ಮಾಂಸಾಹಾರಿಗಳಲ್ಲಿ ಚಿಕನ್ ಅಂದರೆ ಪ್ರಾಣ ಬಿಡುವವರೇ ಹೆಚ್ಚು. ವೀಕೆಂಡ್ ಬಂತು ಅಂದರೆ ಸಾಕು, ತರಹೇವಾರಿ ಚಿಕನ್ ಖಾದ್ಯಗಳು ರಾರಾಜಿಸುತ್ತವೆ. ಆದರೆ, ಚಿಕನ್ನ ಎಲ್ಲಾ ಭಾಗಗಳೂ ಆರೋಗ್ಯಕ್ಕೆ ಸುರಕ್ಷಿತವಲ್ಲ ಎಂದು ಆರೋಗ್ಯ ತಜ್ಞರು ಎಚ್ಚರಿಸುತ್ತಿದ್ದಾರೆ. ಕೋಳಿಯ ಕೆಲವು ನಿರ್ದಿಷ್ಟ ಭಾಗಗಳಲ್ಲಿ ಹಾನಿಕಾರಕ ಬ್ಯಾಕ್ಟೀರಿಯಾ, ಪರಾವಲಂಬಿ ಜೀವಿಗಳು ಮತ್ತು ವಿಷಕಾರಿ ಅಂಶಗಳು (ಟಾಕ್ಸಿನ್) ಹೆಚ್ಚಾಗಿ ಸಂಗ್ರಹವಾಗುತ್ತವೆ. ಇವುಗಳನ್ನು ಸರಿಯಾಗಿ ಬೇಯಿಸದೆ ತಿಂದರೆ ತೀವ್ರ ಫುಡ್ ಪಾಯ್ಸನಿಂಗ್, ಜೀರ್ಣಕ್ರಿಯೆ ಸಮಸ್ಯೆಗಳು ಹಾಗೂ ದೀರ್ಘಕಾಲದ ಆರೋಗ್ಯ ಕಾಟಗಳು ಎದುರಾಗಬಹುದು.
ಹಾಗಾದರೆ, ಚಿಕನ್ ಪ್ರಿಯರು ತಮ್ಮ ಆರೋಗ್ಯದ ದೃಷ್ಟಿಯಿಂದ ಕೋಳಿಯ ಯಾವೆಲ್ಲಾ ಭಾಗಗಳನ್ನು ತಿನ್ನಬಾರದು? ಇಲ್ಲಿದೆ ಸಂಪೂರ್ಣ ಮಾಹಿತಿ:
1. ಕೋಳಿಯ ಚರ್ಮ (Chicken Skin)
ಅನೇಕರು ಚಿಕನ್ ಬೇಯಿಸುವಾಗ ಚರ್ಮದ ಸಮೇತ (With Skin) ಬೇಯಿಸುತ್ತಾರೆ. ಆದರೆ, ಚಿಕನ್ ಚರ್ಮದಲ್ಲಿ ಅತಿ ಹೆಚ್ಚು ಪ್ರಮಾಣದ ಸಂತೃಪ್ತ ಕೊಬ್ಬು (Saturated Fats) ಇರುತ್ತದೆ. ಇದನ್ನು ನಿಯಮಿತವಾಗಿ ಸೇವಿಸುವುದರಿಂದ ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ (LDL) ಮಟ್ಟ ವೇಗವಾಗಿ ಹೆಚ್ಚಿ, ಬೊಜ್ಜು ಮತ್ತು ಹೃದಯ ಸಂಬಂಧಿ ಕಾಯಿಲೆಗಳ ಅಪಾಯವನ್ನು ತಂದೊಡ್ಡುತ್ತದೆ. ಅಷ್ಟೇ ಅಲ್ಲದೆ, ಕೋಳಿಗಳಿಗೆ ನೀಡಲಾಗುವ ಆಂಟಿಬಯೋಟಿಕ್ಸ್ ಮತ್ತು ಹಾರ್ಮೋನ್ಗಳ ಪ್ರಭಾವ ಮೊದಲು ಬೀಳುವುದೇ ಈ ಚರ್ಮದ ಮೇಲೆ.
2. ಶ್ವಾಸಕೋಶ (Chicken Lungs)
ಕೋಳಿಯ ಶ್ವಾಸಕೋಶದಲ್ಲಿ ಕ್ಯಾಂಪಿಲೋಬ್ಯಾಕ್ಟರ್ ಮತ್ತು ಸಾಲ್ಮೊನೆಲ್ಲಾದಂತಹ ಹಲವಾರು ಹಾನಿಕಾರಕ ಬ್ಯಾಕ್ಟೀರಿಯಾಗಳು ವಾಸಿಸುತ್ತವೆ. ಈ ಭಾಗಗಳನ್ನು ನೀವು ಎಷ್ಟೇ ಹೆಚ್ಚಿನ ತಾಪಮಾನದಲ್ಲಿ ಬೇಯಿಸಿದರೂ, ಕೆಲವು ಕಠಿಣ ಬ್ಯಾಕ್ಟೀರಿಯಾಗಳು ಸಂಪೂರ್ಣವಾಗಿ ನಾಶವಾಗುವುದಿಲ್ಲ. ಇವುಗಳನ್ನು ಸೇವಿಸುವುದರಿಂದ ತೀವ್ರ ವಾಂತಿ, ಭೇದಿ ಮತ್ತು ಫುಡ್ ಪಾಯ್ಸನಿಂಗ್ ಆಗುವ ಸಾಧ್ಯತೆ ಇರುತ್ತದೆ.
