ನವದೆಹಲಿ : ಒಂದು ಕಾಲದಲ್ಲಿ ಬ್ಯಾಂಕ್’ಗೆ ಹಣ ಹಿಂಪಡೆಯಲು ಹೋಗುತ್ತಿದ್ದ ಜನರು ಈಗ ಎಟಿಎಂಗೆ ಹೋಗುತ್ತಿದ್ದಾರೆ. ಎಟಿಎಂ ಇಲ್ಲದಿದ್ದರೆ ಜನರ ಕೈಯಲ್ಲಿ ಹಣ ಇರುತ್ತಿರಲಿಲ್ಲ. ಆದಾಗ್ಯೂ, ಐದು ಉಚಿತ ವಹಿವಾಟುಗಳ ಮಿತಿಯನ್ನ ಮೀರಿದರೆ ವಿಧಿಸಲಾಗುವ ಶುಲ್ಕಗಳು ಮತ್ತು ಎಟಿಎಂ ಇಂಟರ್ಚೇಂಜ್ ಶುಲ್ಕಗಳನ್ನು ಹೆಚ್ಚಿಸಲು ರಿಸರ್ವ್ ಬ್ಯಾಂಕ್ (RBI) ಸಿದ್ಧತೆ ನಡೆಸುತ್ತಿರುವಂತೆ ತೋರುತ್ತಿದೆ. ಇದರರ್ಥ ಜನರು ಎಟಿಎಂನಿಂದ ಹಣವನ್ನ ಹಿಂಪಡೆಯಲು ಇನ್ನೂ ಹೆಚ್ಚಿನ ಹಣವನ್ನ ಖರ್ಚು ಮಾಡಬೇಕಾಗುತ್ತದೆ.
ಎಷ್ಟು ಹೆಚ್ಚಾಗುತ್ತದೆ?
ವರದಿಯ ಪ್ರಕಾರ, ಎಟಿಎಂನಿಂದ 5 ಉಚಿತ ನಗದು ವಹಿವಾಟುಗಳ ಮಿತಿಯನ್ನ ತಲುಪಿದ ನಂತರ, ಪ್ರತಿ ನಗದು ಹಿಂಪಡೆಯುವಿಕೆಯ ಮೇಲಿನ ಶುಲ್ಕವನ್ನ ಪ್ರಸ್ತುತದಲ್ಲಿರುವ 21 ರಿಂದ 22 ರೂಪಾಯಿಗೆ ಹೆಚ್ಚಿಸಲು ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ (NPCI) ಶಿಫಾರಸು ಮಾಡಿದೆ. ಇದಲ್ಲದೆ, ನಗದು ವಹಿವಾಟಿಗೆ ಎಟಿಎಂ ಇಂಟರ್ಚೇಂಜ್ ಶುಲ್ಕ 17 ರಿಂದ 19 ರೂಪಾಯಿಗೆ ಹೆಚ್ಚಿಸಲು ನಿಯಂತ್ರಕವು ಶಿಫಾರಸು ಮಾಡಿದೆ. ಉದ್ಯಮದ ಮೂಲಗಳೊಂದಿಗೆ ಚರ್ಚಿಸಿದ ನಂತರ ಶಿಫಾರಸುಗಳನ್ನ ಮಾಡಲಾಗಿದೆ ಎಂದು ತೋರುತ್ತದೆ.
