ನವದೆಹಲಿ: ಈಶಾನ್ಯವನ್ನು ಕಾಂಗ್ರೆಸ್ ನಿರ್ಲಕ್ಷಿಸಿದೆ ಮತ್ತು ಪ್ರತ್ಯೇಕಿಸುತ್ತಿದೆ ಎಂದು ಆರೋಪಿಸಿದ ಬಿಜೆಪಿ ಅಧ್ಯಕ್ಷ ಜೆ.ಪಿ.ನಡ್ಡಾ, ಪ್ರಧಾನಿ ನರೇಂದ್ರ ಮೋದಿಯವರ ನಾಯಕತ್ವದಲ್ಲಿ ಈ ಪ್ರದೇಶವನ್ನು ದೇಶದ ಇತರ ಭಾಗಗಳೊಂದಿಗೆ ಏಕೀಕರಿಸಲಾಗಿದೆ ಎಂದು ಹೇಳಿದರು.
ಅಸ್ಸಾಂನಲ್ಲಿ ಎನ್ಡಿಎ ಅಭ್ಯರ್ಥಿಗಳ ಪರ ಮೂರು ರ್ಯಾಲಿಗಳನ್ನುದ್ದೇಶಿಸಿ ಮಾತನಾಡಿದ ನಡ್ಡಾ, ಕಾಂಗ್ರೆಸ್ನ ತುಷ್ಟೀಕರಣದ ರಾಜಕೀಯವನ್ನು ಮೋದಿ ಕಾರ್ಯಕ್ಷಮತೆ ಮತ್ತು ಉತ್ತರದಾಯಿತ್ವದ ರಾಜಕೀಯದಿಂದ ಬದಲಾಯಿಸಿದ್ದಾರೆ ಎಂದು ಸಮರ್ಥಿಸಿಕೊಂಡರು.
ಸಕ್ರಿಯ ಮತ್ತು ಸ್ಪಂದನಶೀಲ ಆಡಳಿತದಲ್ಲಿ ನಂಬಿಕೆ ಹೊಂದಿರುವ ಮೋದಿಯವರ ಅಡಿಯಲ್ಲಿ ದೇಶದಲ್ಲಿ ರಾಜಕೀಯದ ಪಾತ್ರ, ವ್ಯಾಖ್ಯಾನ ಮತ್ತು ಕಾರ್ಯವೈಖರಿಯೂ ಬದಲಾಗಿದೆ ಎಂದು ಅವರು ಹೇಳಿದ್ದಾರೆ.
