ನವದೆಹಲಿ: ಆರ್ಥಿಕ ಸ್ವಾರ್ಥದಿಂದ ಉದ್ಭವಿಸುವ ಸವಾಲುಗಳ ಹೊರತಾಗಿಯೂ ಈ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಭಾರತದ ಜಿಡಿಪಿ ಶೇಕಡಾ 7.8 ರಷ್ಟು ಏರಿಕೆಯಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಮಂಗಳವಾರ ಹೇಳಿದ್ದಾರೆ.
ಚೀನಾ ಮತ್ತು ಜಪಾನ್ ಪ್ರವಾಸವನ್ನು ಕೊನೆಗೊಳಿಸಿದ ಒಂದು ದಿನದ ನಂತರ ದೆಹಲಿಯಲ್ಲಿ ನಡೆದ ಸೆಮಿಕಾನ್ ಇಂಡಿಯಾ ಸಮ್ಮೇಳನದಲ್ಲಿ ಮಾತನಾಡಿದ ಪ್ರಧಾನಿ ಮೋದಿ, ಭಾರತೀಯ ಆರ್ಥಿಕತೆಯು “ಎಲ್ಲಾ ನಿರೀಕ್ಷೆ ಮತ್ತು ಅಂದಾಜನ್ನು ಮೀರಿ ಕಾರ್ಯನಿರ್ವಹಿಸಿದೆ” ಎಂದು ಹೇಳಿದರು.
“ವಿಶ್ವದಾದ್ಯಂತ ಆರ್ಥಿಕ ಕಾಳಜಿಗಳು ಮತ್ತು ಆರ್ಥಿಕ ಸ್ವಾರ್ಥದಿಂದ ಉದ್ಭವಿಸುವ ಸವಾಲುಗಳು ಇರುವ ಸಮಯದಲ್ಲಿ ಭಾರತವು ಶೇಕಡಾ 7.8 ರಷ್ಟು ಬೆಳವಣಿಗೆಯನ್ನು ಸಾಧಿಸಿದೆ” ಎಂದು ಅವರು ಹಿಂದಿಯಲ್ಲಿ ಹೇಳಿದರು
