ನವದೆಹಲಿ : ಜೀವ ವಿಮಾ ನಿಗಮ (LIC) ಮಾರ್ಚ್ 30 ಮತ್ತು ಮಾರ್ಚ್ 31ರಂದು ತನ್ನ ಕಚೇರಿಗಳನ್ನ ತೆರೆದಿಡಲಿದ್ದು, ಹಣಕಾಸು ವರ್ಷ ಮುಗಿಯುವ ಮೊದಲು ತೆರಿಗೆ ಉಳಿತಾಯ ಕಾರ್ಯವನ್ನ ಪೂರ್ಣಗೊಳಿಸಲು ತೆರಿಗೆದಾರರಿಗೆ ಅನುಕೂಲವಾಗಲಿದೆ. ಶನಿವಾರ ಮತ್ತು ಭಾನುವಾರ ತಮ್ಮ ಶಾಖೆಗಳು ತೆರೆದಿರುತ್ತವೆ ಎಂದು ಬ್ಯಾಂಕುಗಳು ಘೋಷಿಸಿದ ನಂತರ ಎಲ್ಐಸಿ ಈ ಕ್ರಮ ಕೈಗೊಂಡಿದೆ.
ವಿಮಾ ನಿಯಂತ್ರಕ ಐಆರ್ಡಿಎಐನ ಸಲಹೆಯ ಪ್ರಕಾರ, ಈ ವಿಶೇಷ ಕ್ರಮವನ್ನು ಪಾಲಿಸಿದಾರರಿಗೆ ವಿಸ್ತರಿಸಲು ಎಲ್ಐಸಿ ನಿರ್ಧರಿಸಿದೆ ಎಂದು ಸರ್ಕಾರಿ ಸ್ವಾಮ್ಯದ ಎಲ್ಐಸಿ ಹೇಳಿಕೆಯಲ್ಲಿ ತಿಳಿಸಿದೆ.
ಪಾಲಿಸಿದಾರರಿಗೆ ಯಾವುದೇ ತೊಂದರೆಯಾಗದಂತೆ 30.3.2024 ಮತ್ತು 31.3.2024 ರಂದು ಅಧಿಕೃತ ಕೆಲಸದ ಸಮಯದ ಪ್ರಕಾರ ವಲಯಗಳು ಮತ್ತು ವಿಭಾಗಗಳ ವ್ಯಾಪ್ತಿಯಲ್ಲಿರುವ ಕಚೇರಿಗಳನ್ನ ಸಾಮಾನ್ಯ ಕಾರ್ಯಾಚರಣೆಗಾಗಿ ತೆರೆದಿಡಲು ನಿರ್ಧರಿಸಲಾಗಿದೆ ಎಂದು ಎಲ್ಐಸಿ ಹೇಳಿಕೆಯಲ್ಲಿ ತಿಳಿಸಿದೆ.
ಮಾರ್ಚ್ 30 ಮತ್ತು ಮಾರ್ಚ್ 31, 2024ರಂದು ಸಾಮಾನ್ಯ ಕೆಲಸದ ಸಮಯದವರೆಗೆ ಸರ್ಕಾರಿ ವಹಿವಾಟುಗಳಿಗಾಗಿ ತಮ್ಮ ಗೊತ್ತುಪಡಿಸಿದ ಶಾಖೆಗಳನ್ನ ತೆರೆದಿಡುವಂತೆ ಆರ್ಬಿಐ ಈ ತಿಂಗಳ ಆರಂಭದಲ್ಲಿ ಬ್ಯಾಂಕುಗಳಿಗೆ ನಿರ್ದೇಶನ ನೀಡಿತ್ತು.
ಬರದ ಮಧ್ಯೆಯೂ ‘ಸವದತ್ತಿ ಯಲ್ಲಮನ ದೇವಾಲಯ’ದಲ್ಲಿ ‘11.23 ಕೋಟಿ’ ರೂ ಕಾಣಿಕೆ ಸಂಗ್ರಹ
ಬಿಜೆಪಿ-ಜೆಡಿಎಸ್ ಮೈತ್ರಿ: ರಾಜ್ಯದ ರಾಜಕೀಯ ಇತಿಹಾಸದಲ್ಲಿ ಸುವರ್ಣಾಕ್ಷರದಲ್ಲಿ ಬರೆದಿಡುವ ಫಲಿತಾಂಶ: ಬಿ.ವೈ.ವಿಜಯೇಂದ್ರ
ಯತೀಂದ್ರ ಸಿದ್ದರಾಮಯ್ಯ ವಿರುದ್ಧ ಚುನಾವಣಾ ಆಯೋಗಕ್ಕೆ ದೂರು- ಪ್ರತಿಪಕ್ಷ ನಾಯಕ ಆರ್‌.ಅಶೋಕ್
