಳಿದರು. ಪೊಲೀಸರು 3.2 ಲಕ್ಷ ಸಿಮ್ ಕಾರ್ಡ್ಗಳು ಮತ್ತು 49,000 ಐಎಂಇಐ ವರದಿ ಮಾಡಿದ್ದಾರೆ, ನಂತರ ಈ ಸಿಮ್ ಕಾರ್ಡ್ಗಳನ್ನು ನಿರ್ಬಂಧಿಸಲು ಸರ್ಕಾರ ನಿರ್ಧರಿಸಿದೆ ಎಂದು ಗೃಹ ಖಾತೆ ರಾಜ್ಯ ಸಚಿವರು ಹೇಳಿದರು.
ರಾಜ್ಯಗಳು ದೂರು ನೀಡಿದ್ದ ಅನ್ವಯ, ಭಾರತೀಯ ಸೈಬರ್ ಅಪರಾಧ ಸಮನ್ವಯ ಕೇಂದ್ರದ (14 ಸಿ) ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಸಿಟಿಜನ್ ಫೈನಾನ್ಷಿಯಲ್ ಸೈಬರ್ ಫ್ರಾಡ್ ರಿಪೋರ್ಟಿಂಗ್ ಮತ್ತು ಮ್ಯಾನೇಜ್ಮೆಂಟ್ ಸಿಸ್ಟಮ್ ಸುಮಾರು 11.28 ಲಕ್ಷ ದೂರುಗಳನ್ನು ಸ್ವೀಕರಿಸಿದೆ ಎಂದು ಸಚಿವರು ಲಿಖಿತ ಉತ್ತರದಲ್ಲಿ ತಿಳಿಸಿದ್ದಾರೆ. ಈ ದೂರು ಸೈಬರ್ ವಂಚನೆಗೆ ಸಂಬಂಧಿಸಿದೆ ಮತ್ತು ಅವುಗಳನ್ನು 2023 ರಲ್ಲಿ 36 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು ದಾಖಲಿಸಿವೆ. ಆನ್ ಲೈನ್ ಸೈಬರ್ ಕ್ರೈಮ್ ದೂರು ನೀಡುವುದು ಹೇಗೆ? ರಾಷ್ಟ್ರೀಯ ಸೈಬರ್ ಅಪರಾಧ (https://cybercrime.gov.in/) ಸೈಬರ್ ಅಪರಾಧವನ್ನು ವರದಿ ಮಾಡುವ ಆನ್ಲೈನ್ ಪೋರ್ಟಲ್ ಆಗಿದೆ. ಇಲ್ಲಿ ನೀವು ಆರ್ಥಿಕ ವಂಚನೆ, ಮಹಿಳೆಯರು / ಮಕ್ಕಳಿಗೆ ಸಂಬಂಧಿಸಿದ ಅಪರಾಧ ಮತ್ತು ಇತರ ಸೈಬರ್ ಅಪರಾಧಗಳ ದೂರುಗಳನ್ನು ಸಲ್ಲಿಸಬಹುದಾಗಿದೆ.
ಕರೆ ಮಾಡುವ ಮೂಲಕವೂ ನೀವು ದೂರು ಸಲ್ಲಿಸಬಹುದು
ರಾಷ್ಟ್ರೀಯ ಸೈಬರ್ ಅಪರಾಧ ಪೋರ್ಟಲ್ನಲ್ಲಿ ಪಟ್ಟಿ ಮಾಡಲಾದ ವಿವರಗಳ ಪ್ರಕಾರ, ಆನ್ಲೈನ್ ಹಣಕಾಸು ವಂಚನೆಯ ಬಗ್ಗೆ ನೀವು 1930 ಗೆ ಕರೆ ಮಾಡುವ ಮೂಲಕ ದೂರು ಸಲ್ಲಿಸಬಹುದು. ಈ ಸಂಖ್ಯೆಗೆ ಕರೆ ಮಾಡುವ ಮೂಲಕ, ನೀವು ನಿಮ್ಮ ವಿವರಗಳನ್ನು ನೀಡಬಹುದು ಮತ್ತು ವಂಚನೆಯ ಬಗ್ಗೆ ಮಾಹಿತಿ ನೀಡಬಹುದಾಗಿದೆ. ನೀವು ಮರೆತರೂ ಈ ತಪ್ಪನ್ನು ಮಾಡಬೇಡಿ
ನಿಮ್ಮ ಸಿಮ್ ಕಾರ್ಡ್ ಅಥವಾ ಮೊಬೈಲ್ ಸಾಧನವು ಯಾವುದೇ ರೀತಿಯ ಸೈಬರ್ ಅಪರಾಧ ಚಟುವಟಿಕೆಯಲ್ಲಿ ಕಂಡುಬಂದರೆ, ನಿಮ್ಮ ಸಿಮ್ ಕಾರ್ಡ್ ಅನ್ನು ನಿರ್ಬಂಧಿಸುವುದರ ಜೊತೆಗೆ, ನೀವು ಜೈಲಿಗೆ ಹೋಗಬಹದುಆಗಿದೆ . ಅಷ್ಟೇ ಅಲ್ಲ, ಬೇರೆ ಯಾರಾದರೂ ನಿಮ್ಮ ಹೆಸರಿನಲ್ಲಿ ಸಿಮ್ ಖರೀದಿಸಿದ್ದರೆ ಅಥವಾ ನೀವು ಯಾರಿಗಾದರೂ ಸಿಮ್ ಕಾರ್ಡ್ ಬಳಸಲು ನೀಡಿದ್ದರೆ, ಅವರು ಆ ಸಂಖ್ಯೆಯನ್ನು ಯಾವುದಕ್ಕಾಗಿ ಬಳಸುತ್ತಾರೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
