ಕೆಎನ್ಎನ್ ಡಿಜಿಟಲ್ ಡೆಸ್ಕ್ : ಮದುವೆಯು ಪ್ರತಿಯೊಬ್ಬರ ಜೀವನದ ಪ್ರಮುಖ ಭಾಗವಾಗಿದೆ. ಅದರಲ್ಲೂ ಹುಡುಗಿಯರು ತಮ್ಮ ಮದುವೆಯ ಬಗ್ಗೆ ಬಹಳಷ್ಟು ಕನಸು ಕಾಣುತ್ತಾರೆ. ಹಾಗಾಗಿನೇ ತಮ್ಮ ಮದುವೆಯ ದಿನದಂದು ಸ್ಲಿಮ್, ಸುಂದರ ಮತ್ತು ಆಕರ್ಷಕವಾಗಿ ಕಾಣಲು ಬಯಸುತ್ತಾರೆ. ಆದರೆ ಮದುವೆಯ ನಂತರ ಹುಡುಗಿಯರ ತೂಕ ಇದ್ದಕ್ಕಿದ್ದಂತೆ ಹೆಚ್ಚಾಗುತ್ತದೆ. ಮದುವೆಯಾದ ಒಂದು ತಿಂಗಳಲ್ಲೇ ಅನೇಕ ಹುಡುಗಿಯರು ಸ್ಥೂಲಕಾಯರಾಗುತ್ತಾರೆ . ಇಂತಹ ಘಟನೆಗಳನ್ನ ನಾವೂ ನೋಡುತ್ತಲೇ ಇರುತ್ತೇವೆ. ಆದ್ರೆ, ಇಷ್ಟು ಬೇಗ ತೂಕ ಹೆಚ್ಚಾಗಲು ಕಾರಣಗಳೇನು..? ಈ ಬಗ್ಗೆ ಎಂದಾದರೂ ಯೋಚಿಸಿದ್ದೀರಾ..? ಮದುವೆಯಾದ ಹುಡುಗಿಯರು ತೂಕ ಹೆಚ್ಚಾಗಲು ಕಾರಣಗಳನ್ನ ಈಗ ತಿಳಿಯೋಣ.
* ಮದುವೆಗೂ ಮುನ್ನ ಹೆಣ್ಣುಮಕ್ಕಳು ಡಯಟ್ ಮತ್ತು ವ್ಯಾಯಾಮದ ಮೂಲಕ ತಮ್ಮ ತೂಕವನ್ನ ನಿಯಂತ್ರಣದಲ್ಲಿಟ್ಟುಕೊಳ್ಳುತ್ತಾರೆ. ಯಾಕಂದ್ರೆ, ಅವರು ತಮ್ಮ ಭಾವಿ ಪತಿಗೆ ಇಷ್ಟವಾಗಬೇಕೆಂದು ಹಂಬಲಿಸುತ್ತಾರೆ. ಆದ್ರೆ, ಮದುವೆಯಾದ ಕೂಡಲೇ ಅವರು ತಮ್ಮ ಆಹಾರ ಪದ್ಧತಿಯನ್ನು ತ್ಯಜಿಸಿ ವಿಶ್ರಾಂತಿ ಪಡೆಯುತ್ತಾರೆ. ಇಷ್ಟು ದಿನ ಮಾಡಿದ ಡಯೆಟ್ ಒಮ್ಮೆಲೆ ಬಿಟ್ಟಾಗ ಆ ಪರಿಣಾಮ ದೇಹದ ಮೇಲೆ ಆಗುತ್ತದೆ. ಇದು ತೂಕವನ್ನ ಹೆಚ್ಚಿಸುತ್ತದೆ.
* ಮದುವೆಯ ನಂತರ ಹುಡುಗಿಯರು ಹೆಚ್ಚಾಗಿ ಮನೆಕೆಲಸಗಳಲ್ಲಿ ನಿರತರಾಗಿರುತ್ತಾರೆ. ಜೊತೆಗೆ ಸಂಬಂಧಿಕರ ಮನೆಗೆ ಹೋಗಿ ಪೂಜೆ ಮತ್ತಿತರ ಕಾರ್ಯಗಳಲ್ಲಿ ಪಾಲ್ಗೊಳ್ಳುವುದು. ಈ ಕಾರಣದಿಂದಾಗಿ, ಅವರು ದೈಹಿಕ ಚಟುವಟಿಕೆಗಳಿಗೆ ಗಮನ ಕೊಡಲು ಸಾಧ್ಯವಿಲ್ಲ. ಈ ಕಾರಣದಿಂದಾಗಿ, ಹೊಟ್ಟೆ ಮತ್ತು ಸೊಂಟದ ಬಳಿ ಕೊಬ್ಬು ಸಂಗ್ರಹವಾಗುತ್ತದೆ.
