ಇದೇ ಮೊದಲ ಬಾರಿಗೆ ಈ ‘ಐಸಿಸಿ ಪ್ರಶಸ್ತಿ’ ಪಡೆದ ವಿರಾಟ್, ಕಳೆದ ತಿಂಗಳು ‘ಕಿಂಗ್ ಕೊಹ್ಲಿ’ಗೆ ನಿಜಕ್ಕೂ ವಿಶೇಷ

ಕೆಎನ್‍ಎ‍ನ್‍ಡಿಜಿಟಲ್ ಡೆಸ್ಕ್ : ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ವಿರಾಟ್ ಕೊಹ್ಲಿಯ ಪ್ರಾಬಲ್ಯವನ್ನ ನೋಡುತ್ತಿದ್ದ ಸಮಯವಿತ್ತು. ಆದ್ರೆ, ಕಳೆದ ಕೆಲವು ವರ್ಷಗಳಿಂದ ಕಿಂಗ್ ಕೊಹ್ಲಿಯ ಬ್ಯಾಟ್‌ಗೆ ರನ್‌ಗಳು ಸಿಗುತ್ತಿರಲಿಲ್ಲ. ಆದ್ರೆ, ಅಕ್ಟೋಬರ್ 2022ರಿಂದ ವಿರಾಟ್ ಕೊಹ್ಲಿ ಅದೃಷ್ಟ ಬದಲಾಗಲು ಪ್ರಾರಂಭಿಸಿದ್ದು, ಇದೇ ಕಾರಣಕ್ಕೆ ವಿರಾಟ್ ಕೊಹ್ಲಿ ಬಹಳ ದಿನಗಳ ನಂತ್ರ ಐಸಿಸಿಯಿಂದ ಪ್ರಶಸ್ತಿ ಸ್ವೀಕರಿಸಿದ್ದಾರೆ. ವಿರಾಟ್ ಅವರನ್ನ ಅಕ್ಟೋಬರ್ 2022ರ ICC ತಿಂಗಳ ಆಟಗಾರ ಎಂದು ಹೆಸರಿಸಲಾಗಿದೆ.

ಸೋಮವಾರ, 7 ನವೆಂಬರ್, ಅಂತರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ICC) ಪುರುಷರ ಮತ್ತು ಮಹಿಳೆಯರ ತಿಂಗಳ ಆಟಗಾರರನ್ನ ಘೋಷಿಸಿತು. ಪುರುಷರ ವಿಭಾಗದಲ್ಲಿ ವಿರಾಟ್ ಕೊಹ್ಲಿ ಮತ್ತು ಮಹಿಳಾ ವಿಭಾಗದಲ್ಲಿ ಪಾಕಿಸ್ತಾನದ ನಿದಾ ದಾರ್ ತಿಂಗಳ ಅತ್ಯುತ್ತಮ ಕ್ರಿಕೆಟಿಗ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಅಕ್ಟೋಬರ್ ತಿಂಗಳಿನಲ್ಲಿ ವಿರಾಟ್ ಕೊಹ್ಲಿ ಅವರ ಬ್ಯಾಟ್ ಸಾಕಷ್ಟು ರನ್ ಗಳಿಸಿತ್ತು.ಕಳೆದ ತಿಂಗಳು ವಿರಾಟ್ ನಾಲ್ಕು ಪಂದ್ಯಗಳಲ್ಲಿ 2 ಅರ್ಧಶತಕ ಬಾರಿಸಿದ್ದು, ಇದರಲ್ಲಿ ಪಾಕಿಸ್ತಾನ ವಿರುದ್ಧ ಆಡಿದ ಇನ್ನಿಂಗ್ಸ್ ವಿಶೇಷವಾಗಿತ್ತು.

ಅಂದ್ಹಾಗೆ, ವಿರಾಟ್ ಕೊಹ್ಲಿ ಇದುವರೆಗೆ ಐಸಿಸಿ ದಶಕದ ಕ್ರಿಕೆಟಿಗ, ದಶಕದ ಐಸಿಸಿ ಏಕದಿನ ಕ್ರಿಕೆಟಿಗ, ಐಸಿಸಿ ವರ್ಷದ ಕ್ರಿಕೆಟಿಗ, ಐಸಿಸಿ ವರ್ಷದ ಏಕದಿನ ಆಟಗಾರ, ಐಸಿಸಿ ವರ್ಷದ ಟೆಸ್ಟ್ ಆಟಗಾರ ಪ್ರಶಸ್ತಿಯನ್ನ ಗೆದ್ದಿದ್ದಾರೆ. ಇವುಗಳಲ್ಲಿ ಹಲವು ಪ್ರಶಸ್ತಿಗಳು ವಿರಾಟ್ ಕೊಹ್ಲಿ ತಮ್ಮ ಹೆಸರನ್ನ ಒಂದಕ್ಕಿಂತ ಹೆಚ್ಚು ಬಾರಿ ಗೆದ್ದಿದ್ದಾರೆ.