ನವದೆಹಲಿ : ಸ್ವಂತ ಮನೆ ಹೊಂದುವ ಆಸೆ ಹೊಂದಿರುವ ಜನರಿಗೆ ಕೇಂದ್ರ ಸರ್ಕಾರ ಸಿಹಿ ಸುದ್ದಿ ನೀಡಿದೆ. ಪ್ರಧಾನ ಮಂತ್ರಿ ಆವಾಸ್ ಯೋಜನೆಗೆ ಎಲ್ಲಾ ಅರ್ಹತೆಗಳನ್ನ ಹೊಂದಿರುವ ಜನರು ಅರ್ಜಿ ಸಲ್ಲಿಸಬಹುದು. ಸರ್ಕಾರದ ಸಹಾಯವನ್ನ ಪಡೆಯಬಹುದು. ಅರ್ಜಿ ಸಲ್ಲಿಸುವ ಮೊದಲು, ಪ್ರಧಾನ ಮಂತ್ರಿ ಯೋಜನಾ ಯೋಜನೆಯ ಅರ್ಹತೆ ಮತ್ತು ಪ್ರಯೋಜನಗಳ ಬಗ್ಗೆ ನೀವು ಸ್ವಲ್ಪ ವಿವರವಾಗಿ ತಿಳಿದುಕೊಳ್ಳಿ.
PMAYನಲ್ಲಿ ಎರಡು ವಿಧ.!
1. ಪ್ರಧಾನ ಮಂತ್ರಿ ಆವಾಸ್ ಯೋಜನಾ ಗ್ರಾಮೀಣ (PMAY-G)
2. ಪ್ರಧಾನ ಮಂತ್ರಿ ಆವಾಸ್ ಯೋಜನಾ ನಗರ (PMAY-U)
ಪ್ರಧಾನ ಮಂತ್ರಿ ಆವಾಸ್ ಯೋಜನೆಯು ವಸತಿರಹಿತ ಬಡವರಿಗೆ, ತಾತ್ಕಾಲಿಕ ಮನೆಗಳಲ್ಲಿ (ಗುಡಿಸಲುಗಳು ಮತ್ತು ಶೀಟ್ ಶೆಡ್’ಗಳಂತಹ) ವಾಸಿಸುವ ಕುಟುಂಬಗಳಿಗೆ ಮತ್ತು ಬಾಡಿಗೆ ಮನೆಗಳಲ್ಲಿ ವಾಸಿಸುವವರಿಗೆ ತಮ್ಮದೇ ಆದ ಪಕ್ಕಾ (ಕಾಂಕ್ರೀಟ್) ಮನೆಯನ್ನ ನಿರ್ಮಿಸಲು ಸಹಾಯ ಮಾಡುತ್ತದೆ. ಹೊಸ ಮನೆಯನ್ನು ನಿರ್ಮಿಸಲು ತಮ್ಮದೇ ಆದ ವಾಸಸ್ಥಳವನ್ನ ಹೊಂದಿರುವವರಿಗೆ ಇದು ಆರ್ಥಿಕ ಸಹಾಯವನ್ನು ಸಹ ಒದಗಿಸುತ್ತದೆ.
ಪಿಎಂಎವೈ ಅಡಿಯಲ್ಲಿ. ಗೃಹ ಸಾಲದ ಮೇಲಿನ ಸಬ್ಸಿಡಿಗಳನ್ನು ಕೇಂದ್ರ ಸರ್ಕಾರ ಒದಗಿಸುತ್ತದೆ. ಅರ್ಜಿದಾರರು ಪಡೆದ ಸಬ್ಸಿಡಿಯ ಮೊತ್ತವು ಮನೆಯ ಗಾತ್ರ ಮತ್ತು ಆದಾಯದ ಮಟ್ಟವನ್ನು ಅವಲಂಬಿಸಿರುತ್ತದೆ. ಈ ಯೋಜನೆಯಡಿ ಬ್ಯಾಂಕುಗಳು ಕಡಿಮೆ ಬಡ್ಡಿದರದಲ್ಲಿ ಗೃಹ ಸಾಲವನ್ನು ಸಹ ನೀಡುತ್ತವೆ. ಪಿಎಂಎವೈ ಯೋಜನೆಯಡಿ ಗೃಹ ಸಾಲಗಳ ಮರುಪಾವತಿ ಅವಧಿ ಗರಿಷ್ಠ 20 ವರ್ಷಗಳು.
ಅರ್ಹತೆಗಳು.!
* ಪಿಎಂಎವೈ ಯೋಜನೆಯ ಮೂಲ ಅರ್ಹತೆಯೆಂದರೆ ಅರ್ಜಿದಾರರು ಈ ಹಿಂದೆ ಪಕ್ಕಾ ಮನೆ / ಮನೆಯನ್ನು ಹೊಂದಿರಬಾರದು.
* ಅರ್ಜಿದಾರರ ವಯಸ್ಸು 18 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿರಬೇಕು.
