ಅಹ್ಮದಾಬಾದ್: ಜೂನ್ 12 ರಂದು 242 ಪ್ರಯಾಣಿಕರನ್ನು ಹೊತ್ತ ಏರ್ ಇಂಡಿಯಾ ವಿಮಾನ ಅಪಘಾತದಲ್ಲಿ ಸಾವನ್ನಪ್ಪಿದ ಪ್ರಯಾಣಿಕನ ಕೊನೆಯ ಶವವನ್ನು ಶುಕ್ರವಾರ ರಾತ್ರಿ ಗುರುತಿಸಲಾಗಿದ್ದು, ವಿಮಾನ ಅಪಘಾತದಲ್ಲಿ ಸಾವನ್ನಪ್ಪಿದವರ ಸಂಖ್ಯೆ 260 ಕ್ಕೆ ಏರಿದೆ.
ಅಹಮದಾಬಾದ್ನ ಏರ್ ಇಂಡಿಯಾ ಫ್ಲೈಟ್ 171 ಅಪಘಾತದ ಸ್ಥಳದಿಂದ ಪತ್ತೆಯಾದ ಎಲ್ಲಾ ಅವಶೇಷಗಳನ್ನು ಡಿಎನ್ಎ ಹೊಂದಾಣಿಕೆ ಅಥವಾ ಮುಖ ಗುರುತಿಸುವಿಕೆಯನ್ನು ಬಳಸಿಕೊಂಡು ಗುರುತಿಸಲಾಗಿದೆ ಎಂದು ಗುಜರಾತ್ ಆರೋಗ್ಯ ಇಲಾಖೆ ಅಧಿಕಾರಿಗಳು ಮಂಗಳವಾರ ತಿಳಿಸಿದ್ದಾರೆ.
“ಡಿಎನ್ಎ ಹೋಲಿಕೆ ಬಳಸಿ ಶನಿವಾರ ರಾತ್ರಿ ಪ್ರಯಾಣಿಕನ ಕೊನೆಯ ಶವವನ್ನು ಗುರುತಿಸಲಾಗಿದೆ. ವಿಮಾನ ಅಪಘಾತದಲ್ಲಿ 19 ಪ್ರಯಾಣಿಕರಲ್ಲದವರು ಸೇರಿದಂತೆ ಒಟ್ಟು ಸಾವಿನ ಸಂಖ್ಯೆ 260 ಆಗಿದೆ ಎಂದು ಅಹಮದಾಬಾದ್ ಸಿವಿಲ್ ಆಸ್ಪತ್ರೆಯ ಅಧೀಕ್ಷಕ ರಾಕೇಶ್ ಜೋಶಿ ಹೇಳಿದ್ದಾರೆ.
ಕಚ್ ನಿವಾಸಿಯಾದ ಮೃತನ ಶವವನ್ನು ಶನಿವಾರ ತಡರಾತ್ರಿ ಅವರ ಸಂಬಂಧಿಕರಿಗೆ ಹಸ್ತಾಂತರಿಸಲಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಈವರೆಗೆ 253 ಬಲಿಪಶುಗಳನ್ನು ಡಿಎನ್ಎ ಪರೀಕ್ಷೆಯ ಮೂಲಕ ಗುರುತಿಸಲಾಗಿದ್ದು, ಆರು ಮಂದಿಯನ್ನು ಮುಖ ಗುರುತಿಸುವಿಕೆಯ ಮೂಲಕ ಗುರುತಿಸಲಾಗಿದೆ.
ಜೂನ್ 12 ರಂದು ಸರ್ದಾರ್ ವಲ್ಲಭಭಾಯಿ ಪಟೇಲ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಟೇಕ್ ಆಫ್ ಆದ ಕೆಲವೇ ಕ್ಷಣಗಳಲ್ಲಿ ಲಂಡನ್ ಗೆ ತೆರಳುತ್ತಿದ್ದ ಏರ್ ಇಂಡಿಯಾ ಡ್ರೀಮ್ ಲೈನರ್ ವಿಮಾನ ಅಪಘಾತಕ್ಕೀಡಾಗಿ 242 ಜನರಲ್ಲಿ 241 ಜನರು ಸಾವನ್ನಪ್ಪಿದ್ದರು.
