ಬೆಂಗಳೂರು: ಕಲ್ಯಾಣ ಕರ್ನಾಟಕ ಜನತೆಗೆ ಗುಡ್ ನ್ಯೂಸ್ ಎನ್ನುವಂತೆ 1ನೇ ತರಗತಿಯಿಂದಲೇ ಕನ್ನಡ ಹಾಗೂ ಇಂಗ್ಲೀಷ್ ಮೀಡಿಯಂನಲ್ಲಿ ಶಿಕ್ಷಣ ನೀಡುವ ಸಲುವಾಗಿ 1,419 ಶಾಲೆಗಳನ್ನು ಆರಂಭಕ್ಕೆ ರಾಜ್ಯ ಸರ್ಕಾರ ಆದೇಶಿದೆ.
ಈ ಬಗ್ಗೆ ಶಾಲಾ ಶಿಕ್ಷಣ ಇಲಾಖೆಯ ಆಯುಕ್ತರು ಪತ್ರಿಕಾ ಪ್ರಕಟಣೆಯಲ್ಲಿ ಮಾಹಿತಿ ಹಂಚಿಕೊಂಡಿದ್ದು, ಕಲ್ಯಾಣ ಕರ್ನಾಟಕದ ವಿಭಾಗದಲ್ಲಿ ಶಿಕ್ಷಣದಲ್ಲಿ ಗುಣಾತ್ಮಕ ಪ್ರಗತಿಯನ್ನು ಸಾಧಿಸಲು ಪ್ರಾಥಮಿಕ ಹಂತದಲ್ಲಿಯೇ/ಆರಂಭಿಕ ಹಂತದಿಂದಲೇ ʼಭದ್ರ ಬುನಾದಿʼಯನ್ನು ಹಾಕುವ ನಿಟ್ಟಿನಲ್ಲಿ 2024-25ನೇ ಸಾಲಿನಿಂದ ಅರ್ಹ ಸರ್ಕಾರಿ ಶಾಲೆಗಳಲ್ಲಿ 1ನೇ ತರಗತಿಯಿಂದ ದ್ವಿಭಾಷಾ (ಕನ್ನಡ ಮತ್ತು ಇಂಗ್ಲಿಷ) ತರಗತಿಗಳನ್ನು ರಾಜ್ಯದ 1419 ಸರ್ಕಾರಿ ಶಾಲೆಗಳಲ್ಲಿ ಪ್ರಾರಂಭಿಸಲು ಸರ್ಕಾರ ಆದೇಶಿಸಿದೆ. ಇದಕ್ಕಾಗಿ, ಡಾ. ಅಜಯ ಸಿಂಗ, ಅಧ್ಯಕ್ಷರು, ಕಲ್ಯಾಣ ಕರ್ನಾಟಕ ಪ್ರಾಧೇಶಿಕ ಅಭಿವೃದ್ಧಿ ಮಂಡಳಿ ಇವರ ನೇತೃತ್ವದಲ್ಲಿ ಮಂಡಳಿಯು ಉತ್ತಮ ಹೆಜ್ಜೆಯನ್ನಿಟ್ಟು ಸರ್ಕಾರದೊಂದಿಗೆ ʼಅಕ್ಷರ ಆವಿಷ್ಕಾರʼ ಯೋಜನೆಯ ಮುಖಾಂತರ ಕೈ ಜೋಡಿಸಿದೆ. ತನ್ಮೂಲಕ ಮಕ್ಕಳಿಗೆ ಅದರಲ್ಲೂ ಗ್ರಾಮೀಣ ಪ್ರದೇಶದ ಮಕ್ಕಳಿಗೆ ಗುಣಾತ್ಮಕ ದ್ವಿಭಾಷಾ (ಕನ್ನಡ ಮತ್ತು ಇಂಗ್ಲಿಷ) ಕಲಿಕಾ ಸೌಲಭ್ಯವನ್ನು ಕಲ್ಪಿಸಿಕೊಡುವ ಉದ್ದೇಶ ಸರ್ಕಾರದ್ದಾಗಿದೆ.
