ಮೈಸೂರು: ಕನ್ನಡ ಚಿತ್ರರಂಗದ ಮೇರು ನಟ ಡಾ.ರಾಜ್ ಕುಮಾರ್ ಅವರು ತಮ್ಮ ಮೊದಲ ಹಾಡನ್ನು ಹಾಡಬೇಕು ಎಂದು ಸಂಗೀತ ನಿರ್ದೇಶಕ ಜಿ.ಕೆ.ವೆಂಕಟೇಶ್ ಅವರಿಗೆ ಸಲಹೆ ನೀಡಿದ್ದು ನಾನೇ ಎಂದು ಖ್ಯಾತ ಸಂಗೀತ ನಿರ್ದೇಶಕ ಮತ್ತು ಗಾಯಕ ಇಳಯರಾಜಾ ತಮ್ಮ ಅಭಿಮಾನಿಗಳಿಗೆ ಬಹಿರಂಗಪಡಿಸಿದ್ದಾರೆ.
1974ರಲ್ಲಿ ತೆರೆಕಂಡ ಸಂಪತ್ತಿಗೆ ಸವಾಲ್ ಚಿತ್ರದ ಯಾರೇ ಕೂಗಾಡಲಿ ಹಾಡಲು ವೆಂಕಟೇಶ್ ಅವರು ಪಿ.ಬಿ.ಶ್ರೀನಿವಾಸ್ ಅಥವಾ ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಅವರನ್ನು ಆಯ್ಕೆ ಮಾಡಿದ್ದರು ಎಂದು ಇಳಯರಾಜಾ ನೆನಪಿಸಿಕೊಂಡರು. “ನಮಗೆ ಹೊಸ ಧ್ವನಿ ಬೇಕು ಎಂದು ನಾನು ವೆಂಕಟೇಶ್ ಅವರಿಗೆ ಮನವರಿಕೆ ಮಾಡಿಕೊಟ್ಟೆ. ನಾನು ರಾಜ್ ಕುಮಾರ್ ಅವರ ಹೆಸರನ್ನು ಸೂಚಿಸಿದೆ. ಆದರೆ ಶ್ರೀನಿವಾಸ್ ರಾಜ್ ಕುಮಾರ್ ರವರಿಗೆ ಹಾಡಿಸಲು ಆರಂಭದಲ್ಲಿ ಹಿಂಜರಿದರು. ನಾನು ಒತ್ತಾಯಿಸಿದಂತೆ, ರಾಜ್ ಕುಮಾರ್ ಅವರು 1974 ರಲ್ಲಿ ಮೊದಲ ಹಾಡನ್ನು ಹಾಡಿದರು, ಅದು ತಕ್ಷಣದ ಹಿಟ್ ಆಗಿತ್ತು. ರಾಜ್ ಕುಮಾರಣ್ಣ ವಿನಮ್ರ ವ್ಯಕ್ತಿಯಾಗಿದ್ದು, ಈ ಹಿಂದೆ ತಮ್ಮ ಹಿನ್ನೆಲೆ ಗಾಯಕರಾಗಿದ್ದ ಶ್ರೀನಿವಾಸ್ ಅವರನ್ನು ನೋಯಿಸಲು ಬಯಸಲಿಲ್ಲ” ಎಂದು ಅವರು ಹೇಳಿದರು.
ಕೊಲ್ಲೂರು ಮೂಕಾಂಬಿಕಾ ಕುರಿತ ಭಕ್ತಿಗೀತೆಯೊಂದಿಗೆ ಸಂಗೀತ ಕಚೇರಿಯನ್ನು ಪ್ರಾರಂಭಿಸಿದ ಇಳಯರಾಜಾ ಅವರು ಗೀತಾ, ನಮ್ಮೂರ ಮಂದಾರ ಹೂವೆ ಮುಂತಾದ ಹಾಡುಗಳನ್ನು ಹಾಡಿದರು.
“1973ರಲ್ಲಿ ಮೈಸೂರಿನ ಪುರಭವನದಲ್ಲಿ ಪಿ.ಬಿ.ಶ್ರೀನಿವಾಸ್, ಸುಶೀಲಾ, ಜಾನಕಿ ಮತ್ತು ಇತರರೊಂದಿಗೆ ಪೂರ್ಣ ಪ್ರಮಾಣದ ಆರ್ಕೆಸ್ಟ್ರಾದಲ್ಲಿ ಕೀಬೋರ್ಡ್ ವಾದಕನಾಗಿದ್ದೆ. ಚಾಮುಂಡೇಶ್ವರಿ ದೇವಿಯು ನನ್ನನ್ನು ಇಲ್ಲಿ ಪ್ರದರ್ಶನ ನೀಡಲು ಕರೆದಿರುವುದು ನನಗೆ ಸಂತೋಷವಾಗಿದೆ” ಎಂದರು
