ಬೆಂಗಳೂರು : SATS ತಂತ್ರಾಂಶದಲ್ಲಿ ವಿದ್ಯಾರ್ಥಿಗಳ ದಾಖಲಾತಿಯನ್ನು ಪೂರ್ಣಗೊಳಿಸುವ ಕುರಿತು ಶಿಕ್ಷಣ ಇಲಾಖೆ ಮಹತ್ವದ ಆದೇಶ ಹೊರಡಿಸಿದೆ.
ಮೇಲ್ಕಂಡ ವಿಷಯಕ್ಕೆ ಸಂಬಂಧಿಸಿದಂತೆ SATS ತಂತ್ರಾಂಶದಲ್ಲಿ ಹಿಂದಿನ ಸಾಲಿನಲ್ಲಿ ದಾಖಲಾದ ವಿದ್ಯಾರ್ಥಿಗಳು ಪ್ರಸ್ತುತ ಸಾಲಿಗೆ ಮುಂದಿನ ತರಗತಿಗೆ ದಾಖಲಾಗಬೇಕಿರುತ್ತದೆ. ಆದರೆ ತಂತ್ರಾಂಶದಲ್ಲಿ ಪ್ರಸ್ತುತ ಸಾಲಿಗೆ ದಾಖಲಾಗದೆ ಹಿಂದಿನ ತರಗತಿಯಲ್ಲಿಯೇ ಉಳಿದಿರುವುದು ಕಂಡುಬಂದಿರುತ್ತದೆ.
ಈ ಹಿಂದಿನ SATS ಪರಿಶೀಲನಾ ಸಭೆಗಳಲ್ಲಿ ದಾಖಲಾತಿಯನ್ನು ಪೂರ್ಣಗೊಳಿಸಲು ಇರುವ ಸಮಸ್ಯೆಗಳ ಕುರಿತು ಈ ಕೆಳಗಿನಂತೆ ಚರ್ಚಿಸಲಾಗಿತ್ತು. SATS ತಂತ್ರಾಂಶದ ಎಲ್ಲಾ ಹಂತದ ಲಾಗಿನ್‌ಗಳಲ್ಲಿ ದಾಖಲಾತಿ ಬಾಕಿ ಇರುವ (Enrolment Pendency report) ವಿದ್ಯಾರ್ಥಿಗಳ ವರದಿ ಲಭ್ಯವಿರುವುದಿಲ್ಲ. ಕೆಲವು ವಿದ್ಯಾರ್ಥಿಗಳು ಶಾಲೆಯಿಂದ ವರ್ಗಾವಣೆ ಪತ್ರ ಪಡೆದು ಬೇರೆ ರಾಜ್ಯದಲ್ಲಿ ಶಿಕ್ಷಣ ಮುಂದುವರಿಸುತ್ತಿದ್ದಾರೆ. ಈ ವಿದ್ಯಾರ್ಥಿಗಳು ಸಹ ದಾಖಲಾತಿ ಬಾಕಿ ಪಟ್ಟಿಯಲ್ಲಿ ಉಳಿದಿರುತ್ತದೆ.
ಈ ಸಮಸ್ಯೆಗಳಿಗೆ ಪರಿಹಾರ:
ಹಿಂದಿನ ಸಾಲಿನಲ್ಲಿ ದಾಖಲಾಗಿ ಪ್ರಸ್ತುತ ಸಾಲಿನಲ್ಲಿ ಮುಂದಿನ ತರಗತಿಗೆ ದಾಖಲಾಗದೆ ಬಾಕಿ ಉಳಿದಿರುವ ವಿದ್ಯಾರ್ಥಿಗಳ ವರದಿಯು (Students enrolment pendency report) 2 ថដ SATS ) (Head Master, BEO, DDPI & State Login) ಲಭ್ಯವಾಗುವಂತೆ ಅವಕಾಶ ನೀಡಲಾಗಿದೆ. (User Manual ನ್ನು ಲಗತ್ತಿಸಿದೆ)
ಸದರಿ ವರದಿಯಲ್ಲಿ ಮುಂದಿನ ಸಾಲಿಗೆ ದಾಖಲಾತಿ ಮಾಡಲಾಗದ ವಿದ್ಯಾರ್ಥಿಗಳನ್ನು ಈ ಕೆಳಗಿನ ಸೂಕ್ತ ಕಾರಣಗಳಲ್ಲಿ ಒಂದನ್ನು ಆರಿಸಿ Pendency Report ಪರದೆಯಲ್ಲಿ Submit ಮಾಡಲು ಅವಕಾಶ ನೀಡಲಾಗಿದೆ:
Dead
Drop out
Taken TC & Admitted out of state or country
Taken TC & new school admission not known