ದಿನಾಂಕ: 15.06.2024ರ ಸರ್ಕಾರ ಆದೇಶ ಸಂಖ್ಯೆ: ಇಪಿ 137 ಪಿಜಿಸಿ 2024ರ ಅನ್ವಯ 2024-25ನೇ ಶೈಕ್ಷಣಿಕ ಸಾಲಿನಿಂದ ಕಲ್ಯಾಣ ಕರ್ನಾಟಕ ವಿಭಾಗದಲ್ಲಿ ಒಟ್ಟು 872 ಸರ್ಕಾರಿ ಶಾಲೆಗಳಲ್ಲಿ ʼದ್ವಿಭಾಷಾ (ಕನ್ನಡ ಮತ್ತು ಇಂಗ್ಲಿಷ)ʼ ತರಗತಿಗಳನ್ನು ಪ್ರಾರಂಭಿಸಲು ಅಧಿಸೂಚನೆ ಹೊರಡಿಸಲಾಗಿದೆ. ಜಿಲ್ಲಾವಾರು ಮಾಹಿತಿ ಈ ಕೆಳಕಂಡಂತಿದೆ.
| ಕ್ರ.ಸಂ | ಜಿಲ್ಲೆಗಳ ಹೆಸರು | ತರಗತಿಗಳ ಸಂಖ್ಯೆ |
| 1 | 2 | 3 |
| 01 | ಬೀದರ | 97 |
| 02 | ಬಳ್ಳಾರಿ | 119 |
| 03 | ಕಲಬುರಗಿ | 165 |
| 04 | ಕೊಪ್ಪಳ | 109 |
| 05 | ರಾಯಚೂರು | 176 |
| 06 | ವಿಜಯನಗರ | 134 |
| 07 | ಯಾದಗಿರಿ | 72 |
| ವಿಭಾಗದ ಒಟ್ಟು ತರಗತಿಗಳ ಸಂಖ್ಯೆ | 872 | |
ರಾಜ್ಯದಲ್ಲಿ ಈಗಾಗಲೇ ಸರ್ಕಾರಿ ಶಾಲೆಗಳಲ್ಲಿ ಆಂಗ್ಲ ಮಾಧ್ಯಮ ನಡೆಯುತ್ತಿರುವ ತರಗತಿಗಳು ಮತ್ತು ಅಲ್ಲಿ ದಾಖಲಾದ ಮಕ್ಕಳ ವಿವರಗಳ ಕುರಿತು ಅವಲೋಕಿಸಿದಾಗ, ಕಲ್ಯಾಣ ಕರ್ನಾಟಕ ವಿಭಾಗದಲ್ಲಿ ಈ ಸಂಖ್ಯೆ ತೀರಾ ಕಡಿಮೆ ಇರುವುದನ್ನು ಈ ಕೆಳಕಂಡ ಅಂಕಿ-ಅಂಶಗಳಿಂದ ತಿಳಿಯಬಹುದಾಗಿದೆ.
