ಕೆಎನ್ಎನ್ಡಿಜಿಟಲ್ ಡೆಸ್ಕ್ : ವಿಶ್ವಸಂಸ್ಥೆಯು ಇದುವರೆಗೆ ಪಾಕಿಸ್ತಾನಕ್ಕೆ ಸಂಬಂಧಿಸಿದ ಸುಮಾರು 150 ಭಯೋತ್ಪಾದಕ ಸಂಘಟನೆಗಳು ಮತ್ತು ವ್ಯಕ್ತಿಗಳ ಹೆಸರನ್ನ ಕಪ್ಪುಪಟ್ಟಿಗೆ ಸೇರಿಸಿದೆ. ಭದ್ರತಾ ಮಂಡಳಿಯ ಅಲ್ ಖೈದಾ ನಿರ್ಬಂಧಗಳ ಸಮಿತಿಯು ಭಯೋತ್ಪಾದಕ ಎಂದು ಘೋಷಿಸಿದ ಲಷ್ಕರ್-ಎ-ತೊಯ್ಬಾದ ಉಪ ಮುಖ್ಯಸ್ಥ ಅಬ್ದುಲ್ ರೆಹಮಾನ್ ಮಕ್ಕಿ ಸಧ್ಯ ಆ ಪಟ್ಟಿಗೆ ಸೇರಿದ ಹೊಸ ಹೆಸರು. ಮತ್ತೊಂದೆಡೆ, ಮಕ್ಕಿ ಗುರುವಾರ ಲಾಹೋರ್ನ ಕೋಟ್ ಲಖ್ಪತ್ ಜೈಲಿನಿಂದ ವೀಡಿಯೊವನ್ನ ಬಿಡುಗಡೆ ಮಾಡಿದ್ದು, ಈ ವಿಡಿಯೋದಲ್ಲಿ ತನಗೆ ಅಲ್ ಖೈದಾ ಅಥವಾ ಇಸ್ಲಾಮಿಕ್ ಸ್ಟೇಟ್ ಜೊತೆ ಯಾವುದೇ ಸಂಬಂಧವಿಲ್ಲ ಎಂದು ಹೇಳಿದ್ದಾನೆ.
ಈ ವಿಡಿಯೋದಲ್ಲಿ ಮುಂಬೈ ಭಯೋತ್ಪಾದನಾ ದಾಳಿಯ ಮಾಸ್ಟರ್ ಮೈಂಡ್ ಹಫೀಜ್ ಸಯೀದ್’ನ ಸೋದರ ಮಾವ ಮಕ್ಕಿ 26/11 ದಾಳಿಯ ಬಗ್ಗೆ ಪ್ರಸ್ತಾಪಿಸಿಲ್ಲ. ಈ ದಾಳಿಯಲ್ಲಿ 166 ಮಂದಿ ಸಾವನ್ನಪ್ಪಿದ್ದರು.
ಭಾರತ ಮತ್ತು ಅಮೆರಿಕದ ಜಂಟಿ ಪ್ರಸ್ತಾವನೆ.!
ಜಮಾತ್-ಉದ್-ದವಾ/ಲಷ್ಕರ್-ಎ-ತೈಬಾದ ರಾಜಕೀಯ ವ್ಯವಹಾರಗಳ ಮುಖ್ಯಸ್ಥ ಮತ್ತು ಲಷ್ಕರ್ ಮುಖ್ಯಸ್ಥ ಹಫೀಜ್ ಮುಹಮ್ಮದ್ ಸಯೀದ್ನ ಸಂಬಂಧಿ ಮಕ್ಕಿಯನ್ನ ಜಾಗತಿಕ ಭಯೋತ್ಪಾದಕರ ಪಟ್ಟಿಯಲ್ಲಿ ಸೇರಿಸುವ ಪ್ರಯತ್ನವನ್ನ ಪಾಕಿಸ್ತಾನದ ನಿಕಟ ಮಿತ್ರನಾದ ಚೀನಾ ಅನುಮೋದಿಸಿದೆ.