* ಮದುವೆಯ ದಿನದಿಂದ ಹಲವು ದಿನಗಳವರೆಗೆ ಆಚರಣೆಗಳ ಹೆಸರಿನಲ್ಲಿ ಅನೇಕ ಪಾರ್ಟಿಗಳು ನಡೆಯುತ್ತವೆ. ಈ ವೇಳೆ ಸಂಬಂಧಿಕರ ಮನೆಗೆ ಭೇಟಿಯೂ ಇರುತ್ತದೆ. ಅಂತಹ ಸಂದರ್ಭಗಳಲ್ಲಿ ಹುಡುಗಿಯರು ಅನಾರೋಗ್ಯಕರ ಆಹಾರ ಮತ್ತು ಕೊಬ್ಬಿನ ಮಾಂಸವನ್ನ ತಿನ್ನುತ್ತಾರೆ. ಇದರಿಂದ ತೂಕ ಒಮ್ಮೆಗೇ ಹೆಚ್ಚುತ್ತದೆ.
* ಮದುವೆಯ ನಂತರ ಹುಡುಗಿಯರು ಉದ್ಯೋಗಕ್ಕೆ ಬಂದರೆ, ಹೆಚ್ಚುವರಿ ಜವಾಬ್ದಾರಿಗಳಿಂದಾಗಿ ಉದ್ವಿಗ್ನತೆ ಹೆಚ್ಚಾಗುತ್ತದೆ. ಇದು ತೂಕ ಹೆಚ್ಚಾಗಲು ಕಾರಣವಾಗಬಹುದು ಎಂದು ಅನೇಕ ಅಧ್ಯಯನಗಳು ತೋರಿಸಿವೆ.
* ಮದುವೆಯ ನಂತರ, ಕುಟುಂಬವನ್ನ ನೋಡಿಕೊಳ್ಳಲು ಮಹಿಳೆಯರು ತುಂಬಾ ಕಾರ್ಯನಿರತರಾಗುತ್ತಾರೆ. ಇದರಿಂದ ಸರಿಯಾಗಿ ನಿದ್ದೆ ಮಾಡಲು ಆಗುವುದಿಲ್ಲ. ನಿದ್ರೆಯ ಕೊರತೆಯು ತ್ವರಿತ ತೂಕ ಹೆಚ್ಚಳಕ್ಕೆ ಕಾರಣವಾಗುತ್ತದೆ. ಇದಲ್ಲದೆ, ದೇಹದಲ್ಲಿ ಹಾರ್ಮೋನುಗಳ ಬದಲಾವಣೆಗಳು ಸಂಭವಿಸುತ್ತವೆ. ಇದು ತೂಕ ಹೆಚ್ಚಳಕ್ಕೂ ಕಾರಣವಾಗುತ್ತದೆ.
ಜಾತಕದಿಂದಲ್ಲ ‘ಹೆಲ್ತ್ ಕಾರ್ಡ್’ ಮೂಲಕ ಮದುವೆ ನಡೆಯಲಿದೆ ; ಕೇಂದ್ರ ಸಚಿವರ ಮಹತ್ವದ ಘೋಷಣೆ, ‘ಹೊಸ ಕಾರ್ಡ್’ ವಿತರಣೆ
BIGG NEWS : ‘ಹಡಪದ’ ಸಮುದಾಯಕ್ಕೆ ‘SC’ ಮೀಸಲಾತಿ ನೀಡುವಂತೆ ಸಿಎಂ ಬೊಮ್ಮಾಯಿಗೆ ಮನವಿ
‘ದುರ್ಭಿನ್ನು ಹಾಕಿ ಹುಡುಕಿದರೂ ಬಜೆಟ್ ನಲ್ಲಿ ಏನು ಸಿಗೋಲ್ಲ’ : ಟ್ವೀಟ್ ನಲ್ಲಿ ಕಾಂಗ್ರೆಸ್ ವ್ಯಂಗ್ಯ |Budget 2023
