ನವದೆಹಲಿ: ನೀಟ್ ವಿವಾದದ ನಡುವೆಯೇ ಜುಲೈ 6 ರಿಂದ ನಡೆಯಬೇಕಿರುವ ಕೌನ್ಸೆಲಿಂಗ್ ಪ್ರಕ್ರಿಯೆ ನಡೆಸುವುದಾಗಿ ಎನ್ ಟಿಎ ಸುಪ್ರೀಂಕೋರ್ಟ್ ಮಾಹಿತಿ ನೀಡಿದೆ.
ಜುಲೈ 6 ರಿಂದ ನೀಟ್ ಯುಜಿ 2024 ರ ಉದ್ದೇಶಿತ ಕೌನ್ಸೆಲಿಂಗ್ಗೆ ತಡೆ ನೀಡಲು ಸುಪ್ರೀಂ ಕೋರ್ಟ್ ಗುರುವಾರ ಮತ್ತೊಮ್ಮೆ ನಿರಾಕರಿಸಿದೆ. ಈ ಪ್ರಕರಣಗಳಲ್ಲಿ ಹೈಕೋರ್ಟ್ಗಳ ಮುಂದೆ ವಿಚಾರಣೆಗೆ ಸುಪ್ರೀಂ ಕೋರ್ಟ್ ತಡೆ ನೀಡಿದೆ. ಆದಾಗ್ಯೂ, ಕೌನ್ಸೆಲಿಂಗ್ ಪ್ರಕ್ರಿಯೆಯನ್ನು ನಿಲ್ಲಿಸುವುದಿಲ್ಲ ಎಂದು ಸುಪ್ರೀಂ ಕೋರ್ಟ್ ಪುನರುಚ್ಚರಿಸಿದೆ.
ನೀಟ್-ಯುಜಿ ಪರೀಕ್ಷೆಗೆ ಮೇಘಾಲಯ ಕೇಂದ್ರದಲ್ಲಿ ಹಾಜರಾದ ಮತ್ತು 45 ನಿಮಿಷಗಳನ್ನು ಕಳೆದುಕೊಂಡ ಕೆಲವು ವಿದ್ಯಾರ್ಥಿಗಳು ಸಲ್ಲಿಸಿದ ಅರ್ಜಿಗೆ ಸಂಬಂಧಿಸಿದಂತೆ ಸುಪ್ರೀಂ ಕೋರ್ಟ್ ಕೇಂದ್ರ ಮತ್ತು ಎನ್ಟಿಎಗೆ ನೋಟಿಸ್ ನೀಡಿದೆ. ಗ್ರೇಸ್ ಅಂಕಗಳನ್ನು ಪಡೆದ ಮತ್ತು ಜೂನ್ 23 ರಂದು ಮರು ಪರೀಕ್ಷೆಗೆ ಹಾಜರಾಗಲು ಅವಕಾಶ ನೀಡಿದ 1,563 ವಿದ್ಯಾರ್ಥಿಗಳ ಭಾಗವಾಗಿ ತಮ್ಮನ್ನು ಸೇರಿಸಬೇಕೆಂದು ವಿದ್ಯಾರ್ಥಿಗಳು ತಮ್ಮ ಅರ್ಜಿಯಲ್ಲಿ ಕೋರಿದ್ದಾರೆ.
ಗ್ರೇಸ್ ಅಂಕಗಳನ್ನು ಹಿಂತೆಗೆದುಕೊಳ್ಳಲು ಮತ್ತು ಜೂನ್ 23 ರಂದು 1,563 ಅಭ್ಯರ್ಥಿಗಳಿಗೆ ಮರು ಪರೀಕ್ಷೆ ನಡೆಸಲು ಎನ್ಟಿಎ ಈ ಹಿಂದೆ ನಿರ್ಧರಿಸಿತ್ತು. ಅವರ ಫಲಿತಾಂಶಗಳನ್ನು ಜೂನ್ 30 ರಂದು ಪ್ರಕಟಿಸಲಾಗುವುದು, ಇದರಿಂದಾಗಿ ಜುಲೈ 6 ರಿಂದ ಕೌನ್ಸೆಲಿಂಗ್ ಪ್ರಾರಂಭವಾಗುವ ಸಾಧಯತೆಗಳಿವೆ.