| ಕ್ರ.ಸಂ | ವಿಭಾಗಗಳು | ಒಟ್ಟು ಶಾಲೆಗಳ ಸಂಖ್ಯೆ | ಒಟ್ಟು
ವಿದ್ಯಾರ್ಥಿಗಳ ಸಂಖ್ಯೆ (1 ರಿಂದ 10 ತರಗತಿ) |
ಪ್ರತಿ 1 ಲಕ್ಷ ಮಕ್ಕಳಿಗೆ ಇಂಗ್ಲಿಷ ಮಾಧ್ಯಮ ಶಾಲೆಗಳ ಸಂಖ್ಯೆ | ಪ್ರತಿ 1 ಆಂಗ್ಲ ಮಾಧ್ಯಮ ಶಾಲೆಯಲ್ಲಿನ ಒಟ್ಟು ಮಕ್ಕಳ ಸಂಖ್ಯೆ |
| 01 | 02 | 03 | 04 | 05 | 06 |
| 01 | ಬೆಂಗಳೂರು | 1291 | 1002645 | 129 | 777 |
| 02 | ಧಾರವಾಡ | 503 | 1414256 | 36 | 2812 |
| 03 | ಮೈಸೂರು | 871 | 626219 | 139 | 719 |
| 04 | ಕಲಬುರಗಿ | 418 | 1285784 | 33 | 3076 |
| ರಾಜ್ಯದ
ಒಟ್ಟು ಸರಾಸರಿ |
3083 | 4328904 | 71 | 1404 | |
ಅತಿಥಿ ಶಿಕ್ಷಕರ ನೇಮಕಾತಿ:
ಸರ್ಕಾರದ ಆದೇಶ ಸಂಖ್ಯೆ: ಇಪಿ 137 ಪಿಜಿಸಿ 2024 ದಿನಾಂಕ: 15.06.2024 ರನ್ವಯ ಕಲ್ಯಾಣ ಕರ್ನಾಟಕ ಪ್ರದೇಶದ ಎಲ್ಲಾ 7 ಜಿಲ್ಲೆಗಳಲ್ಲಿ ಆಯ್ದ 872 ಸರ್ಕಾರಿ ಪ್ರಾಥಮಿಕ ಶಾಲೆಗಳಲ್ಲಿ ದ್ವಿಭಾಷಾ (ಕನ್ನಡ ಮತ್ತು ಇಂಗ್ಲಿಷ) ತರಗತಿಗಳನ್ನು ಪ್ರಾರಂಭಿಸಲು ಅನುಮತಿ ನೀಡಿರುತ್ತಾರೆ. ಅದರಂತೆ, ದ್ವಿಭಾಷಾ (ಕನ್ನಡ ಮತ್ತು ಇಂಗ್ಲಿಷ) ತರಗತಿಗಳಿಗೆ ನಿಯಮನುಸಾರ ಅತಿಥಿ ಶಿಕ್ಷಕರ ನೇಮಕಾತಿ ಶಾಲಾ ಹಂತದಲ್ಲಿ ನಡೆಯಲಿದೆ.
ಕಲ್ಯಾಣ ಕರ್ನಾಟಕದಲ್ಲಿ ʼಇಂಗ್ಲಿಷ’ ಬರ:
ಇತ್ತೀಚಿನ ಎಸ್.ಎಸ್.ಎಲ್.ಸಿ ಪರೀಕ್ಷೆಯ ಫಲಿತಾಂಶವನ್ನು ಅವಲೋಕಿಸಿದಾಗ, ರಾಜ್ಯದ ಫಲಿತಾಂಶದ ಮೊದಲ 10 ಸ್ಥಾನಗಳಲ್ಲಿನ ಜಿಲ್ಲೆಗಳಲ್ಲಿ ನಡೆಯುತ್ತಿರುವ ಸರ್ಕಾರಿ ಶಾಲೆಗಳಲ್ಲಿ ದ್ವಿಭಾಷಾ (ಕನ್ನಡ ಮತ್ತು ಇಂಗ್ಲಿಷ) ತರಗತಿಗಳ ಅಂಕಿ-ಅಂಶಗಳನ್ನು ಗಮನಿಸುವುದು ಸೂಕ್ತವಾಗಿದೆ.