ಭದ್ರತಾ ಮಂಡಳಿಯ ಅಲ್ ಖೈದಾ ನಿರ್ಬಂಧಗಳ ಸಮಿತಿ.!
1267 ನಿರ್ಬಂಧಗಳ ಸಮಿತಿಯ ಅಡಿಯಲ್ಲಿ ವ್ಯಕ್ತಿ ಅಥವಾ ಸಂಸ್ಥೆಯನ್ನ ಪಟ್ಟಿ ಮಾಡುವ ನಿರ್ಧಾರವನ್ನ ಸರ್ವಾನುಮತದಿಂದ ತೆಗೆದುಕೊಳ್ಳಲಾಗಿದೆ. 15 ಸದಸ್ಯರ ಭದ್ರತಾ ಮಂಡಳಿಯು ಅಲ್ ಖೈದಾ ನಿರ್ಬಂಧಗಳ ಸಮಿತಿಯನ್ನ ರಚಿಸಿದೆ, ಇದರಲ್ಲಿ ಚೀನಾವು ಖಾಯಂ ಸದಸ್ಯರಾಗಿ ವೀಟೋ ಹಕ್ಕನ್ನ ಹೊಂದಿರುವ ಏಕೈಕ ದೇಶವಾಗಿದೆ, ಇದು ಮಕ್ಕಿಯನ್ನು ಪಟ್ಟಿ ಮಾಡುವ ಪ್ರಕ್ರಿಯೆಯನ್ನು ನಿರ್ಬಂಧಿಸಿದೆ.
ತಪ್ಪು ಮಾಹಿತಿ ಆಧಾರದಲ್ಲಿ ಕ್ರಮ: ಮಕ್ಕಿ
ಸ್ಪಷ್ಟನೆ ನೀಡಿದ ಮಕ್ಕಿ, ಭಾರತ ಸರ್ಕಾರದ ತಪ್ಪು ಮಾಹಿತಿಯ ಆಧಾರದ ಮೇಲೆ ಆತನನ್ನ ಭಯೋತ್ಪಾದಕರ ಪಟ್ಟಿಗೆ ಸೇರಿಸಲಾಗಿದೆ. ಅವರು ಒಸಾಮಾ ಬಿನ್ ಲಾಡೆನ್, ಅಯ್ಮಾನ್ ಅಲ್-ಜವಾಹಿರಿ ಅಥವಾ ಅಬ್ದುಲ್ಲಾ ಅಜಮ್ ಭೇಟಿಯಾಗಲಿಲ್ಲ ಎಂದಿದ್ದಾನೆ. ಆತ 2019ರಿಂದ ಜೈಲಿನಲ್ಲಿದ್ದು, ಅಲ್ಲಿ ಅವರು ಸಯೀದ್ ಮತ್ತು ಇತರ ಕೆಲವು ಎಲ್ಇಟಿ ಮತ್ತು ಜೆಯುಡಿ ನಾಯಕರೊಂದಿಗೆ ಭಯೋತ್ಪಾದನೆ ಹಣಕಾಸು ಪ್ರಕರಣಗಳಲ್ಲಿ ಶಿಕ್ಷೆಯನ್ನು ಅನುಭವಿಸುತ್ತಿದ್ದಾನೆ.
BIGG NEWS : ‘ಬ್ಲಡ್‌ ಟೆಸ್ಟ್‌ ರಿಪೋರ್ಟ್‌ ಇಲ್ಲದಕ್ಕೆ ನರಳಾಡಿದ ಗರ್ಭಿಣಿ : ಆಸ್ಪತ್ರೆ ಬಾಗಿಲ ಹೊರಗೆ ಹೆರಿಗೆ!
Health Tips : ನೀವು ಚಳಿಗಾಲದಲ್ಲಿ ಕಡಿಮೆ ನೀರು ಕುಡಿಯುತ್ತೀರಾ? ಎಷ್ಟು ಅಪಾಯಕಾರಿ ಗೊತ್ತಾ..! ಇಲ್ಲಿದೆ ಓದಿ
