ನವದೆಹಲಿ:ತಾಷ್ಕೆಂಟ್ನಲ್ಲಿ ಭಾನುವಾರ ನಡೆದ ಏಷ್ಯನ್ ಮಹಿಳಾ ಆರ್ಟಿಸ್ಟಿಕ್ ಜಿಮ್ನಾಸ್ಟಿಕ್ ಚಾಂಪಿಯನ್ಶಿಪ್ನಲ್ಲಿ ಇಪಾ ಕರ್ಮಾಕರ್ ಐತಿಹಾಸಿಕ ಚಿನ್ನದ ಪದಕ ಗೆದ್ದಿದ್ದಾರೆ.
ವೈಯಕ್ತಿಕ ವಾಲ್ಟ್ನ ಫೈನಲ್ನಲ್ಲಿ, ಕರ್ಮಾಕರ್ ಎಂಟು ಜಿಮ್ನಾಸ್ಟ್ಗಳಲ್ಲಿ 13.566 ಸರಾಸರಿ ಅಂಕಗಳೊಂದಿಗೆ ಅಗ್ರಸ್ಥಾನ ಪಡೆದರು. ತನ್ನ ಎರಡೂ ಪ್ರಯತ್ನಗಳಲ್ಲಿ, 30 ವರ್ಷದ ಆಟಗಾರ್ತಿ 13.566 ಅಂಕಗಳನ್ನು ಪಡೆದರು.
ಉತ್ತರ ಕೊರಿಯಾದ ಕಿಮ್ ಸನ್ ಹ್ಯಾಂಗ್ (13.466) ಮತ್ತು ಜೋ ಕ್ಯೋಂಗ್ ಬ್ಯೋಲ್ (12.966) ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕಗಳನ್ನು ಗೆದ್ದರು.
ಇದಕ್ಕೂ ಮುನ್ನ 2015ರಲ್ಲಿ ಹಿರೋಷಿಮಾದಲ್ಲಿ ನಡೆದಿದ್ದ ಇದೇ ಸ್ಪರ್ಧೆಯಲ್ಲಿ ಕರ್ಮಾಕರ್ ಕಂಚಿನ ಪದಕ ಗೆದ್ದಿದ್ದರು.
2016 ರ ರಿಯೋ ಒಲಿಂಪಿಕ್ಸ್ನಲ್ಲಿ ವಾಲ್ಟ್ ಫೈನಲ್ನಲ್ಲಿ ನಾಲ್ಕನೇ ಸ್ಥಾನ ಪಡೆದ ನಂತರ ಅವರು ದೇಶದಲ್ಲಿ ಮನೆಮಾತಾದರು. 2014ರ ಗ್ಲ್ಯಾಸ್ಗೋ ಕಾಮನ್ವೆಲ್ತ್ ಗೇಮ್ಸ್ನಲ್ಲಿ ಕರ್ಮಾಕರ್ ಕಂಚಿನ ಪದಕ ಗೆದ್ದಿದ್ದರು.
ಆಶಿಶ್ ಕುಮಾರ್ 2015ರ ಏಷ್ಯನ್ ಚಾಂಪಿಯನ್ಶಿಪ್ನಲ್ಲಿ ವೈಯಕ್ತಿಕ ಫ್ಲೋರ್ ವ್ಯಾಯಾಮದಲ್ಲಿ ಕಂಚಿನ ಪದಕ ಗೆದ್ದಿದ್ದರು. ಪ್ರಣತಿ ನಾಯಕ್ 2019 ಮತ್ತು 2022ರ ಆವೃತ್ತಿಗಳಲ್ಲಿ ವಾಲ್ಟ್ ವಿಭಾಗದಲ್ಲಿ ಕಂಚಿನ ಪದಕ ಗೆದ್ದಿದ್ದರು.
ಡೋಪಿಂಗ್ ಅಪರಾಧಕ್ಕಾಗಿ 21 ತಿಂಗಳ ಅಮಾನತು ನಂತರ ಕಳೆದ ವರ್ಷ ಆಟಕ್ಕೆ ಮರಳಿದ ದೀಪಾ ಮುಂಬರುವ ಪ್ಯಾರಿಸ್ ಒಲಿಂಪಿಕ್ಸ್ನಿಂದ ಹೊರಗುಳಿದಿದ್ದಾರೆ.
