‘Urvashi Bula Rahi Hai’: ಅಭಿಮಾನಿಯ ಮಾತಿಗೆ ಕೋಪಗೊಂಡ ರಿಷಭ್ ಪಂತ್ ಹೇಳಿದ್ದೇನು? ವೀಡಿಯೊ ನೋಡಿ

ಸಿಡ್ನಿ: ವಿಲಕ್ಷಣ ಘಟನೆಯಲ್ಲಿ, ಅಭಿಮಾನಿಯೊಬ್ಬ ವಿಕೆಟ್ ಕೀಪರ್-ಬ್ಯಾಟ್ಸ್ಮನ್ ರಿಷಭ್ ಪಂತ್ ಅವರನ್ನು ಕೆರಳಿಸಲು ಪ್ರಯತ್ನಿಸಿರುವ ಘಟನೆ ನಡೆದಿದ್ದು. ಕೋಪಗೊಂಡ ಪಂತ್ ಅದನ್ನು ತನ್ನ ಸ್ವಂತ ಭಾಷೆಯಲ್ಲಿ ಅಭಿಮಾನಿಗೆ ಹಿಂತಿರುಗಿಸಿದ್ದಾರೆ. ಬಳಕೆದಾರರೊಬ್ಬರು ಮೈಕ್ರೋಬ್ಲಾಗಿಂಗ್ ಟ್ವಿಟರ್ ಸೈಟ್ನಲ್ಲಿ ಹಂಚಿಕೊಂಡ ನಂತರ ಈ ಘಟನೆಯ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ.

ವೀಡಿಯೊದಲ್ಲಿ, ಪಂತ್ ಬೌಂಡರಿ ರೇಖೆಯ ಬಳಿ ನಡೆಯುವುದನ್ನು ಕಾಣಬಹುದು. ಏತನ್ಮಧ್ಯೆ, ಅಭಿಮಾನಿಯೊಬ್ಬರು ನಟಿ ಊರ್ವಶಿ ರೌಟೇಲಾ ಅವರ ಹೆಸರನ್ನು ತೆಗೆದುಕೊಳ್ಳುವ ಮೂಲಕ ಅವರನ್ನು ಪ್ರಚೋದಿಸಿದ್ದಾರೆ. ಈ ವೇಳೆಯಲ್ಲಿ, ಭಿಮಾನಿಯು “ಭಾಯ್, ಊರ್ವಶಿ ಬುಲಾ ರಹಿ ಹೈ” ಎಂದು ಕೂಗುತ್ತಾನೆ, ಅವನ ಸ್ನೇಹಿತರು ಕೂಡ ಇದೇ ವೇಳೆ ನಗುವುದನ್ನು ಕಾಣಬಹುದಾಗಿದೆ. ಇನ್ನೂ ಇದೇ ವೇಳೆ ಪಂತ್‌ “ಜಾಕೆ ಲೇಲೆ ಫಿರ್” ಎಂದು ಕೂಗಿ ಹೇಳುವುದನ್ನು ಕೂಗಿ ನೋಡಬಹುದಾಗಿದೆ.