ವಡೋದರಾ: ಗೋಮಾಂಸ ಹೊಂದಿರುವ ಸಮೋಸಾ ಮಾರಾಟ ಮಾಡುತ್ತಿದ್ದ ಅಂಗಡಿಯೊಂದರ ಮಾಲೀಕರನ್ನು ಗುಜರಾತ್ ನ ವಡೋದರಾದಲ್ಲಿ ಸೋಮವಾರ ಬಂಧಿಸಲಾಗಿದೆ. ಖಚಿತ ಮಾಹಿತಿ ಮೇರೆಗೆ ನಗರದ ಪಾಣಿಗೇಟ್ ಪ್ರದೇಶದಲ್ಲಿರುವ ಹುಸೈನಿ ಸಮೋಸಾ ಕೇಂದ್ರದ ಮೇಲೆ ದಾಳಿ ನಡೆಸಿದ ಪೊಲೀಸರು 113 ಕೆಜಿ ಮಾಂಸವನ್ನು ವಶಪಡಿಸಿಕೊಂಡಿದ್ದಾರೆ.
ಪೊಲೀಸರು ಮಾಂಸದ ಮಾದರಿಗಳನ್ನು ಪರೀಕ್ಷೆಗಾಗಿ ವಿಧಿವಿಜ್ಞಾನ ಪ್ರಯೋಗಾಲಯಕ್ಕೆ ಕಳುಹಿಸಿದ್ದಾರೆ, ನಂತರ ಅದು ಹಸುವಿನ ಮಾಂಸ ಎಂದು ದೃಢಪಡಿಸಿದೆ. ಮಾಲೀಕರ ವಿರುದ್ಧ ಸಾಕಷ್ಟು ಪುರಾವೆಗಳೊಂದಿಗೆ ಪೊಲೀಸರು ಯೂಸುಫ್ ಶೇಖ್ ಮತ್ತು ನಯೀಮ್ ಶೇಖ್ ಮತ್ತು ಅವರ ನಾಲ್ವರು ಕಾರ್ಮಿಕರನ್ನು ಬಂಧಿಸಿದ್ದಾರೆ.
ವಿಚಾರಣೆಯ ಸಮಯದಲ್ಲಿ, ಇಮ್ರಾನ್ ಖುರೇಷಿ ಎಂಬ ವ್ಯಕ್ತಿ ಗೋಮಾಂಸವನ್ನು ಸರಬರಾಜು ಮಾಡುತ್ತಿದ್ದರು ಅಂತ ತಿಳಿಸಿದ್ದಾರೆ. ವಡೋದರಾ ಉಪ ಪೊಲೀಸ್ ಆಯುಕ್ತ ಪನ್ನಾ ಮೊಮಾಯಾ ಅವರ ಪ್ರಕಾರ, ಕೆಲವರು ಹಸುವಿನ ಮಾಂಸದಿಂದ ತುಂಬಿದ ಸಮೋಸಾವನ್ನು ಮಾರಾಟ ಮಾಡುತ್ತಿದ್ದಾರೆ ಎಂಬ ಮಾಹಿತಿ ಪೊಲೀಸರಿಗೆ ಸಿಕ್ಕಿತು. ಕೆಲವರು ಹಸುವಿನ ಮಾಂಸವನ್ನು ಬಳಸಿ ಮನೆಯಿಂದ ಸಮೋಸಾ ಮಾರಾಟ ಮಾಡುತ್ತಿದ್ದಾರೆ ಎಂದು ನಮಗೆ ಮಾಹಿತಿ ಸಿಕ್ಕಿತು. ನಾವು ದಾಳಿ ನಡೆಸಿ 61 ಕೆಜಿ ಸಿದ್ಧಪಡಿಸಿದ ಸಮೋಸಾ, 113 ಕೆಜಿ ಗೋಮಾಂಸ ಮತ್ತು 152 ಕೆಜಿ ಸಮೋಸಾ ವಸ್ತುಗಳನ್ನು ವಶಪಡಿಸಿಕೊಂಡಿದ್ದೇವೆ. ನಾವು ವಸ್ತುಗಳನ್ನು ವಿಧಿವಿಜ್ಞಾನ ಪ್ರಯೋಗಾಲಯಕ್ಕೆ ಕಳುಹಿಸಿದ್ದೇವೆ, ಅದು ಹಸುವಿನ ಮಾಂಸ ಎಂದು ದೃಢಪಡಿಸಿದೆ ಅಂಥ ಹೇಳಿದ್ದಾರೆ.