| 10 ನೇ ತರಗತಿಯ ಪರೀಕ್ಷೆಯಲ್ಲಿ ಜಿಲ್ಲೆಯ ಸ್ಥಾನ
|
ವಿಭಾಗದ ಹೆಸರು | ಜಿಲ್ಲೆಯ ಹೆಸರು | ಒಟ್ಟು ಶಾಲೆಗಳ ಸಂಖ್ಯೆ | ಒಟ್ಟು ವಿದ್ಯಾರ್ಥಿಗಳ ಸಂಖ್ಯೆ
(1 ರಿಂದ 10 ನೇ ತರಗತಿ) |
ಪ್ರತಿ 1 ಲಕ್ಷ ಮಕ್ಕಳಿಗೆ ಇಂಗ್ಲಿಷ ಮಾಧ್ಯಮ ಶಾಲೆಗಳ ಸಂಖ್ಯೆ | ಪ್ರತಿ 1 ಆಂಗ್ಲ ಮಾಧ್ಯಮ ಶಾಲೆಗೆ ಒಟ್ಟು ಮಕ್ಕಳ ಸಂಖ್ಯೆ |
| 01 | 02 | 03 | 04 | 05 | 06 | 07 |
| 01 | ಮೈಸೂರು | ಉಡುಪಿ | 146 | 60211 | 242 | 412 |
| 02 | ಮೈಸೂರು | ದಕ್ಷಿಣ ಕನ್ನಡ | 129 | 100428 | 128 | 779 |
| 03 | ಬೆಂಗಳೂರು | ಶಿವಮೊಗ್ಗ | 181 | 115896 | 156 | 640 |
| 04 | ಮೈಸೂರು | ಕೊಡಗು | 27 | 21798 | 124 | 807 |
| 05 | ಧಾರವಾಡ | ಉತ್ತರ ಕನ್ನಡ | 48 | 45947 | 104 | 957 |
| 06 | ಮೈಸೂರು | ಹಾಸನ | 161 | 86698 | 186 | 538 |
| 07 | ಮೈಸೂರು | ಮೈಸೂರು | 126 | 152401 | 83 | 1207 |
| 08 | ಧಾರವಾಡ | ಸಿರಸಿ | 57 | 7016 | 81 | 1237 |
| 09 | ಬೆಂಗಳೂರು | ಬೆಂಗಳೂರು ಗ್ರಾಮಿಣ | 82 | 58525 | 140 | 714 |
| 10 | ಮೈಸೂರು | ಚಿಕ್ಕಮಗಳೂರು | 122 | 61945 | 197 | 508 |
| 10 ನೇ ತರಗತಿಯ ಪರೀಕ್ಷೆಯಲ್ಲಿ ಜಿಲ್ಲೆಯ ಸ್ಥಾನ
|
ವಿಭಾಗದ ಹೆಸರು | ಜಿಲ್ಲೆಯ ಹೆಸರು | ಒಟ್ಟು ಶಾಲೆಗಳ ಸಂಖ್ಯೆ | ಒಟ್ಟು ವಿದ್ಯಾರ್ಥಿಗಳ ಸಂಖ್ಯೆ
(1 ರಿಂದ 10 ನೇ ತರಗತಿ) |
ಪ್ರತಿ 1 ಲಕ್ಷ ಮಕ್ಕಳಿಗೆ ಇಂಗ್ಲಿಷ ಮಾಧ್ಯಮ ಶಾಲೆಗಳ ಸಂಖ್ಯೆ | ಪ್ರತಿ 1 ಆಂಗ್ಲ ಮಾಧ್ಯಮ ಶಾಲೆಗೆ ಒಟ್ಟು ಮಕ್ಕಳ ಸಂಖ್ಯೆ |
| 01 | 02 | 03 | 04 | 05 | 06 | 07 |
