ಹೈದರಾಬಾದ್: ತೆಲಂಗಾಣದ ಹಕೀಂಪೇಟೆ ವಾಯುಪಡೆ ನಿಲ್ದಾಣದಲ್ಲಿ ವಿಮಾನವನ್ನು ರಿಪೇರಿ ಮಾಡುವಾಗ ಸಂಭವಿಸಿದ ಅಪಘಾತದಲ್ಲಿ ಭಾರತೀಯ ವಾಯುಪಡೆ ಅಧಿಕಾರಿ ಶನಿವಾರ ಸಾವನ್ನಪ್ಪಿದ್ದಾರೆ. ಕಾರ್ಪೋರಲ್ ಶ್ರೇಣಿಯ ಅಧಿಕಾರಿ ಹರ್ವೀರ್ ಚೌಧರಿ ಅವರು U-736 ಕಿರಣ್ ಏರ್‌ಕ್ರಾಫ್ಟ್ ಅನ್ನು ರಿಪೇರಿ ಮಾಡುತ್ತಿದ್ದಾಗ ಸೀಟು ಹಠಾತ್ತನೆ ಎಜೆಕ್ಟ್ ಆಗಿ ತಲೆಗೆ ಗಾಯವಾಯಿತು. ಶನಿವಾರ ಮಧ್ಯಾಹ್ನ 2:10ರ ಸುಮಾರಿಗೆ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರಿದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.