ಸಾಗರ: ಮಲೆನಾಡಿನ ಆರಾಧ್ಯ ದೈವ, ಸಾಗರದ ಶ್ರೀ ಮಾರಿಕಾಂಬಾ ದೇವಿ ನ್ಯಾಸ ಪ್ರತಿಷ್ಠಾನಕ್ಕೆ ಬರೊಬ್ಬರಿ 20 ವರ್ಷಗಳ ಸುದೀರ್ಘ ಬಿಡುವಿನ ನಂತರ ನಡೆದ ಚುನಾವಣೆ ಹೊಸ ಇತಿಹಾಸ ಬರೆದಿದೆ. ಈ ಚುನಾವಣೆಯಲ್ಲಿ ಅತ್ಯಂತ ಗಮನಾರ್ಹ ಅಂಶವೆಂದರೆ, ಯುವ ಉದ್ಯಮಿ ಹಾಗೂ ಸಮಾಜ ಸೇವಕ ಪುರುಷೋತ್ತಮ್ (ಪುಚ್ಚಿ) ಅವರು ಬರೋಬ್ಬರಿ 205 ಮತಗಳ ಅಂತರದಿಂದ ಅತೀ ಹೆಚ್ಚು ಮತಗಳನ್ನು ಪಡೆದು ಪ್ರಚಂಡ ಗೆಲುವು ಸಾಧಿಸಿರುವುದು.
ದಾಖಲೆಯ ಗೆಲುವು: ಬದಲಾವಣೆಯ ಗಾಳಿ?
ಸುಮಾರು ಎರಡು ದಶಕಗಳ ಕಾಲ ಹಳೆಯ ಸಮಿತಿಯ ಮುಂದುವರಿಕೆಗೆ ಸಾಕ್ಷಿಯಾಗಿದ್ದ ಮಾರಿಕಾಂಬಾ ದೇವಸ್ಥಾನದ ಆಡಳಿತ ಮಂಡಳಿಯಲ್ಲಿ ಈ ಬಾರಿ ಚುನಾವಣೆ ನಡೆದದ್ದು ಭಕ್ತರಲ್ಲಿ ಹೊಸ ಸಂಚಲನ ಮೂಡಿಸಿತ್ತು. ಈ ಪೈಪೋಟಿಯ ನಡುವೆಯೂ ಪುರುಷೋತ್ತಮ್(ಪುಚ್ಚಿ) ಅವರು ಅತೀ ಹೆಚ್ಚು ಮತಗಳನ್ನು ಗಳಿಸುವ ಮೂಲಕ ತಮ್ಮ ಜನಪ್ರಿಯತೆಯನ್ನು ಸಾಬೀತುಪಡಿಸಿದ್ದಾರೆ. ಈ ಭರ್ಜರಿ ಗೆಲುವು ಸಾಗರದ ಮಾರಿಕಾಂಬಾ ಸಮಿತಿಯ ಸದಸ್ಯರು ಅವರ ಮೇಲಿಟ್ಟಿರುವ ನಂಬಿಕೆಗೆ ಸಾಕ್ಷಿಯಾಗಿದೆ.
ಅಧ್ಯಕ್ಷ ಸ್ಥಾನಕ್ಕೆ ಕೇಳಿಬರುತ್ತಿರುವ ಬಲವಾದ ಧ್ವನಿ
ಗೆಲುವಿನ ಬೆನ್ನಲ್ಲೇ ಈಗ ಎಲ್ಲರ ಚಿತ್ತ “ಅಧ್ಯಕ್ಷರ ಪಟ್ಟ ಯಾರಿಗೆ?” ಎಂಬತ್ತ ನೆಟ್ಟಿದೆ. ಹಾಲಿ ಸಮಿತಿಯು ಈ ಬಾರಿ ಹೊಸ ಮುಖಗಳಿಗೆ ಮಣೆ ಹಾಕುವ ಮೂಲಕ ಆಡಳಿತದಲ್ಲಿ ಹೊಸತನ ತರಬೇಕು ಎಂಬ ಮಾತುಗಳು ಕೇಳಿಬರುತ್ತಿವೆ. ಅತೀ ಹೆಚ್ಚು ಮತಗಳ ಅಂತರದಿಂದ ಗೆದ್ದಿರುವ ಪುರುಷೋತ್ತಮ್ ಅವರನ್ನೇ ಅಧ್ಯಕ್ಷರನ್ನಾಗಿ ಮಾಡಬೇಕು ಎಂಬುದು ಅವರ ಅಪಾರ ಅಭಿಮಾನಿಗಳ ಹಾಗೂ ಮತದಾರರ ಬಲವಾದ ಒತ್ತಾಯವಾಗಿದೆ.
“ಸೇವೆಯೇ ಗುರಿಯಾಗಿಸಿಕೊಂಡಿರುವ ಪುರುಷೋತ್ತಮ್ ಅವರು ಸಮಿತಿಯ ಸಾರಥ್ಯ ವಹಿಸಿಕೊಂಡರೆ ದೇವಸ್ಥಾನದ ಅಭಿವೃದ್ಧಿಗೆ ಹೊಸ ವೇಗ ಸಿಗಲಿದೆ” ಎಂಬುದು ಬೆಂಬಲಿಗರ ಆಶಯ.
