ನವದೆಹಲಿ: ಇರಾನ್ ಮತ್ತು ಅಮೆರಿಕಾ ನಡುವಿನ ಸಂಘರ್ಷದ ಸಂದರ್ಭದಲ್ಲಿ ಇರಾನ್ ಜನತೆಗೆ ನೆರವಾಗಲು ಮುಂದಾದ ಭಾರತೀಯರ “ಅದ್ಭುತ ಸ್ಪಂದನೆ”ಗೆ (Commendable Support) ಭಾರತದಲ್ಲಿರುವ ಇರಾನ್ ರಾಯಭಾರ ಕಚೇರಿಯು ಹೃತ್ಪೂರ್ವಕ ಕೃತಜ್ಞತೆ ಸಲ್ಲಿಸಿದೆ. ಅಲ್ಲದೆ, ದೇಣಿಗೆ ಸಂಗ್ರಹಕ್ಕಾಗಿ ಮೀಸಲಿಟ್ಟಿದ್ದ ಬ್ಯಾಂಕ್ ಖಾತೆಗಳನ್ನು ಈಗ ಸ್ಥಗಿತಗೊಳಿಸಿರುವುದಾಗಿ (Deactivate) ಘೋಷಿಸಿದೆ.
ಸಂಕಷ್ಟದ ಸಮಯದಲ್ಲಿ ಭಾರತೀಯರು ತೋರಿದ ಬೆಂಬಲ ಮತ್ತು ನೀಡಿದ ದೇಣಿಗೆಗೆ ಇರಾನ್ ಸರ್ಕಾರವು ಧನ್ಯವಾದ ಅರ್ಪಿಸಿದೆ. ಭಾರತೀಯರ ಈ ನಡೆಯು ಉಭಯ ದೇಶಗಳ ನಡುವಿನ ಆಪ್ತ ಬಾಂಧವ್ಯಕ್ಕೆ ಸಾಕ್ಷಿಯಾಗಿದೆ ಎಂದು ರಾಯಭಾರ ಕಚೇರಿ ಹೇಳಿದೆ.
ಯುದ್ಧ ಪೀಡಿತರಿಗೆ ಮತ್ತು ಸಂತ್ರಸ್ತರಿಗೆ ನೆರವಾಗಲು ತೆರೆಯಲಾಗಿದ್ದ ಅಧಿಕೃತ ದೇಣಿಗೆ ಖಾತೆಗಳನ್ನು ಈಗ ನಿಷ್ಕ್ರಿಯಗೊಳಿಸಲಾಗಿದೆ. ಇನ್ನು ಮುಂದೆ ಈ ಖಾತೆಗಳಿಗೆ ಯಾವುದೇ ಹಣವನ್ನು ಜಮೆ ಮಾಡದಂತೆ ಸಾರ್ವಜನಿಕರಲ್ಲಿ ವಿನಂತಿಸಲಾಗಿದೆ.
ಇರಾನ್ ರಾಯಭಾರ ಕಚೇರಿಯ ಹೆಸರಿನಲ್ಲಿ ಯಾರಾದರೂ ವೈಯಕ್ತಿಕವಾಗಿ ಅಥವಾ ಅನಧಿಕೃತ ಲಿಂಕ್ಗಳ ಮೂಲಕ ದೇಣಿಗೆ ಕೇಳಿದರೆ ಸಾರ್ವಜನಿಕರು ಎಚ್ಚರದಿಂದ ಇರಬೇಕು ಮತ್ತು ಅಂತಹ ವಂಚನೆಗಳಿಗೆ ಬಲಿಯಾಗಬಾರದು ಎಂದು ಸ್ಪಷ್ಟಪಡಿಸಲಾಗಿದೆ.ಇಸ್ಲಾಮಾಬಾದ್ನಲ್ಲಿ ಶಾಂತಿ ಮಾತುಕತೆಗಳು ನಡೆಯುತ್ತಿರುವಾಗಲೇ ಭಾರತದಿಂದ ದೊರೆತ ಈ ಮಾನವೀಯ ಬೆಂಬಲವು ಇರಾನ್ಗೆ ದೊಡ್ಡ ಸಾಂತ್ವನ ನೀಡಿದೆ.
