‘ವಿಶ್ವದ ಅತ್ಯುತ್ತಮ ಕೇಂದ್ರ ಬ್ಯಾಂಕರ್’ ಪಟ್ಟಿಯಲ್ಲಿ RBI ಗವರ್ನರ್ ‘ಶಕ್ತಿಕಾಂತ್ ದಾಸ್’ಗೆ ಅಗ್ರಸ್ಥಾನ : ‘A+ ಗ್ರೇಡ್’ ನೀಡಿದ ‘ಗ್ಲೋಬಲ್ ಫೈನಾನ್ಸ್’

ನವದೆಹಲಿ : ಅಮೆರಿಕದ ಹಣಕಾಸು ನಿಯತಕಾಲಿಕೆ ಗ್ಲೋಬಲ್ ಫೈನಾನ್ಸ್ ಭಾರತೀಯ ರಿಸರ್ವ್ ಬ್ಯಾಂಕ್ ಗವರ್ನರ್ ಶಕ್ತಿಕಾಂತ ದಾಸ್ ಅವರನ್ನ 2023ಕ್ಕೆ ಜಾಗತಿಕವಾಗಿ ಅತ್ಯುತ್ತಮ ಕೇಂದ್ರ ಬ್ಯಾಂಕರ್ ಎಂದು ಶ್ರೇಣೀಕರಿಸಿದೆ. ಅವರ ಅತ್ಯುತ್ತಮ ಅಭಿನಯಕ್ಕಾಗಿ ಅವರಿಗೆ ‘ಎ+’ ಗ್ರೇಡ್ ನೀಡಲಾಗಿದೆ.

ಗ್ಲೋಬಲ್ ಫೈನಾನ್ಸ್ ಕೇಂದ್ರ ಬ್ಯಾಂಕ್ ಗವರ್ನರ್‌ಗಳನ್ನ ದೇಶದ ಕರೆನ್ಸಿಯನ್ನ ಸ್ಥಿರವಾಗಿರಿಸುವುದು, ಹಣದುಬ್ಬರವನ್ನ ನಿಯಂತ್ರಿಸುವುದು, ಆರ್ಥಿಕ ಬೆಳವಣಿಗೆಯನ್ನ ಉತ್ತೇಜಿಸುವುದು ಮತ್ತು ಬಡ್ಡಿದರಗಳನ್ನ ಸಮರ್ಥವಾಗಿ ನಿರ್ವಹಿಸುವಂತಹ ಅಂಶಗಳ ಆಧಾರದ ಮೇಲೆ ಮೌಲ್ಯಮಾಪನ ಮಾಡಿದೆ.

ಶಕ್ತಿಕಾಂತ ದಾಸ್ ಈ ಉನ್ನತ ಸ್ಥಾನವನ್ನ ಹೇಗೆ ಪಡೆದರು.?

ಹಣದುಬ್ಬರ ನಿಯಂತ್ರಣ : ಕಳೆದ ಕೆಲವು ವರ್ಷಗಳಲ್ಲಿ ಹಣದುಬ್ಬರವನ್ನ ನಿಯಂತ್ರಣದಲ್ಲಿಡುವಲ್ಲಿ ದಾಸ್ ಯಶಸ್ವಿಯಾಗಿದ್ದಾರೆ, ಆ ಮೂಲಕ ಭಾರತದ ಆರ್ಥಿಕ ಸ್ಥಿರತೆಯನ್ನ ಖಾತ್ರಿಪಡಿಸಿದ್ದಾರೆ.

ಆರ್ಥಿಕ ಅಭಿವೃದ್ಧಿ ಗುರಿಗಳು : ದಾಸ್ ಅವರು ಆರ್ಥಿಕ ಬೆಳವಣಿಗೆಯನ್ನ ಉತ್ತೇಜಿಸಲು ಹಲವಾರು ನೀತಿ ಕ್ರಮಗಳನ್ನ ಕೈಗೊಂಡಿದ್ದಾರೆ, ಇದು ಭಾರತದ ಒಟ್ಟಾರೆ ಅಭಿವೃದ್ಧಿಯ ಮೇಲೆ ಸಕಾರಾತ್ಮಕ ಪರಿಣಾಮ ಬೀರಿದೆ.