3. ಕರಳು ಮತ್ತು ಗಿಜಾರ್ಡ್ (Gizzard & Intestines)
ಕೋಳಿಯ ಜೀರ್ಣಾಂಗ ವ್ಯವಸ್ಥೆಗೆ ಸಂಬಂಧಿಸಿದ ಕರಳು ಮತ್ತು ಗಿಜಾರ್ಡ್ (ಪಚನನಾಳದ ಭಾಗ) ಮುಂತಾದವುಗಳಲ್ಲಿ ಪರಾವಲಂಬಿ ಜೀವಿಗಳು, ಬ್ಯಾಕ್ಟೀರಿಯಾಗಳು ಹಾಗೂ ಕೋಳಿ ತಿಂದ ಆಹಾರದ ತ್ಯಾಜ್ಯಗಳು ಉಳಿದುಕೊಳ್ಳುವ ಅವಕಾಶ ಹೆಚ್ಚು. ಇವುಗಳನ್ನು ಸರಿಯಾಗಿ ಸ್ವಚ್ಛಗೊಳಿಸದೆ ತಿಂದರೆ ಹೊಟ್ಟೆಯ ಇನ್ಫೆಕ್ಷನ್ ಹಾಗೂ ಗ್ಯಾಸ್ಟ್ರಿಕ್ ಸಮಸ್ಯೆಗಳು ತಲೆದೂರುತ್ತವೆ.
4. ಕೋಳಿಯ ಬಾಲದ ಭಾಗ (Chicken Tail/Rump)
ಕೋಳಿಯ ಬಾಲದ ಭಾಗದಲ್ಲಿ ಗ್ರಂಥಿಗಳು (Glands) ಮತ್ತು ಕೊಬ್ಬಿನಂಶ ತುಂಬಾ ಹೆಚ್ಚಾಗಿರುತ್ತದೆ. ಈ ಭಾಗದಲ್ಲಿಯೂ ಬ್ಯಾಕ್ಟೀರಿಯಾಗಳು ಸುಲಭವಾಗಿ ಸೇರಿಕೊಳ್ಳುವುದರಿಂದ, ಇದನ್ನು ತಿನ್ನದೆ ಬಿಸಾಡುವುದೇ ಆರೋಗ್ಯಕ್ಕೆ ಶ್ರೇಯಸ್ಕರ.
ತೆಗೆದುಕೊಳ್ಳಬೇಕಾದ ಮುನ್ನೆಚ್ಚರಿಕೆಗಳು:
ಲಿವರ್ (ಕಾಲೇಯ) ಸೇವನೆ ಜಾಗ್ರತೆಯಿಂದ ಇರಲಿ: ಕೋಳಿಯ ಲಿವರ್ನಲ್ಲಿ ಐರನ್ ಮತ್ತು ವಿಟಮಿನ್ಗಳು ಹೆಚ್ಚಾಗಿದ್ದರೂ, ಒಂದು ವೇಳೆ ಕೋಳಿಗೆ ಕೆಮಿಕಲ್ಸ್ ಅಥವಾ ಔಷಧಿಗಳನ್ನು ಹೆಚ್ಚಾಗಿ ನೀಡಿದ್ದರೆ, ಆ ವಿಷಕಾರಿ ಅಂಶಗಳೆಲ್ಲವೂ ಲಿವರ್ನಲ್ಲೇ ಸಂಗ್ರಹವಾಗಿರುತ್ತವೆ. ಹಾಗಾಗಿ, ನಂಬಿಕಸ್ಥ ಮತ್ತು ಸ್ವಚ್ಛವಾದ ಜಾಗದಿಂದಲೇ ಚಿಕನ್ ಖರೀದಿಸಿ.
ಚೆನ್ನಾಗಿ ಬೇಯಿಸಿ: ಚಿಕನ್ ಬೇಯಿಸುವಾಗ ಮಾಂಸದ ಒಳಗಿನ ಭಾಗದವರೆಗೂ ಸಂಪೂರ್ಣವಾಗಿ ಬೇಯುವಂತೆ (ಚೆನ್ನಾಗಿ ಬಾಯ್ಲ್ ಆಗುವಂತೆ) ನೋಡಿಕೊಳ್ಳಬೇಕು. ಅರ್ಧಂಬರ್ಧ ಬೆಂದ ಚಿಕನ್ ತಿಂದರೆ ಇನ್ಫೆಕ್ಷನ್ ಗ್ಯಾರಂಟಿ.
ಲೀನ್ ಮೀಟ್ ಬಳಸಿ: ಚಿಕನ್ ಖರೀದಿಸುವಾಗ ಆದಷ್ಟು ಚರ್ಮ ರಹಿತ ಬ್ರೆಸ್ಟ್ ಪೀಸ್ (Skinless Breast Pieces) ಅಥವಾ ಲೀನ್ ಮೀಟ್ ಆಯ್ದುಕೊಳ್ಳುವುದು ಆರೋಗ್ಯಕ್ಕೆ ಅತ್ಯಂತ ಸುರಕ್ಷಿತ.
