ಉತ್ತರ ಪ್ರದೇಶ: ಉತ್ತರ ಪ್ರದೇಶದ ಶಾಮ್ಲಿಯಿಂದ ಹೃದಯವಿದ್ರಾವಕ ಘಟನೆಯೊಂದು ಬೆಳಕಿಗೆ ಬಂದಿದ್ದು, ಪತ್ನಿ ತನ್ನ ಪ್ರಿಯಕರನೊಂದಿಗೆ ಓಡಿಹೋದ ನಂತರ ಪತಿಯೊಬ್ಬರು ತನ್ನ ನಾಲ್ವರು ಮಕ್ಕಳೊಂದಿಗೆ ಯಮುನಾ ನದಿಗೆ ಹಾರಿದ್ದಾರೆ.
ವರದಿಗಳ ಪ್ರಕಾರ, ಕೈರಾನಾ ಪೊಲೀಸ್ ಠಾಣೆ ಪ್ರದೇಶದ ಮೊಹಲ್ಲಾ ಖೇಲ್ ಕಲಾ ನಿವಾಸಿ 38 ವರ್ಷದ ಸಲ್ಮಾನ್ ಸುಮಾರು 14 ವರ್ಷಗಳ ಹಿಂದೆ ಖುಸ್ನುಮಾ ಅವರನ್ನು ವಿವಾಹವಾಗಿದ್ದರು. ಅವರಿಗೆ ನಾಲ್ಕು ಮಕ್ಕಳಿದ್ದರು: ಮೆಹಕ್ (12), ಶಿಫಾ (5), ಅಯಾನ್ (3), ಮತ್ತು 8 ತಿಂಗಳ ಮಗು ಇನೈಶಾ. ಖುಸ್ನುಮಾ ಮೂರು ವರ್ಷಗಳಿಂದ ಯುವಕನೊಂದಿಗೆ ಸಂಬಂಧ ಹೊಂದಿದ್ದರು ಎಂದು ವರದಿಯಾಗಿದೆ.
ಕುಟುಂಬದ ಪ್ರಕಾರ, ಖುಸ್ನುಮಾ ಮನೆ ಬಿಟ್ಟು ಹೋಗಿದ್ದು ಇದು ಐದನೇ ಬಾರಿ. ಅವಳು ಹೋಗುವಾಗ, “ನಿನಗೆ ಏನು ಬೇಕಾದರೂ ಮಾಡು, ನಾನು ಇನ್ನು ಮುಂದೆ ನಿನ್ನೊಂದಿಗೆ ಇರುವುದಿಲ್ಲ” ಎಂದು ಹೇಳಿದಳು. ಇದು ಸಲ್ಮಾನ್‌ನನ್ನು ಸಂಪೂರ್ಣವಾಗಿ ಧ್ವಂಸಗೊಳಿಸಿತು. ಘಟನೆಯ ಮೊದಲು, ಸಲ್ಮಾನ್ ವೀಡಿಯೊವನ್ನು ರೆಕಾರ್ಡ್ ಮಾಡಿದ್ದಾನೆ. ಅದರಲ್ಲಿ, “ಇದು ನನ್ನ ಕೊನೆಯ ವಿಡಿಯೋ. ನಾನು ಏನಾದರೂ ತಪ್ಪುಗಳನ್ನು ಮಾಡಿದ್ದರೆ ದಯವಿಟ್ಟು ಕ್ಷಮಿಸಿ. ನನ್ನ ಹೆಂಡತಿ ಮತ್ತು ಅವಳ ಪ್ರೇಮಿ ನನ್ನ ಜೀವನವನ್ನು ನರಕವನ್ನಾಗಿ ಮಾಡಿದ್ದಾರೆ” ಎಂದು ಹೇಳಿದ್ದಾನೆ.
ಶುಕ್ರವಾರ ಮಧ್ಯಾಹ್ನ ಸಲ್ಮಾನ್ ತನ್ನ ನಾಲ್ಕು ಮಕ್ಕಳೊಂದಿಗೆ ಹಳೆಯ ಯಮುನಾ ನದಿ ಸೇತುವೆಗೆ ಬಂದಿದ್ದಾನೆ ಎಂದು ಸ್ಥಳೀಯರೊಬ್ಬರು ತಿಳಿಸಿದ್ದು, ಸಲ್ಮಾನ್ ತನ್ನ ಮಕ್ಕಳಿಗೆ ಸಮೋಸಾ ತಿನ್ನಿಸಿದನು, ಸ್ವತಃ ಏನನ್ನೂ ತಿನ್ನಲಿಲ್ಲ, ಮತ್ತು ನಂತರ ಸೇತುವೆಯ ಕಡೆಗೆ ಹೋದನು. “ಅವನು ಮಕ್ಕಳನ್ನು ಒಬ್ಬೊಬ್ಬರಾಗಿ ನದಿಗೆ ಎಸೆದು, ನಂತರ ತಾನಾಗಿಯೇ ಜಿಗಿಯುವುದನ್ನು ನಾನು ನೋಡಿದೆ ಎಂದು ಹೇಳಿದ್ದಾರೆ.
ಸಲ್ಮಾನ್ ಮತ್ತು ಮಕ್ಕಳು ಸಂಜೆ ತಡವಾಗಿ ಮನೆಗೆ ಹಿಂತಿರುಗದಿದ್ದಾಗ, ಕುಟುಂಬವು ಪೊಲೀಸರನ್ನು ಸಂಪರ್ಕಿಸಿತು. ಅವರ ಮೊಬೈಲ್ ಸ್ಥಳವನ್ನು ಪತ್ತೆಹಚ್ಚಿದಾಗ ಯಮುನಾ ಸೇತುವೆಯ ಬಳಿ ಸಲ್ಮಾನ್ ಕೊನೆಯ ಸ್ಥಳ ಪತ್ತೆಯಾಗಿದೆ. ಪೊಲೀಸರು ಮತ್ತು ಡೈವರ್‌ಗಳ ತಂಡವು ನಿರಂತರವಾಗಿ ನದಿಯಲ್ಲಿ ಶೋಧ ನಡೆಸುತ್ತಿದೆ, ಆದರೆ ಯಾರೂ ಪತ್ತೆಯಾಗಿಲ್ಲ ಎಂದು ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಸಂತೋಷ್ ಸಿಂಗ್ ಹೇಳಿದ್ದಾರೆ.
#यूपी– शामली जिले में एक पिता अपने 4 बच्चों को लेकर यमुना नदी में कूद गया।
👉पांचों की तलाश जारी है। इस युवक की पत्नी 2 दिन पहले अपने बॉयफ्रेंड संग चली गई, तभी से ये डिप्रेस्ड था।#ncrpatrika #shamlipolice #suicidal #viralvideo #upnews #Loewe pic.twitter.com/TLO9mASzzT
— NCR पत्रिका (@ncrpatrika) October 4, 2025
