ಬೆಂಗಳೂರು : ನರವೈಜ್ಞಾನಿಕ ಅಸ್ವಸ್ಥತೆಗಳ ಬಗ್ಗೆ ಜಾಗೃತಿ ಮೂಡಿಸಲು ಮತ್ತು ವಿಶ್ವಾದ್ಯಂತ ಮೆದುಳಿನ ಆರೋಗ್ಯವನ್ನು ಉತ್ತೇಜಿಸಲು ವಿಶ್ವ ನರವಿಜ್ಞಾನ ಒಕ್ಕೂಟವು ಪ್ರತಿವರ್ಷ ಜುಲೈ 22 ರಂದು ವಿಶ್ವ ಮೆದುಳಿನ ದಿನವನ್ನು ಆಚರಿಸುತ್ತದೆ.
ಗ್ಲೋಬಲ್ ಬರ್ಡನ್ ಆಫ್ ಡಿಸೀಸ್ ಸ್ಟಡಿ 2021 ರ ದತ್ತಾಂಶವು ಹಿಂದಿನ ಅಂದಾಜುಗಳನ್ನು ಮೀರಿ ವಿಶ್ವಾದ್ಯಂತ ಅಂಗವೈಕಲ್ಯಕ್ಕೆ ನರವೈಜ್ಞಾನಿಕ ಪರಿಸ್ಥಿತಿಗಳು ಮುಖ್ಯ ಕಾರಣವಾಗುವುದಲ್ಲದೆ, ನರವೈಜ್ಞಾನಿಕ ಪರಿಸ್ಥಿತಿಗಳ ಹೊಸ ಮತ್ತು ವಿಸ್ತೃತ ವರ್ಣಪಟಲವನ್ನು ಒಳಗೊಂಡಿದೆ ಎಂದು ತೋರಿಸುತ್ತದೆ.1 ಈ ಹೊಸ ಆವಿಷ್ಕಾರವು ಮೆದುಳಿನ ಆರೋಗ್ಯಕ್ಕೆ ಸಮಗ್ರ ವಿಧಾನವನ್ನು ಅಗತ್ಯಗೊಳಿಸುತ್ತದೆ, ಈ ನರವೈಜ್ಞಾನಿಕ ಪರಿಸ್ಥಿತಿಗಳ ಪರಿಣಾಮವನ್ನು ತಗ್ಗಿಸಲು ತಡೆಗಟ್ಟುವಿಕೆಯು ಪ್ರಮುಖ ತಂತ್ರವಾಗಿದೆ.
ಮೆದುಳಿನ ಆರೋಗ್ಯ ಮತ್ತು ತಡೆಗಟ್ಟುವಿಕೆಯ ಕುರಿತು ನೀವು ತಿಳಿಯಬೇಕಾದ 5 ಪ್ರಮುಖ ಕಾರ್ಯಸೂಚಿಗಳು:
ಬಹುತೇಕ ನರರೋಗಗಳನ್ನು ಪ್ರಾರಂಭಿಕ ಹಂತದಲ್ಲೆ ಪತ್ತೆ ಹಚ್ಚಿ, ಪರಿಣಾಮಕಾರಿ ಚಿಕಿತ್ಸೆ ಮತ್ತು ನಿರ್ವಹಣೆಯಿಂದ ರೋಗ ಉಲ್ಬಣ ತಡೆಗಟ್ಟಬಹುದು.
ಮೆದುಳು ಆರೋಗ್ಯ ಮತ್ತು ಆರೈಕೆಯನ್ನು ಜಾಗತಿಕ ಅಭಿಯಾನವಾಗಿ ನಡೆಸಲು ಆರೋಗ್ಯಸೇವೆ ವೃತ್ತಿಪರರು, ಸಂಶೋಧಕರು ಮತ್ತು ನೀತಿ ನಿರೂಪಕರೊಂದಿಗೆ ಸಹಯೋಗ.
ಮೆದುಳು ಆರೋಗ್ಯ ಸ೦ಬ೦ಧಿಸಿದ ಸಣ್ಣ ಸಣ್ಣ ಮುಂಜಾಗ್ರತೆ ಮತ್ತು ನಿಯಂತ್ರಣ ಕ್ರಮಗಳನ್ನು ತೆಗೆದುಕೊಳ್ಳುವುದು ಧನಾತ್ಮಕವಾದ ಪ್ರತಿಫಲಗಳನ್ನು ನೀಡುತ್ತದೆ.
ನಿಯಮಿತ ವ್ಯಾಯಾಮ, ನಿದ್ರೆಗೆ ಅಗತ್ಯ ಆದ್ಯತೆ, ಪೌಷ್ಠಿಕ ಮತ್ತು ಸಮತೋಲಿತ ಆಹಾರ ಸೇವನೆ, ಮಾನಸಿಕವಾಗಿ ಸಕ್ರೀಯವಾಗಿರುವುದು ಮತ್ತು ಸಾಮಾಜಿಕವಾಗಿದ್ದು ಜನರೊಂದಿಗೆ ಬೆರೆಯುವ ಮೂಲಕ ಮೆದುಳಿನ ಆರೋಗ್ಯವನ್ನು ಸದೃಢವಾಗಿಟ್ಟುಕೊಳ್ಳಿ.
ಮೆದುಳು ಆರೋಗ್ಯದ ಕುರಿತು ಇರುವ ತಪ್ಪು ಕಲ್ಪನೆಗಳು ಮತ್ತು ಹಿಂಜರಿಕೆಯಿಂದ ಹೊರ ಬರಬೇಕು. ಮೆದುಳು ಆರೋಗ್ಯವು ಮೂಲಭೂತ ಹಕ್ಕಾಗಿದೆ. ಸಮಸ್ಯೆಯನ್ನು ಮುಚ್ಚಿಡದೆ ವೈದ್ಯರ ಬಳಿ ಹಂಚಿಕೊಳ್ಳಿ.