ಉಡುಪಿ : ಕಾಂತಾರದ ಬಳಿಕ ಕಾಂತಾರ-1 ಚಿತ್ರ ಶೂಟಿಂಗ್ ನಡೆಯುತ್ತಿದೆ. ಈ ಶೂಟಿಂಗ್ ಗೆ ತೆರಳುತ್ತಿದ್ದಂತ ಮಿನಿ ಬಸ್ ವೊಂದು ಪಲ್ಟಿಯಾದ ಪರಿಣಾಮ ಅದರಲ್ಲಿದ್ದಂತ 6 ಕಲಾವಿದರು ಗಂಭೀರವಾಗಿ ಗಾಯಗೊಂಡು, ಉಳಿದವರು ಸಣ್ಣಪುಟ್ಟ ಗಾಯವಾಗಿರುವಂತ ಘಟನೆ ನಡೆದಿದೆ.
ಉಡುಪಿ ಜಿಲ್ಲೆಯ ಬೈಂದೂರು ತಾಲ್ಲೂಕಿನ ಕೊಲ್ಲೂರು ಮಾರ್ಗದಲ್ಲಿ ಕಾಂತಾರ-1 ಚಿತ್ರದ ಶೂಟಿಂಗ್ ಗಾಗಿ ಡ್ಯಾನ್ಸರ್ ತಂಡವು ಮಿನಿ ಬಸ್ಸಿನಲ್ಲಿ ತೆರಳುತ್ತಿತ್ತು. ಈ ವೇಳೆ ಚಾಲಕನ ನಿಯಂತ್ರಣ ತಪ್ಪಿ ಕುಂದಾಪುರದ ಮುದೂರಿನಿಂದ ತೆರಳುತ್ತಿದ್ದ ವೇಳೆ ಪಲ್ಟಿಯಾದ ಪರಿಣಾಮ 6 ಕಲಾವಿದರು ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಗಾಯಾಳು ಕಲಾವಿದರನ್ನು ಸಮೀಪದ ಆಸ್ಪತ್ರೆಯೊಂದಕ್ಕೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಈ ಬಗ್ಗೆ ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.
ಅಂದಹಾಗೆ ಕೆಲ ದಿನಗಳ ಹಿಂದಷ್ಟೇ ಕಾಂತಾರ ಚಿತ್ರ ತಂಡದಿಂದ ಕಾಂತಾರ-1 ಸಿನಿಮಾ ಬಿಡುಗಡೆಗೆ ಡೇಟ್ ಅನೌನ್ಸ್ ಮಾಡಲಾಗಿತ್ತು.