ನಿಮ್ಮ ಸ್ವಂತ ಬ್ಯಾಂಕಿನ ಹೊರತಾಗಿ ಬೇರೆ ಬ್ಯಾಂಕಿನ ಎಟಿಎಂನಿಂದ ನೀವು ಹಣವನ್ನು ಹಿಂತೆಗೆದುಕೊಂಡರೆ, ನಿಮ್ಮ ಬ್ಯಾಂಕ್ ಒಂದು ನಿರ್ದಿಷ್ಟ ಮಿತಿಯ ನಂತರ ಇಂಟರ್ಚೇಂಜ್ ಶುಲ್ಕವನ್ನು ವಿಧಿಸುತ್ತದೆ. ಈ ಹಣವನ್ನ ನಿಮ್ಮ ಖಾತೆಯಿಂದ ಕಡಿತಗೊಳಿಸಲಾಗುತ್ತದೆ. ಇದು ನೀವು ಬೇರೆ ಬ್ಯಾಂಕಿನ ಎಟಿಎಂ ಸೇವೆಯನ್ನು ಬಳಸುವುದಕ್ಕೆ ಬದಲಾಗಿ ನಿಮ್ಮ ಬ್ಯಾಂಕ್’ಗೆ ಪಾವತಿಸುವ ಸೇವಾ ಶುಲ್ಕವಾಗಿದೆ. ನೀವು ಎಟಿಎಂ ವಹಿವಾಟು ನಡೆಸಿದ ನಂತರ, ಶುಲ್ಕದ ಮೊತ್ತವು ನಿಮ್ಮ ವಹಿವಾಟು ಸ್ಲಿಪ್‌’ನಲ್ಲಿಯೂ ಕಾಣಿಸಿಕೊಳ್ಳುತ್ತದೆ.
ವರದಿಯ ಪ್ರಕಾರ, ಮೆಟ್ರೋ ಮತ್ತು ಮೆಟ್ರೋ ಅಲ್ಲದ ಪ್ರದೇಶಗಳಲ್ಲಿ ಶುಲ್ಕವನ್ನು ಹೆಚ್ಚಿಸುವ NPCI ಯೋಜನೆಗೆ ಬ್ಯಾಂಕುಗಳು ಮತ್ತು ವೈಟ್ ಲೇಬಲ್ ಎಟಿಎಂ ನಿರ್ವಾಹಕರು ಒಪ್ಪಿಗೆ ಸೂಚಿಸಿದ್ದಾರೆ. ಆದಾಗ್ಯೂ, ಈ ಬೆಳವಣಿಗೆಯ ಬಗ್ಗೆ ಭಾರತೀಯ ರಿಸರ್ವ್ ಬ್ಯಾಂಕ್ ಅಥವಾ ಎನ್‌ಪಿಸಿಐ ಇನ್ನೂ ಯಾವುದೇ ಅಧಿಕೃತ ಘೋಷಣೆ ಮಾಡಿಲ್ಲ. ಶುಲ್ಕ ಹೆಚ್ಚಳವನ್ನ ಪರಿಶೀಲಿಸಲು ಆರ್‌ಬಿಐ ಐಬಿಎ ಸಿಇಒ ನೇತೃತ್ವದಲ್ಲಿ ಎರಡನೇ ಸಮಿತಿಯನ್ನ ರಚಿಸಿದೆ ಮತ್ತು ಈ ಸಮಿತಿಯಲ್ಲಿ ಎಸ್‌ಬಿಐ ಮತ್ತು ಎಚ್‌ಡಿಎಫ್‌ಸಿ ಬ್ಯಾಂಕ್ ಅಧಿಕಾರಿಗಳು ಸೇರಿದ್ದಾರೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.
BREAKING : ಅಮೃತಸರಕ್ಕೆ ಬಂದಿಳಿದ 104 ಭಾರತೀಯರನ್ನ ಹೊತ್ತ ‘ಅಮೆರಿಕ ಮಿಲಿಟರಿ ವಿಮಾನ’
BREAKING : ಹಾಸನ : ಟೈರ್ ಪಂಚರ್ ಆಗಿ ಕೆರೆಗೆ ಉರುಳಿ ಬಿದ್ದ ಕಾರು : ಐವರು ವೈದ್ಯಕೀಯ ವಿದ್ಯಾರ್ಥಿಗಳಿಗೆ ಗಂಭೀರ ಗಾಯ!