ಮೇಲಿನ ಕಾರಣಗಳನ್ನು ಆರಿಸಿ ಸಲ್ಲಿಸಲಾದ ವಿದ್ಯಾರ್ಥಿಗಳ ಮಾಹಿತಿಯು/ಪಟ್ಟಿಯು Marked student report ಪರದೆಯಲ್ಲಿ ಪ್ರತ್ಯೇಕವಾಗಿ ಎಲ್ಲಾ ಹಂತದ ಅಧಿಕಾರಿಗಳಿಗೆ ಲಭ್ಯವಾಗುತ್ತದೆ ಹಾಗೂ Pendency ಪಟ್ಟಿಯಿಂದ ಮಕ್ಕಳ ಮಾಹಿತಿಯು ತೆರವಾಗುತ್ತದೆ. Marked student report Attendance authority ಅಧಿಕಾರಿಗಳು ಈ ವಿದ್ಯಾರ್ಥಿಗಳ ಮನೆಗೆ ಭೇಟಿ ನೀಡಿ ನೈಜತೆ ಪರಿಶೀಲಿಸಿ ವಿದ್ಯಾರ್ಥಿಗಳು ಶಾಲೆಯಿಂದ ಹೊರಗುಳಿದಿರುವುದಿಲ್ಲವೆಂದು ಖಾತ್ರಿ ಪಡಿಸಿಕೊಂಡು ಪಂಚನಾಮೆ ಮಾಡಿ ಈ ವರದಿಯನ್ನು ಕ್ಷೇತ್ರಶಿಕ್ಷಣಾಧಿಕಾರಿಗಳ ಹಂತದ ತಂತ್ರಾಂಶದ ಲಾಗಿನ್‌ನಲ್ಲಿ ಅಪಲೋಡ್‌ ಮಾಡಿ ತೆರವುಗೊಳಿಸಬೇಕು. ತೆರವುಗೊಳಿಸಿದ ವಿದ್ಯಾರ್ಥಿಗಳ ಮಾಹಿತಿಯು Pending Students Action Taken Report ನಲ್ಲಿ ಲಭ್ಯವಾಗುತ್ತದೆ.
ಒಂದು ವೇಳೆ ವಿದ್ಯಾರ್ಥಿಗಳು ಶಾಲೆಯಿಂದ ಹೊರಗುಳಿದಿರುವುದು ಕಂಡುಬಂದಲ್ಲಿ ಶಾಲೆ ಬಿಟ್ಟ ಮಕ್ಕಳ/ ಶಾಲೆಯಿಂದ ಹೊರಗುಳಿದ ವಿದ್ಯಾರ್ಥಿಗಳನ್ನು ಶಾಲೆಗೆ ಮರಳಿ ತರಲು ವಹಿಸಬೇಕಾದ ಕ್ರಮಗಳನ್ನು ನಿಯಮಾನುಸಾರ ತೆಗೆದುಕೊಳ್ಳಲು ತಿಳಿಸಿದೆ.
ಈ ಕಾರ್ಯವು ಪ್ರತಿ ಮಗುವಿನ ಜಾಡನ್ನು ಪತ್ತೆ ಮಾಡಿ, ಶಾಲೆಬಿಟ್ಟ ಮಗುವನ್ನು ಗುರುತಿಸಲು ಮತ್ತು ಮಗುವನ್ನು ಶಾಲೆಗೆ ಮರಳಿ ತರಲು ಸಹಾಯಕಾರಿಯಾಗಲಿದೆ. ಪ್ರಯುಕ್ತ ನಿಯಮಾನುಸಾರ ಮಕ್ಕಳ ದಾಖಲಾತಿಯನ್ನು ತಂತ್ರಾಂಶದಲ್ಲಿ ಕಡ್ಡಾಯವಾಗಿ Update ಮಾಡುವ ಮೂಲಕ ಅಗತ್ಯ ಕ್ರಮಕೈಗೊಳ್ಳುವಂತೆ ತಿಳಿಸಿದೆ, ಅಪಡೇಟ್ ಆದ Pending Students Action Taken Report ನ್ನು ತಾಲ್ಲೂಕು, ಜಿಲ್ಲಾ ಹಾಗೂ ರಾಜ್ಯ ಹಂತದ ನೋಡಲ್ ಅಧಿಕಾರಿಗಳು ನಿಖರವಾಗಿ ಪರಿಶೀಲಿಸಿ. ತಮ್ಮ ವ್ಯಾಪ್ತಿಯ ಎಲ್ಲಾ ವಿದ್ಯಾರ್ಥಿಗಳ ದಾಖಲಾತಿ ಪೂರ್ಣಗೊಳಿಸಿರುವ ಕುರಿತು ವರದಿಯನ್ನು ಖಡ್ಡಾಯವಾಗಿ ಆಯುಕ್ತರ ಕಛೇರಿಗೆ 30/06/2024 ರೊಳಗೆ ಸಲ್ಲಿಸಲು ಸೂಚಿಸಿದೆ. ದಾಖಲಾತಿ ಬಾಕಿಯಿದ್ದಲ್ಲಿ (Admission pendency) ಮುಂದಿನ ಆಗುಹೋಗುಗಳಿಗೆ ಸಂಬಂಧಿಸಿದ ಅಧಿಕಾರಿಗಳನ್ನೇ ನೇರ ಹೊಣೆಗಾರರನ್ನಾಗಿ ಮಾಡಲಾಗುವುದು.