| 01 | ಬೆಂಗಳೂರು | ರಾಮನಗರ | 85 | 56473 | 151 | 664 |
| 02 | ಕಲಬುರಗಿ | ವಿಜಯನಗರ | 44 | 151381 | 29 | 3440 |
| 03 | ಕಲಬುರಗಿ | ಬಳ್ಳಾರಿ | 40 | 136227 | 29 | 3406 |
| 04 | ಧಾರವಾಡ | ಬೆಳಗಾವಿ | 64 | 197001 | 32 | 3078 |
| 05 | ಬೆಂಗಳೂರು | ಮಧುಗಿರಿ | 77 | 68212 | 113 | 3078 |
| 06 | ಕಲಬುರಗಿ | ರಾಯಚೂರು | 76 | 261576 | 29 | 3442 |
| 07 | ಕಲಬುರಗಿ | ಕೊಪ್ಪಳ | 51 | 197056 | 26 | 3864 |
| 08 | ಕಲಬುರಗಿ | ಬೀದರ | 53 | 119359 | 44 | 2252 |
| 09 | ಕಲಬುರಗಿ | ಕಲಬುರಗಿ | 96 | 248982 | 39 | 2594 |
| 10 | ಕಲಬುರಗಿ | ಯಾದಗಿರಿ | 58 | 171203 | 94 | 2952 |
ಎಸ್.ಎಸ್. ಎಲ್.ಸಿ ಫಲಿತಾಂಶದಲ್ಲಿ ಮೊದಲ 10 ಸ್ಥಾನಗಳನ್ನು ಪಡೆದ ಜಿಲ್ಲೆಗಳನ್ನು ಗಮನಿಸಲಾದಲ್ಲಿ, ಶಿರಸಿ ಹಾಗೂ ಉತ್ತರ ಕನ್ನಡ ಜಿಲ್ಲೆಗಳನ್ನು ಹೊರತುಪಡಿಸಿ ಮಿಕ್ಕೆಲಾ ಜಿಲ್ಲೆಗಳು ಮೈಸೂರು ಹಾಗೂ ಬೆಂಗಳೂರು ವಿಭಾಗದ ಜಿಲ್ಲೆಗಳಾಗಿವೆ. ಸದರಿ ಜಿಲ್ಲೆಗಳಲ್ಲಿ ಸರ್ಕಾರಿ ಶಾಲೆಗಳ ಮೇಲೆ ಅವಲಂಭಿತರಾಗಿರುವಂತಹ ಪ್ರತಿ ಒಂದು ಲಕ್ಷ ಸರ್ಕಾರಿ ವಿದ್ಯಾರ್ಥಿಗಳಿಗೆ ಕನಿಷ್ಠ 100 ಹಾಗೂ ಗರಿಷ್ಠ 200 ಸರ್ಕಾರಿ ಶಾಲೆಗಳು ದ್ವಿಭಾಷಾ ಬೋಧನೆಯನ್ನು ಮಾಡುತ್ತಾ ಸೇವೆ ಗೈಯುತ್ತಿರುತ್ತವೆ. ಮುಂದುವರೆದು, ಪ್ರತಿ ದ್ವಿಭಾಷಾ ಸರ್ಕಾರಿ ಶಾಲೆಯು ಅಂದಾಜು 600 ರಿಂದ 700 ರಷ್ಟು ಸರ್ಕಾರಿ ಶಾಲೆಯ ವಿದ್ಯಾರ್ಥಿಗಳಿಗೆ ದ್ವಿಭಾಷೆಯಲ್ಲಿ ಬೋಧನೆಯನ್ನು ಮಾಡುತ್ತಿರುತ್ತವೆ ಎಂಬುವುದು ಸಮಾಧಾನಕರ ವಿಷಯವಾಗಿದೆ.