* ಅರ್ಜಿದಾರರು ಭಾರತೀಯ ಪ್ರಜೆಯಾಗಿರಬೇಕು.
* ಕುಟುಂಬದಲ್ಲಿ ಯಾರಿಗೂ ಸರ್ಕಾರಿ ಉದ್ಯೋಗ ಇರಬಾರದು.
* ವಾರ್ಷಿಕ 18 ಲಕ್ಷ ರೂ.ವರೆಗಿನ ಆದಾಯ ಹೊಂದಿರುವ ಕುಟುಂಬಗಳಿಗೆ ಪ್ರಧಾನ ಮಂತ್ರಿ ಆವಾಸ್ ಯೋಜನೆ ಲಭ್ಯವಿದೆ.
* ವಾರ್ಷಿಕ ಆದಾಯವನ್ನು ಅವಲಂಬಿಸಿ ಯೋಜನೆಯ ವ್ಯಾಪ್ತಿಯೂ ಬದಲಾಗುತ್ತದೆ.
ಅಗತ್ಯವಿರುವ ದಾಖಲೆಗಳು.!
* ವೈಯಕ್ತಿಕ ಗುರುತಿನ ಚೀಟಿ
* ವಿಳಾಸ ಪುರಾವೆ
* ಆದಾಯದ ಪುರಾವೆ
* ಆಸ್ತಿ ದಾಖಲೆಗಳು
ಅರ್ಜಿ ಸಲ್ಲಿಸುವುದು ಹೇಗೆ?
ನೀವು ಪಿಎಂ ಆವಾಸ್ ಯೋಜನೆಗೆ ಆನ್ಲೈನ್ ಅಥವಾ ಆಫ್ಲೈನ್ನಲ್ಲಿ ಅರ್ಜಿ ಸಲ್ಲಿಸಬಹುದು. ಆನ್ ಲೈನ್’ಲ್ಲಿ ಸಲ್ಲಿಸಲು ಈ ಕೆಳಗಿನ
ಪ್ರಕ್ರಿಯೆ ಅನುಸರಿಸಿ.!
– ಪಿಎಂಎವೈ ಅಧಿಕೃತ ವೆಬ್ಸೈಟ್ https://pmaymis.gov.in/ ಗೆ ಹೋಗಿ
– ಮುಖಪುಟದಲ್ಲಿ, ಪಿಎಂ ಆವಾಸ್ ಯೋಜನೆ ಮೇಲೆ ಕ್ಲಿಕ್ ಮಾಡಿ
– ನಿಮ್ಮ ವಿವರಗಳನ್ನು ಭರ್ತಿ ಮಾಡಿ ಮತ್ತು ಅದನ್ನು ನೋಂದಾಯಿಸಿ.
– ಅಗತ್ಯ ದಾಖಲೆಗಳನ್ನು ಅಪ್ ಲೋಡ್ ಮಾಡಿ
– ಎಲ್ಲಾ ವಿವರಗಳನ್ನು ಒಮ್ಮೆ ಪರಿಶೀಲಿಸಿ ಮತ್ತು ಸಲ್ಲಿಸಿ
ಆಫ್ಲೈನ್ನಲ್ಲಿ ಅರ್ಜಿ ಸಲ್ಲಿಸಲು, ನೀವು ಹತ್ತಿರದ ಸಾಮಾನ್ಯ ಸೇವಾ ಕೇಂದ್ರಕ್ಕೆ (CSC) ಭೇಟಿ ನೀಡಬಹುದು. ನೀವು ನಿಮ್ಮ ಹತ್ತಿರದ ಯಾವುದೇ ಬ್ಯಾಂಕ್ ಶಾಖೆಗೆ ಹೋದರೆ, ನೀವು ಹೆಚ್ಚಿನ ವಿವರಗಳನ್ನ ತಿಳಿದುಕೊಳ್ಳಬಹುದು.
ಅಸಾದುದ್ದೀನ್ ಒವೈಸಿ ಮನೆ ಧ್ವಂಸ: ದೆಹಲಿ ಆಯುಕ್ತರಿಗೆ ಸ್ಪೀಕರ್ ಓಂ ಬಿರ್ಲಾ ಸಮನ್ಸ್ | Asaduddin Owaisi
ಗಮನಿಸಿ: ಸೆ.15ರವರಗೆ ಆಗುಂಬೆ ಘಾಟಿಯಲ್ಲಿ ಭಾರಿ ವಾಹನ ಸಂಚಾರ ತಾತ್ಕಾಲಿಕ ನಿಷೇಧ
ಡೆಂಗ್ಯೂ ರೋಗದಿಂದ ಸಾವನ್ನಪ್ಪಿದವರಿಗೆ 25 ಲಕ್ಷ ರೂ ಪರಿಹಾರ ಕೊಡಬೇಕು: ಎಎಪಿ ಮೋಹನ್ ದಾಸರಿ ಆಗ್ರಹ