ಕರೆನ್ಸಿ ಸ್ಥಿರತೆ : ವಿದೇಶಿ ವಿನಿಮಯ ಮೀಸಲುಗಳನ್ನು ನಿರ್ವಹಿಸುವ ಮೂಲಕ ಮತ್ತು ಬಂಡವಾಳ ನಿಯಂತ್ರಣಗಳನ್ನ ಬಳಸಿಕೊಂಡು ದಾಸ್ ಭಾರತೀಯ ರೂಪಾಯಿಯ ಸ್ಥಿರತೆಯನ್ನ ಕಾಪಾಡಿಕೊಂಡಿದ್ದಾರೆ.

ಬಡ್ಡಿದರ ನಿರ್ವಹಣೆ : ಹಣದುಬ್ಬರವನ್ನ ನಿಯಂತ್ರಿಸಲು ಮತ್ತು ಆರ್ಥಿಕ ಬೆಳವಣಿಗೆಯನ್ನ ಉತ್ತೇಜಿಸಲು ದಾಸ್ ಬಡ್ಡಿದರಗಳನ್ನ ನಿರ್ವಹಿಸಿದ್ದಾರೆ.

ದಾಸ್ ಅವರಲ್ಲದೆ, ಇತರ ಇಬ್ಬರು ಕೇಂದ್ರೀಯ ಬ್ಯಾಂಕರ್‌ಗಳು ಸಹ ‘ಎ +’ ಗ್ರೇಡ್ ಪಡೆದಿದ್ದಾರೆ – ಸ್ವಿಟ್ಜರ್ಲೆಂಡ್‌ನ ಥಾಮಸ್ ಜೆ. ಜೋರ್ಡಾನ್ ಮತ್ತು ವಿಯೆಟ್ನಾಂನ ನ್ಗುಯೆನ್ ಥಿ ಹಾಂಗ್ ಹೆಸರುಗಳನ್ನ ಸೇರಿಸಲಾಗಿದೆ.

ಟಾಪ್-10 ಸೆಂಟ್ರಲ್ ಬ್ಯಾಂಕ್ ಗವರ್ನರ್‌ಗಳ ಪಟ್ಟಿ.!
ಭಾರತ : ಶಕ್ತಿಕಾಂತ ದಾಸ್ (A+)
ಸ್ವಿಟ್ಜರ್ಲೆಂಡ್ : ಥಾಮಸ್ ಜೆ. ಜೋರ್ಡಾನ್ (A+)
ವಿಯೆಟ್ನಾಂ : ನ್ಗುಯೆನ್ ಥಿ ಹಾಂಗ್ (A+)
ಬ್ರೆಜಿಲ್ : ರಾಬರ್ಟೊ ಕ್ಯಾಂಪೋಸ್ ನೆಟೊ (ಎ)
ಇಸ್ರೇಲ್ : ಅಮೀರ್ ಯಾರೋನ್(ಎ)
ಮಾರಿಷಸ್ : ಹರ್ಷವ್ ಕುಮಾರ್ ಸೀಗೋಳಮ್ (ಎ)
ನ್ಯೂಜಿಲೆಂಡ್ : ಆಡ್ರಿಯನ್ ಓರ್(ಎ)
ಪರಾಗ್ವೆ : ಜೋಸ್ ಕ್ಯಾಂಟೆರೊ ಸಿಯೆರಾ (ಎ)
ಪೆರು : ಜೂಲಿಯೊ ವೆಲ್ಡೆ (ಎ)
ತೈವಾನ್ : ಚಿನ್-ಲಾಂಗ್ ಯಾಂಗ್ (ಎ)
ಉರುಗ್ವೆ : ಡಿಯಾಗೋ ಲ್ಯಾಬಟ್ (ಎ)