ರಾಯ್ ಪುರ : ಕೃತಕ ಬುದ್ಧಿಮತ್ತೆ (AI) ತಂತ್ರಜ್ಞಾನವನ್ನು ದುರುಪಯೋಗಪಡಿಸಿಕೊಂಡು ತನ್ನ ತರಗತಿಯ 36 ವಿದ್ಯಾರ್ಥಿನಿಯರ ನಕಲಿ ಅಶ್ಲೀಲ ವೀಡಿಯೊಗಳು ಮತ್ತು ಫೋಟೋಗಳನ್ನು ರಚಿಸಿದ್ದ ಆರೋಪಿ ವಿದ್ಯಾರ್ಥಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ರಾಯ್‌ಪುರ ಪೊಲೀಸರು ಡಾ. ಶ್ಯಾಮ ಪ್ರಸಾದ್ ಮುಖರ್ಜಿ ಇಂಟರ್‌ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಇನ್ಫರ್ಮೇಷನ್ ಟೆಕ್ನಾಲಜಿ (ಐಐಐಟಿ ನಯಾ ರಾಯ್‌ಪುರ) ನ 21 ವರ್ಷದ ವಿದ್ಯಾರ್ಥಿ ಸಯೀದ್ ರಹೀಮ್ ಅದ್ನಾನ್ ಅವರನ್ನು AI ಪರಿಕರಗಳನ್ನು ಬಳಸಿಕೊಂಡು ಮಹಿಳಾ ವಿದ್ಯಾರ್ಥಿಗಳ ನಕಲಿ ಮತ್ತು ಆಕ್ಷೇಪಾರ್ಹ ಫೋಟೋಗಳನ್ನು ತಯಾರಿಸಿದ ಆರೋಪದ ಮೇಲೆ ಬಂಧಿಸಿದ್ದಾರೆ.
ಛತ್ತೀಸ್‌ಗಢದ ಬಿಲಾಸ್‌ಪುರ ಜಿಲ್ಲೆಯ ಸಯೀದ್ ರಹೀಮ್ ಅದ್ನಾನ್ (21) ಎಂದು ಗುರುತಿಸಲಾದ ಆರೋಪಿ ವಿದ್ಯಾರ್ಥಿ, AI ಆಧಾರಿತ ಇಮೇಜ್ ಜನರೇಷನ್ ಮತ್ತು ಎಡಿಟಿಂಗ್ ಪರಿಕರಗಳನ್ನು ಬಳಸಿಕೊಂಡು ಮಹಿಳಾ ವಿದ್ಯಾರ್ಥಿಗಳ ನಕಲಿ ಮತ್ತು ಆಕ್ಷೇಪಾರ್ಹ ಛಾಯಾಚಿತ್ರಗಳನ್ನು ಸಿದ್ಧಪಡಿಸಿದ್ದಾನೆ ಎಂದು ರಾಯ್‌ಪುರ ಪೊಲೀಸರು ನೀಡಿದ ಹೇಳಿಕೆಯಲ್ಲಿ ತಿಳಿಸಲಾಗಿದೆ. ಸಂಸ್ಥೆಯ ರಿಜಿಸ್ಟ್ರಾರ್‌ನಿಂದ ಬಂದ ದೂರಿನ ನಂತರ, ಪೊಲೀಸರು ತನಿಖೆ ಆರಂಭಿಸಿ ಆರೋಪಿ ವಿದ್ಯಾರ್ಥಿಯನ್ನು ಬಂಧಿಸಿದ್ದಾರೆ.
ಈ ಸಂಬಂಧ ರಾಖಿ ಪೊಲೀಸ್ ಠಾಣೆಯಲ್ಲಿ ಬಿಎನ್‌ಎಸ್ ಮತ್ತು ಐಟಿ ಕಾಯ್ದೆಯ ಸಂಬಂಧಿತ ವಿಭಾಗಗಳ ಅಡಿಯಲ್ಲಿ ಅಪರಾಧ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ, ಹೆಚ್ಚಿನ ತನಿಖೆ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
Chhattisgarh | Raipur Police have arrested Sayed Rahim Adnan, a 21-year-old student of Dr Shyama Prasad Mukherjee International Institute of Information Technology (IIIT Naya Raipur), for allegedly making fake and objectionable photos of female students by using AI tools.
In a…
— ANI (@ANI) October 10, 2025
