ನವದೆಹಲಿ : ಬಿಸ್ಕತ್ತುಗಳನ್ನ ಇಷ್ಟಪಡದವರಿಗೆ ಬಹುತೇಕ ಕಡಿಮೆ. ಮಕ್ಕಳಿಂದ ಹಿಡಿದು ವಯಸ್ಕರವರೆಗೆ ಈ ತಿಂಡಿಯನ್ನ ತಿನ್ನುತ್ತಾರೆ. ಅದೆಷ್ಟೇ ಕಾಸ್ಟ್ಲಿ ಬಿಸ್ಕತ್ ಆದ್ರು ಅದರ ಬೆಲೆ ಮಹಾಯರಂದ್ರೆ, ಒಂದು ಸಾವಿರ ರೂಪಾಯಿ ಇರ್ಬೋದು ಅಲ್ವಾ. ಆದ್ರೆ, ಆದರೆ ನೀವು ಎಂದಾದರೂ ಲಕ್ಷ ರೂಪಾಯಿಗಳ ಬಿಸ್ಕತ್ತು ಬಗ್ಗೆ ಕೇಳಿದ್ದೀರಾ.? ಹೌದು, ನಾವು ಈಗ ಹೇಳಿಕೊಳ್ಳಲಿರುವ ಬಿಸ್ಕತ್ತುಗಳ ಬೆಲೆ ಅಕ್ಷರಶಃ 15,000 ಪೌಂಡ್ ಅಂದರೆ ನಮ್ಮ ನಗದು ರೂಪದಲ್ಲಿ 15 ಲಕ್ಷ. ಇನ್ನು ಈ ಹಣಕ್ಕೆ ಬಿಸ್ಕತ್ತುಗಳ ಸಂಪೂರ್ಣ ಪ್ಯಾಕೆಟ್ ಸಿಗೋದಿಲ್ಲ. ಕೇವಲ 10 ಸೆಂ.ಮೀನ ಈ ಸರಳ ಬಿಸ್ಕತ್ತು ಸಿಗುತ್ತೆ. ಅಂದ್ಹಾಗೆ, ಈ ಬಿಸ್ಕತ್ತು ತುಂಬಾ ದುಬಾರಿಯಾಗಲು ಕಾರಣವೆಂದ್ರೆ, ಇದು ಟೈಟಾನಿಕ್ ಹಡಗಿನೊಂದಿಗೆ ಸಂಬಂಧವನ್ನ ಹೊಂದಿದೆ.
ಅಂದ್ಹಾಗೆ, ಈ ಬಿಸ್ಕತ್ತುಗಳ ಪ್ಯಾಕೆಟ್’ನ್ನ ಟೈಟಾನಿಕ್ ಲೈಫ್ ಬೋಟ್’ನಲ್ಲಿ ಇರಿಸಲಾದ ಸರ್ವವೈವಲ್ ಕಿಟ್’ನಲ್ಲಿದೆ. ಟೈಟಾನಿಕ್ ಮುಳುಗಿದ ನಂತರ, ಅದರ ಸಂಬಂಧಿತ ಸರಕುಗಳಿಗೆ ಪ್ರಪಂಚದಾದ್ಯಂತ ಬೇಡಿಕೆ ಹೆಚ್ಚಾಯಿತು. ಅನೇಕ ಜನರು ಅದಕ್ಕೆ ಸಂಬಂಧಿಸಿದ ಎಲ್ಲವನ್ನೂ ನೆನಪಿಟ್ಟುಕೊಳ್ಳಲು ಬಯಸುತ್ತಾರೆ. ಈ ಬಿಸ್ಕತ್ತು ಜೇಮ್ಸ್ ಫೆನ್ವಿಕ್ ಎಂಬ ವ್ಯಕ್ತಿಯ ಬಳಿಯಿತ್ತು. ಅವರು ಅದನ್ನು ಸಂರಕ್ಷಿಸಿದ್ದು, ನಂತರ ಅದನ್ನು ಹರಾಜಿಗೆ ಇಟ್ಟಿದ್ದಾರೆ.
ವರದಿಯ ಪ್ರಕಾರ, ಟೈಟಾನಿಕ್ ಮುಳುಗುವ ಸಮಯದಲ್ಲಿ ಫೆನ್ವಿಕ್ ಅವರ ಹಡಗು ಸಹ ಸಮುದ್ರದಲ್ಲಿತ್ತು. ಟೈಟಾನಿಕ್ ಹಡಗು ಮುಳುಗಿದ ಸುದ್ದಿ ಅವನಿಗೆ ಸಿಕ್ಕಿತು. ಆತನ ಹಡಗನ್ನ ಟೈಟಾನಿಕ್ ರಕ್ಷಣಾ ಕಾರ್ಯದಲ್ಲಿ ನಿಯೋಜಿಸಲಾಯಿತು. ಅಲ್ಲಿಯೇ ಫೆನ್ವಿಕ್ ಈ ಬಿಸ್ಕತ್ತು ಕಂಡುಕೊಂಡಿದ್ದಾರಂತೆ.
ಆದಾಗ್ಯೂ, ಅಕ್ಟೋಬರ್ 2015ರಲ್ಲಿ ಒಂದು ಬಿಸ್ಕತ್ತು ಹರಾಜು ಹಾಕಲಾಯಿತು ಮತ್ತು ಅದರ ಬೆಲೆ 15,000 ಪೌಂಡ್ ಅಥವಾ 15 ಲಕ್ಷ ರೂ. ಟೈಟಾನಿಕ್’ನಲ್ಲಿ ಸುರಕ್ಷಿತವಾಗಿರುವ ಏಕೈಕ ಬಿಸ್ಕತ್ತು ಇದಾಗಿರುವುದರಿಂದ, ಅದರ ಬೆಲೆ ಆ ಮಟ್ಟದಲ್ಲಿ ಹೆಚ್ಚಾಗಿದೆ. ಇದನ್ನು ವಿಶ್ವದ ಅತ್ಯಂತ ಮೌಲ್ಯಯುತ ಬಿಸ್ಕತ್ತು ಎಂದು ಪರಿಗಣಿಸಲಾಗಿದೆ.
53ನೇ ‘GST’ ಮಂಡಳಿ ಸಭೆ : ವಿತ್ತ ಸಚಿವೆ ಪ್ರಕಟಿಸಿದ ಪ್ರಮುಖ ನಿರ್ಧಾರಗಳ ಮಾಹಿತಿ ಇಂತಿವೆ.!
BREAKING : MLC ಸೂರಜ್ ರೇವಣ್ಣ ವಿರುದ್ಧ ‘FIR’ ದಾಖಲು | Sooraj Revanna
ಸಿಇಟಿ, ನೀಟ್ ವಿದ್ಯಾರ್ಥಿಗಳಿಗೆ ‘ಅರಿವು ಸಾಲ ಯೋಜನೆ’ಯಡಿಯಲ್ಲಿ ಸಾಲಕ್ಕಾಗಿ ಅರ್ಜಿ ಅಹ್ವಾನ