ಆದರೆ, ಎಸ್.ಎಸ್.ಎಲ್.ಸಿ ಫಲಿತಾಂಶದಲ್ಲಿ ಕಡೆಯ ಸ್ಥಾನ ಪಡೆದಂತಹ 10 ಜಿಲ್ಲೆಗಳಲ್ಲಿ, ಕಲ್ಯಾಣ ಕರ್ನಾಟಕದ 7 ಜಿಲ್ಲೆಗಳು ಸ್ಥಾನ ಪಡೆದಿರುತ್ತವೆ. ಕಲ್ಯಾಣ ಕರ್ನಾಟಕ ಭಾಗದಲ್ಲಿ ಸರ್ಕಾರಿ ಶಾಲೆಗಳಲ್ಲಿ ಓದುತ್ತಿರುವಂತಹ ಪ್ರತಿ ಒಂದು ಲಕ್ಷ ವಿದ್ಯಾರ್ಥಿಗಳಿಗೆ ದ್ವಿಭಾಷೆಯಲ್ಲಿ ಬೋಧನೆ ಮಾಡುತ್ತಿರುವ ಆಂಗ್ಲ ಮಾಧ್ಯಮ ಸರ್ಕಾರಿ ಶಾಲೆಗಳು 40ಕ್ಕೂ ಕಡಿಮೆ ಇರುವ ವಿಷಯ ಗಂಭೀರವಾಗಿದೆ. ಒಟ್ಟಾರೆ, ಕಲ್ಯಾಣ ಕರ್ನಾಟಕದ ಭಾಗದ ಜಿಲ್ಲೆಗಳಿಲ್ಲಿರುವಂತಹ ಪ್ರತಿ ದ್ವಿಭಾಷಾ ಬೋಧಿಸುವ ಸರ್ಕಾರಿ ಶಾಲೆಯ ಮೇಲೆ 2 ಸಾವಿರ ದಿಂದ 4 ಸಾವಿರದಷ್ಟು ಮಕ್ಕಳು ಅವಲಂಭಿತರಾಗಿರುವುದು ಕೂಡ ಗಮನಾರ್ಹ.
ರಾಜ್ಯದ ಎಸ್.ಎಸ್.ಎಲ್.ಸಿ ಫಲಿತಾಂಶದ ಮೊದಲ 10 ಜಿಲ್ಲೆಗಳು ಹಾಗೂ ಕಡೆಯ 10 ಜಿಲ್ಲೆಗಳ ಅಂಕಿ ಅಂಶಗಳು ಕಲ್ಯಾಣ ಕರ್ನಾಟಕದ ಶೈಕ್ಷಣಿಕ ರಂಗದಲ್ಲಿ ಅತಿ ಅವಶ್ಯಕವಿರುವ ಕ್ರಮಗಳ ಕುರಿತಾಗಿ ತಿಳಿಸುತ್ತವೆ, ಇದರಲ್ಲಿ ಒಂದು ಮುಖ್ಯ ಕ್ರಮ ದ್ವಿಭಾಷಾ ಬೋಧನೆಯು ಸಹ ಆಗಿದೆ. ಬೆಂಗಳೂರು ಮತ್ತು ಮೈಸೂರು ವಿಭಾಗಗಳಲ್ಲಿ ಯಾವ ರೀತಿ ಆಂಗ್ಲ ಮಾಧ್ಯಮದಲ್ಲಿ ಬೋಧನೆ ಪಡೆಯಲು ವಿದ್ಯಾರ್ಥಿಗಳಿಗೆ ಹೆಚ್ಚಿನ ಅವಕಾಶ ಕಲ್ಪಿಸಲಾಗಿದೆಯೋ, ಅದರಂತೆ ಕಲ್ಯಾಣ ಕರ್ನಾಟಕ ವಿಭಾಗದ ವಿದ್ಯಾರ್ಥಿಗಳಿಗೂ ಸಮಾನ ಅವಕಾಶ ನೀಡಲು ಈ ದ್ವಿಭಾಷಾ (ಕನ್ನಡ ಮತ್ತು ಇಂಗ್ಲಿಷ) ತರಗತಿಗಳು ಸಹಕಾರಿಯಾಗಲಿವೆ.
ಜಮ್ಮು ಮತ್ತು ಕಾಶ್ಮೀರದಲ್ಲಿ ಭಯೋತ್ಪಾದಕ ದಾಳಿ: ಕೇಂದ್ರ ಸಚಿವ ಅಮಿತ್ ಶಾ ಅಧ್ಯಕ್ಷತೆಯಲ್ಲಿ ಉನ್ನತ ಮಟ್ಟದ ಸಭೆ
