ನವದೆಹಲಿ:15 ರಾಜ್ಯಗಳ 56 ರಾಜ್ಯಸಭಾ ಸ್ಥಾನಗಳಿಗೆ ಚುನಾವಣಾ ಆಯೋಗ ಸೋಮವಾರ (ಜನವರಿ 29) ದಿನಾಂಕವನ್ನು ಪ್ರಕಟಿಸಿದೆ. ಫೆಬ್ರವರಿ 27 ರಂದು ಚುನಾವಣೆ ನಡೆಯಲಿದ್ದು, ಅದೇ ದಿನ ಮತ ಎಣಿಕೆ ನಡೆಯಲಿದೆ.
56 ಸದಸ್ಯರ ಅಧಿಕಾರಾವಧಿಯು ಏಪ್ರಿಲ್, 2024 ರಲ್ಲಿ ಅವರ ನಿವೃತ್ತಿಯ ಮೇಲೆ ಮುಕ್ತಾಯಗೊಳ್ಳಲಿದೆ.
ಚುನಾವಣಾ ಆಯೋಗದ ಪತ್ರದ ಪ್ರಕಾರ ಫೆ.8ರಿಂದ ನಾಮಪತ್ರ ಸಲ್ಲಿಕೆ ಆರಂಭವಾಗಲಿದೆ.ರಾಜ್ಯಸಭಾ ಚುನಾವಣೆಗೆ ನಾಮಪತ್ರ ಸಲ್ಲಿಕೆಗೆ ಫೆ.15 ಕೊನೆಯ ದಿನ. ಫೆ.16ರಂದು ನಾಮಪತ್ರಗಳ ಪರಿಶೀಲನೆ ನಡೆಯಲಿದೆ. ನಾಮಪತ್ರ ಹಿಂಪಡೆಯಲು ಫೆಬ್ರವರಿ 20 ಎಂದು ಕೊನೆಯ ದಿನವನ್ನಾಗಿ ಇರಿಸಲಾಗಿದೆ. ಫೆಬ್ರವರಿ 27 ರಂದು ಬೆಳಿಗ್ಗೆ 9 ರಿಂದ ಸಂಜೆ 4 ರ ನಡುವೆ ಮತದಾನ ನಡೆಯಲಿದ್ದು, ಅದೇ ದಿನ ಸಂಜೆ 5 ಗಂಟೆಗೆ ಮತ ಎಣಿಕೆ ನಡೆಯಲಿದೆ.
15 ರಾಜ್ಯಗಳಲ್ಲಿ ಚುನಾವಣೆ ನಡೆಯುವ ಸ್ಥಾನಗಳ ಸಂಖ್ಯೆ:
ಆಂಧ್ರ ಪ್ರದೇಶ: 3
ಬಿಹಾರ: 6
ಛತ್ತೀಸ್‌ಗಢ: 1
ಗುಜರಾತ್: 4
ಹರಿಯಾಣ: 1
ಹಿಮಾಚಲ ಪ್ರದೇಶ: 1
ಕರ್ನಾಟಕ: 4
ಮಧ್ಯಪ್ರದೇಶ: 5
ಮಹಾರಾಷ್ಟ್ರ: 6
ತೆಲಂಗಾಣ: 3
ಉತ್ತರ ಪ್ರದೇಶ: 10
ಉತ್ತರಾಖಂಡ: 1
ಪಶ್ಚಿಮ ಬಂಗಾಳ: 5
ಒಡಿಶಾ: 3
ರಾಜಸ್ಥಾನ: 3
