ಜೋರ್ಹತ್: ಅಸ್ಸಾಂನ ಜೋರ್ಹತ್ ಪಟ್ಟಣದೊಳಗೆ ಅನುಮತಿಸಲಾದ ಮಾರ್ಗದಿಂದ ವಿಮುಖರಾದ ಆರೋಪದ ಮೇಲೆ ‘ಭಾರತ್ ಜೋಡೋ ನ್ಯಾಯ್ ಯಾತ್ರೆ’ ಮತ್ತು ಅದರ ಮುಖ್ಯ ಸಂಘಟಕ ಕೆ.ಬಿ.ಬೈಜು ವಿರುದ್ಧ ಗುರುವಾರ ಎಫ್ಐಆರ್ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಅಧಿಕಾರಿಯೊಬ್ಬರ ಪ್ರಕಾರ, ಮೆರವಣಿಗೆಯು ಅನುಮತಿಸಿದಂತೆ ಕೆಬಿ ರಸ್ತೆಯ ಕಡೆಗೆ ಹೋಗುವ ಬದಲು ಪಟ್ಟಣದಲ್ಲಿ ವಿಭಿನ್ನ ತಿರುವು ಪಡೆದುಕೊಂಡಿತು ಮತ್ತು ಇದು ಈ ಪ್ರದೇಶದಲ್ಲಿ ‘ಗೊಂದಲದ ಪರಿಸ್ಥಿತಿಗೆ’ ಕಾರಣವಾಯಿತು ಎನ್ನಲಾಗಿದೆ.
“ಜನರ ಹಠಾತ್ ನೂಕುನುಗ್ಗಲಿನಿಂದಾಗಿ ಕೆಲವರು ಬಿದ್ದು ಕಾಲ್ತುಳಿತದಂತಹ ಪರಿಸ್ಥಿತಿ ಸೃಷ್ಟಿಯಾಯಿತು. ಯಾತ್ರೆ ಮತ್ತು ಅದರ ಮುಖ್ಯ ಸಂಘಟಕರ ವಿರುದ್ಧ ಜೋರ್ಹತ್ ಸದರ್ ಪೊಲೀಸ್ ಠಾಣೆಯಲ್ಲಿ ಸ್ವಯಂಪ್ರೇರಿತ ಎಫ್ಐಆರ್ ದಾಖಲಿಸಲಾಗಿದೆ” ಎಂದು ಅವರು ಹೇಳಿದರು.
ಅಧಿಕಾರಿಯ ಪ್ರಕಾರ, ಯಾತ್ರೆಯು ಜಿಲ್ಲಾಡಳಿತದ ಮಾನದಂಡಗಳನ್ನು ಅನುಸರಿಸಲಿಲ್ಲ ಮತ್ತು ಇದು ರಸ್ತೆ ಸುರಕ್ಷತಾ ಮಾನದಂಡಗಳನ್ನು ಉಲ್ಲಂಘಿಸಿದೆ ಎಂದು ಎಫ್ಐಆರ್ನಲ್ಲಿ ಉಲ್ಲೇಖಿಸಲಾಗಿದೆ.
