ನವದೆಹಲಿ : ಹಮಾಸ್ ದಾಳಿಯ ನಂತರ ಪ್ಯಾಲೆಸ್ತೀನಿಯರನ್ನ ಕೆಲಸದಿಂದ ವಜಾಗೊಳಿಸಿದ ಇಸ್ರೇಲ್ ಅವರ ಕೆಲಸದ ಪರವಾನಗಿಯನ್ನ ರದ್ದುಗೊಳಿಸಿದೆ ಎಂದು ತಿಳಿದಿದೆ. ಇಸ್ರೇಲ್ ಇದೀಗ ಪ್ಯಾಲೆಸ್ತೀನ್ ಕಾರ್ಮಿಕರ ಬದಲಿಗೆ ಭಾರತೀಯರನ್ನ ನೇಮಿಸುವುದಾಗಿ ಘೋಷಿಸಿದೆ. ಇಸ್ರೇಲ್ ಮತ್ತು ಹಮಾಸ್ ನಡುವಿನ ಯುದ್ಧವು ಸರಿಯಾಗಿ ನೂರು ದಿನಗಳನ್ನ ಪೂರೈಸಿದಾಗ 15 ಸದಸ್ಯರ ಇಸ್ರೇಲ್ ತಂಡ ಸೋಮವಾರ ಭಾರತಕ್ಕೆ ಆಗಮಿಸಿತು. ಈ ತಂಡವು ಭಾರತೀಯ ಕಾರ್ಮಿಕರನ್ನ ವಿಶೇಷವಾಗಿ ಕಟ್ಟಡ ಕಾರ್ಮಿಕರನ್ನ ನೇಮಿಸಿಕೊಳ್ಳಲಿದೆ.
ಜನವರಿ 16ರಂದು ಹರಿಯಾಣದಲ್ಲಿ ನೇಮಕಾತಿ ಅಭಿಯಾನ ಆರಂಭಿಸಿರುವ ಇಸ್ರೇಲ್ ತಂಡವು 20ರವರೆಗೆ ಬಾರ್ ಬೆಂಡರ್, ಮೇಸನ್, ಟೈರ್, ಕಾರ್ಪೆಂಟರ್ ಇತ್ಯಾದಿ ಹುದ್ದೆಗಳಿಗೆ ಹತ್ತು ಸಾವಿರಕ್ಕೂ ಹೆಚ್ಚು ಅಭ್ಯರ್ಥಿಗಳನ್ನ ಆಯ್ಕೆ ಮಾಡಲಿದೆ. ಅವರಿಗೆ ಮಾಸಿಕ 1.37 ಲಕ್ಷ ರೂಪಾಯಿ ವೇತನ ಮತ್ತು ವೈದ್ಯಕೀಯ ವಿಮೆ ನೀಡಲಾಗುವುದು. ಅವರಿಗೆ ಊಟ, ವಸತಿ ಸಹ ಒದಗಿಸಲಾಗುವುದು. ಇದಲ್ಲದೇ ಮಾಸಿಕ 16,515 ರೂಪಾಯಿ ಬೋನಸ್ ಸಹ ನೀಡಲಾಗುವುದು.
ಕಾರ್ಮಿಕರ ನೇಮಕಾತಿಗೆ ಸಂಬಂಧಿಸಿದಂತೆ ಕಳೆದ ವರ್ಷ ನವೆಂಬರ್ 3ರಂದು ಭಾರತ ಮತ್ತು ಇಸ್ರೇಲ್ ಸರ್ಕಾರಗಳ ನಡುವೆ ಒಪ್ಪಂದಕ್ಕೆ ಸಹಿ ಹಾಕಲಾಗಿತ್ತು. ಇಸ್ರೇಲ್’ನಲ್ಲಿ ಉದ್ಯೋಗಕ್ಕೆ ಆಯ್ಕೆಯಾದವರಿಗೆ ಕನಿಷ್ಠ ಒಂದು ವರ್ಷದ ಅವಧಿಗೆ ವೀಸಾ ವರ್ಕ್ ಪರ್ಮಿಟ್ ನೀಡಲಾಗುತ್ತದೆ. ಇದನ್ನು ಗರಿಷ್ಠ 63 ತಿಂಗಳವರೆಗೆ ವಿಸ್ತರಿಸಬಹುದು. ಹಮಾಸ್’ನೊಂದಿಗಿನ ಸಂಘರ್ಷದ ವಾತಾವರಣದ ಸಂದರ್ಭದಲ್ಲಿ, ಅಂತಹ ಸಂಘರ್ಷಗಳು ಉದ್ಭವಿಸುವ ಪ್ರದೇಶಗಳಿಂದ ಭಾರತೀಯ ಕಾರ್ಮಿಕರನ್ನ ದೂರವಿಡಲಾಗುತ್ತದೆ.
ಒಪ್ಪಂದದ ಪ್ರಕಾರ, ಈ ಉದ್ಯೋಗಗಳು ಇಸ್ರೇಲಿ ಕಾನೂನುಗಳು, ನಿಯಮಗಳು ಮತ್ತು ನೀತಿಗಳಿಗೆ ಒಳಪಟ್ಟಿರುತ್ತವೆ. ವಿದೇಶಕ್ಕೆ ಕಾನೂನುಬದ್ಧವಾಗಿ ವಲಸೆ ಹೋಗುವ ಎಲ್ಲರಿಗೂ ಪ್ರವಾಸಿ ಭಾರತೀಯ ಬಿಮಾ ಯೋಜನೆ ಅನ್ವಯಿಸುತ್ತದೆ. ಒಬ್ಬರು ಎಲ್ಲಿ ಕೆಲಸ ಮಾಡಿದರೂ ಈ ವಿಮೆ ಅನ್ವಯಿಸುತ್ತದೆ. ಆನ್‌ಲೈನ್‌ನಲ್ಲಿ ನವೀಕರಿಸಲು ಸಹ ಸಾಧ್ಯವಿದೆ.
ಮುಂದಿನ ಸುತ್ತಿನ ನೇಮಕಾತಿ ಅಭಿಯಾನವನ್ನ ಉತ್ತರ ಪ್ರದೇಶ ಸರ್ಕಾರದ ಆಶ್ರಯದಲ್ಲಿ ಜನವರಿ 23 ರಿಂದ 31 ರವರೆಗೆ ನಡೆಸಲಾಗುವುದು. ಉತ್ತರಾಖಂಡ ಸರ್ಕಾರವು ಇಸ್ರೇಲ್‌ಗೆ ಕಾರ್ಮಿಕರನ್ನು ಕಳುಹಿಸಲು ಯೋಜಿಸುತ್ತಿದೆ.
ಹಾರ್ದಿಕ್‌ ಗುಜರಾತ್‌ ತೊರೆದುದರಿಂದ ತಂಡಕ್ಕೆ ಯಾವ ಪರಿಣಾಮನೂ ಬೀರಲ್ಲ : ಮೊಹಮ್ಮದ್ ಶಮಿ
ಪಾಕ್ ಮೇಲೆ ಇರಾನ್ ವೈಮಾನಿಕ ದಾಳಿ, ಇದರ ಹಿಂದೆ ಭಾರತದ ಕೈವಾಡವಿದ್ಯಾ.? ಇಲ್ಲಿದೆ, ಸತ್ಯಾಂಶ
BREAKING : ಮಧ್ಯ ಥೈಲ್ಯಾಂಡ್’ನಲ್ಲಿ ಪಟಾಕಿ ಕಾರ್ಖಾನೆ ಸ್ಫೋಟ : 20 ಮಂದಿ ಸಜೀವ ದಹನ
