ವಾಷಿಂಗ್ಟನ್: ಅಮೆರಿಕದ ಆರ್ಥಿಕ ಇತಿಹಾಸದಲ್ಲಿ ಅಭೂತಪೂರ್ವ ಬದಲಾವಣೆಯೊಂದಕ್ಕೆ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಚಾಲನೆ ನೀಡಿದ್ದಾರೆ. ಇನ್ನು ಮುಂದೆ ಅಮೆರಿಕದ ಕರೆನ್ಸಿ ನೋಟುಗಳ (Dollar Bills) ಮೇಲೆ ಅಧ್ಯಕ್ಷರ ಸಹಿ ಕಾಣಿಸಿಕೊಳ್ಳಲಿದೆ. ಈ ಮೂಲಕ 1860ರಿಂದ ನಡೆದುಬಂದಿದ್ದ 165 ವರ್ಷಗಳ ಸುದೀರ್ಘ ಸಂಪ್ರದಾಯವೊಂದನ್ನು ಟ್ರಂಪ್ ಅಂತ್ಯಗೊಳಿಸಿದ್ದಾರೆ.
ಈವರೆಗೆ ಅಮೆರಿಕದ ನೋಟುಗಳ ಮೇಲೆ ಕೇವಲ ‘ಟ್ರೆಜರಿ ಸೆಕ್ರೆಟರಿ’ (ಹಣಕಾಸು ಸಚಿವ) ಮತ್ತು ‘ಟ್ರೆಜರರ್’ ಸಹಿ ಮಾತ್ರ ಇರುತ್ತಿತ್ತು. ಆದರೆ ಈಗ ಟ್ರಂಪ್ ಅವರು ತಮ್ಮ ಅಧಿಕಾರಾವಧಿಯಲ್ಲಿ ಹೊಸ ನೋಟುಗಳ ಮೇಲೆ ಅಧ್ಯಕ್ಷರ ಸಹಿಯೂ ಇರುವಂತೆ ಆದೇಶಿಸಿದ್ದಾರೆ.
ಅಮೆರಿಕದ ಅಂತರ್ಯುದ್ಧದ ಸಮಯದಲ್ಲಿ (1861-1865) ಅಬ್ರಹಾಂ ಲಿಂಕನ್ ಅವರು ಜಾರಿಗೆ ತಂದಿದ್ದ ಹಣಕಾಸು ನಿಯಮದ ಪ್ರಕಾರ ಈವರೆಗೆ ಅಧ್ಯಕ್ಷರು ನೋಟುಗಳ ಮೇಲೆ ಸಹಿ ಮಾಡುತ್ತಿರಲಿಲ್ಲ. ಈಗ ಆ ನಿಯಮಕ್ಕೆ ಟ್ರಂಪ್ ತೆರೆ ಎಳೆದಿದ್ದಾರೆ.
“ಅಮೆರಿಕದ ಆರ್ಥಿಕತೆಯ ಮೇಲೆ ದೇಶದ ಜನರಿಗೆ ಇರುವ ನಂಬಿಕೆಯನ್ನು ಇದು ಮತ್ತಷ್ಟು ಹೆಚ್ಚಿಸಲಿದೆ ಮತ್ತು ಜಾಗತಿಕವಾಗಿ ಅಮೆರಿಕದ ಬಲವನ್ನು ಪ್ರದರ್ಶಿಸಲಿದೆ” ಎಂಬುದು ಟ್ರಂಪ್ ಸರ್ಕಾರದ ವಾದವಾಗಿದೆ.
ಟ್ರಂಪ್ ಅವರ ಈ ನಡೆಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಕೆಲವರು ಇದನ್ನು ‘ಐತಿಹಾಸಿಕ’ ಎಂದರೆ, ವಿಮರ್ಶಕರು ಇದನ್ನು ‘ವೈಯಕ್ತಿಕ ಪ್ರಚಾರ’ದ ತಂತ್ರ ಎಂದು ಟೀಕಿಸುತ್ತಿದ್ದಾರೆ.