ಸೇವೆ ಮತ್ತು ಸಂಘಟನೆಯೇ ಇವರ ಶಕ್ತಿ
ಪುರುಷೋತ್ತಮ್ ಕೇವಲ ಚುನಾವಣೆಯ ಕಾರಣಕ್ಕೆ ಮುನ್ನೆಲೆಗೆ ಬಂದವರಲ್ಲ. ಕಳೆದ ಹಲವು ವರ್ಷಗಳಿಂದ ಶ್ರೀ ಮಾರಿಕಾಂಬಾ ದೇವಿಯ ಸೇವೆಯಲ್ಲಿ ಶ್ರದ್ಧೆಯಿಂದ ತೊಡಗಿಸಿಕೊಂಡಿದ್ದಾರೆ.
- ಧಾರ್ಮಿಕ ಮತ್ತು ಸಾಮಾಜಿಕ ಸೇವೆ: ದೇವಸ್ಥಾನದ ಕಾರ್ಯಕ್ರಮಗಳ ಜೊತೆಗೆ ಸಾಮಾಜಿಕ ಸೇವಾ ಚಟುವಟಿಕೆಗಳಲ್ಲಿ ಇವರು ಸಕ್ರಿಯ.
- ಉದ್ಯಮಿಯಾಗಿ ಯಶಸ್ಸು: ಯಶಸ್ವಿ ಉದ್ಯಮಿಯಾಗಿರುವ ಇವರು, ಹಾಲಿ ಸಮಿತಿಯ ಸದಸ್ಯರೊಂದಿಗೆ ಉತ್ತಮ ಬಾಂಧವ್ಯ ಮತ್ತು ಸಮನ್ವಯತೆಯನ್ನು ಹೊಂದಿದ್ದಾರೆ.
- ಸೌಮ್ಯ ಸ್ವಭಾವ: ಇವರ ಸೌಮ್ಯ ವ್ಯಕ್ತಿತ್ವ ಮತ್ತು ಎಲ್ಲರನ್ನೂ ಕೊಂಡೊಯ್ಯುವ ಗುಣವೇ ಇವರನ್ನು ‘ಜನಾನುರಾಗಿ’ಯನ್ನಾಗಿ ಮಾಡಿದೆ.
ಮುಂದಿನ ಹಾದಿ ಸವಾಲಿನದೇ?
ದಶಕಗಳ ನಂತರ ಹೊಸ ಸಮಿತಿ ಅಸ್ತಿತ್ವಕ್ಕೆ ಬರುತ್ತಿರುವುದರಿಂದ, ಸಾಗರದ ಇತಿಹಾಸ ಪ್ರಸಿದ್ಧ ಮಾರಿಕಾಂಬಾ ಜಾತ್ರೆ ಹಾಗೂ ದೇವಸ್ಥಾನದ ಆಡಳಿತವನ್ನು ಸುಸೂತ್ರವಾಗಿ ನಡೆಸುವ ಹೊಣೆಗಾರಿಕೆ ಗೆದ್ದವರ ಮೇಲಿದೆ. ಹಾಲಿ ಸಮಿತಿಯು ಹೊಸ ಮುಖಗಳಿಗೆ ಆದ್ಯತೆ ನೀಡಿ, ಅತೀ ಹೆಚ್ಚು ಮತದಾರರ ಪ್ರೀತಿ ಗಳಿಸಿರುವ ಪುರುಷೋತ್ತಮ್ ಅವರಿಗೆ ಅಧ್ಯಕ್ಷ ಪಟ್ಟ ನೀಡುತ್ತದೆಯೇ ಎಂಬ ಕುತೂಹಲ ಸಾಗರ ತಾಲ್ಲೂಕಿನಾದ್ಯಂತ ಮನೆಮಾಡಿದೆ.
ಒಟ್ಟಿನಲ್ಲಿ, ಚುನಾವಣೆಯ ಫಲಿತಾಂಶವಂತೂ ಸ್ಪಷ್ಟವಾಗಿದೆ. ಜನರ ಒಲವು ಪುರುಷೋತ್ತಮ್ ಅವರ ಕಡೆಗಿದೆ. ಈಗ ಹಾಲಿ ಸಮಿತಿಯ ನಿರ್ಣಯ ಏನಾಗಲಿದೆ ಎಂಬುದನ್ನು ಕಾದು ನೋಡಬೇಕಿದೆ. ಅದು ಮಾರ್ಚ್.29ರಂದು ನಿಗದಿ ಆಗಿರುವ ಅಧ್ಯಕ್ಷರ ಆಯ್ಕೆಯಲ್ಲಿ ಖಚಿತವಾಗಲಿದೆ. ಅಲ್ಲಿಯವರೆಗೆ ಯಾರು ಸಾಗರದ ಶ್ರೀ ಮಾರಿಕಾಂಬಾ ದೇವಿಯ ನ್ಯಾಸ ಪ್ರತಿಷ್ಠಾನದ ಅಧ್ಯಕ್ಷರು ಅಗಲಿದ್ದಾರೆ ಎಂಬುದನ್ನು ಕಾದು ನೋಡಬೇಕಿದೆ.
