ಬೆಂಗಳೂರು: ಭಾರತಿ ಏರ್ಟೆಲ್ ತನ್ನ ಗ್ರಾಹಕರಿಗಾಗಿ ಐಆರ್ ಪೋರ್ಟ್ಫೋಲಿಯೊವನ್ನು ಮತ್ತಷ್ಟು ಸರಳ, ಹೆಚ್ಚು ಅಗ್ಗ ಮತ್ತು ಸಂಪೂರ್ಣವಾಗಿ ತಡೆ-ರಹಿತವನ್ನಾಗಿಸಲು ಹೊಸ ಪ್ಲಾನ್ಸ್ ಪ್ರಕಟಿಸಿದೆ. ಸಂಸ್ಥೆಯು 189 ದೇಶಗಳಾದ್ಯಂತ ಅನಿಯಮಿತ ಡೇಟಾ ಒದಗಿಸುವ ಭಾರತದ ಮೊಟ್ಟಮೊದಲ ಅನಿಯಮಿತ ಐಆರ್ ಪ್ಲಾನ್ಸ್ ಅನ್ನು ಅನಾವರಣಗೊಳಿಸಿದೆ.
ಹೆಚ್ಚುವರಿಯಾಗಿ, ದೀರ್ಘಕಾಲದವರೆಗೆ ಅನಿವಾಸಿ ಸಮುದಾಯದವರಿಗಾಗಿ, ಏರ್ಟೆಲ್ ಒಂದು-ವರ್ಷದ ವ್ಯಾಲಿಡಿಟಿಯೊಂದಿಗೆ ರೂ. 4000 ಗಳಿಗಾಗಿ ವಿಶಿಷ್ಟ ರಿಚಾರ್ಜ್ ಪ್ಲಾನ್ ಅನ್ನು ಪರಿಚಯಿಸಿದೆ. ಪ್ಲಾನ್ ಮೂಲಕ ಗ್ರಾಹಕರು ವಿದೇಶದಲ್ಲಿದ್ದಾಗ 5ಜಿಬಿ ಡೇಟಾ ಮತ್ತು 100 ವಾಯ್ಸ್ ನಿಮಿಷಗಳನ್ನು ಪಡೆಯುವುದರ ಜೊತೆಗೆ ಅವರು ಭಾರತದಲ್ಲಿದ್ದಾಗಲೂ ಸಹ ಅದೇ ಪ್ಲಾನ್ ಬಳಸಬಹುದು ಮತ್ತು ಪ್ರತಿದಿನ 1.5 ಜಿಬಿ ಡೇಟಾ ಮತ್ತು ಅನಿಯಮಿತ ಕರೆ ಲಾಭಗಳನ್ನು ಸಹ ಪಡೆಯಬಹುದಾಗಿದೆ. ಈ ಪ್ಲಾನ್ ಮೂಲಕ ಗ್ರಾಹಕರು 189 ದೇಶಗಳಾದ್ಯಂತ ಎಲ್ಲಿಯಾದರೂ ತಡೆ-ರಹಿತ ಸಂಪರ್ಕ ಅನುಭವವನ್ನು ಪಡೆಯಬಹುದು ಮತ್ತು ಭಾರತದಲ್ಲಿದ್ದಾಗ ಸಹ ಯಾವುದೇ ಪ್ರತ್ಯೇಕ ರಿಚಾರ್ಜ್ ಇಲ್ಲದೆ ಅದೇ ಸಂಖ್ಯೆಯನ್ನು ಬಳಸಬಹುದು.
ಭಾರತಿ ಏರ್ಟೆಲ್ ಅವರ ಕನೆಕ್ಟೆಡ್ ಹೋಮ್ಸ್ ನ ಮಾರ್ಕೆಟಿಂಗ್ ನಿರ್ದೇಶಕರು ಮತ್ತು ಸಿಇಒ ಆಗಿರುವ ಸಿದ್ಧಾರ್ಥ್ ಶರ್ಮಾ ಅವರು ಈ ಕುರಿತು ಮಾತನಾಡಿ, “ಏರ್ಟೆಲ್ ನಲ್ಲಿ, ನಾವು ನಮ್ಮ ಗ್ರಾಹಕರ ಜೀವನವನ್ನು ಹೆಚ್ಚು ಸರಳವಾಗಿಸಲು ಪ್ರಯತ್ನಿಸುತ್ತೇವೆ. ಈ ಮೂಲಕ ನಾವು ಅವರಿಗೆ ಹೆಚ್ಚಿನ ಮೌಲ್ಯ ಹಾಗೂ ಅನುಕೂಲತೆಯನ್ನು ಒದಗಿಸುತ್ತೇವೆ. ನಾವು ನಮ್ಮ ಐಆರ್ ಪ್ಲಾನ್ ಗಳನ್ನು ಹೆಚ್ಚು ಸರಳೀಕೃತಗೊಳಿಸಿದ್ದೇವೆ, ಇದು ನಿಜಕ್ಕೂ ಗ್ರಾಹಕರಿಗಾಗಿನ ನಮ್ಮ ಮೌಲ್ಯ ಪ್ರತಿಪಾದನೆಯನ್ನು ಮತ್ತೊಮ್ಮೆ ಸಾರುತ್ತದೆ ಹಾಗೂ ಅವರು ಜಗತ್ತನ್ನು ಸುತ್ತುವಾಗ ಡೇಟಾ ಮತ್ತು ಕರೆಗಳನ್ನು ಸ್ವತಂತ್ರವಾಗಿ ಬಳಸಲು ಅವಕಾಶ ಮಾಡಿಕೊಡುತ್ತದೆ. ನಾವು ನಮ್ಮ ಗ್ರಾಹಕರ ಸದಾ-ಬದಲಾಗುವ ಅಗತ್ಯತೆಗಳನ್ನು ಪೂರೈಸಲು ಹೊಸ ಪರಿಹಾರಗಳನ್ನು ಒದಗಿಸುವಲ್ಲಿ ನಿರಂತರವಾಗಿ ಬದ್ಧರಾಗಿದ್ದೇವೆ.” ಎಂದರು.
ಗ್ರಾಹಕರು ಇವುಗಳನ್ನು ಒಳಗೊಂಡ ಪ್ಲಾನ್ ಗಳೊಂದಿಗೆ ಇತರ ಐಆರ್ ಲಾಭಗಳನ್ನು ಪಡೆಯುವುದನ್ನು ಮುಂದುವರೆಸುತ್ತಾರೆ:
● ಇನ್-ಫ್ಲೈಟ್(ವಿಮಾನದೊಳಗಿನ) ಸಂಪರ್ಕ, ಬೇರೆ ದೇಶಗಳಿಗೆ ತಲುಪಿದಾಕ್ಷಣ ಸೇವೆಗಳ ಸ್ವಯಂ-ಸಕ್ರಿಯ, 24X7 ಗ್ರಾಹಕ ಸೇವಾ ಬೆಂಬಲ
● 189 ದೇಶಗಳಿಗೆ ಪ್ರವಾಸ ಮಾಡಲು ಒಂದು ಪ್ಲಾನ್. ಯಾವ ವಲಯ ಅಥವಾ ಪ್ಯಾಕ್ ಆಯ್ಕೆ ಮಾಡಬೇಕು ಎನ್ನುವ ಗೊಂದಲವಿಲ್ಲ. ಅನೇಕ ದೇಶಗಳು ಅಥವಾ ಸಾರಿಗೆ ವಿಮಾನ ನಿಲ್ದಾಣಗಳಾದ್ಯಂತ ಅನೇಕ ಪ್ಯಾಕ್ಸ್ ಅಗತ್ಯವಿಲ್ಲ
● ಆಗಾಗ್ಗೆ ಪ್ರಯಾಣ ಮಾಡುವವರಿಗಾಗಿ ಸ್ವಯಂ-ರಿನೀವಲ್ ವೈಶಿಷ್ಟ್ಯ. ಇದರಿಂದ ಅನೇಕ ಸಲ ಪ್ಯಾಕ್ ಖರೀದಿ ಮಾಡುವ ಅಗತ್ಯ ಇರುವುದಿಲ್ಲ ಮತ್ತು ಇದರಿಂದ ಪ್ರಯಾಣ ಸುಗಮವಾಗುತ್ತದೆ.
● ಅಗ್ಗದ ಪ್ಯಾಕ್ಸ್. ಅನೇಕ ದೇಶದೊಳಗೆ/ಸ್ಥಳೀಯ ಸಿಮ್ ಗಳಿಗೆ ಹೋಲಿಸಿದರೆ ಇದು ಹೆಚ್ಚು ಅಗ್ಗ. ಇದು ಜಗತ್ತನ್ನು ಸುತ್ತುವವರಿಗೆ ಸಂಪರ್ಕದಲ್ಲಿರಲು ಸರಳೀಕೃತ ಪರಿಹಾರ ಕೊಡುವ ಜೊತೆಗೆ ಅವರಿಗೆ ಸ್ಥಳೀಯ ಸಿಮ್ ಕಾರ್ಡ್ ಪಡೆಯುವ ಖರ್ಚು ಮತ್ತು ತೊಂದರೆಗಳನ್ನು ನಿವಾರಿಸುತ್ತದೆ.
● ಗ್ರಾಹಕರ ಕೈಯಲ್ಲಿ ಎಲ್ಲಾ ನಿಯಂತ್ರಣ ಇರುತ್ತದೆ. ಅವರು ಏರ್ಟೆಲ್ ಥ್ಯಾಂಕ್ಸ್ ಆಪ್ ನಲ್ಲಿ ಡೇಟಾ ಬಳಕೆ, ಬಿಲ್ಲಿಂಗ್ ಮೊತ್ತ ಮತ್ತು ಡೇಟಾ ಸೇರ್ಪಡೆ ಅಥವಾ ಅಗತ್ಯ ನಿಮಿಷಗಳ ಸೇರ್ಪಡೆ ಕುರಿತು ಮಾಹಿತಿಯೊಂದಿಗೆ ತಮ್ಮ ಇಡೀ ಅಂತರರಾಷ್ಟ್ರೀಯ ರೋಮಿಂಗ್ ಅಗತ್ಯತೆಗಳನ್ನು ನಿರ್ವಹಿಸಲು ಸಾಧ್ಯವಾಗುತ್ತದೆ.
ನಾಳೆ ಮದ್ದೂರಿನಲ್ಲಿ ತಿರಂಗಾ ಯಾತ್ರೆ: ಮನ್ ಮುಲ್ ನಿರ್ದೇಶಕ ಎಸ್.ಪಿ.ಸ್ವಾಮಿ
