“ಭಗವಂತ ಶ್ರೀಕೃಷ್ಣನ ದಾಖಲೆ ಮುರಿಯಲು ಪ್ರಜ್ವಲ್ ರೇವಣ್ಣ ಬಯಸಿದ್ದ” : ಕಾಂಗ್ರೆಸ್ ಸಚಿವನಿಂದ ವಿವಾದಾತ್ಮಕ ಹೇಳಿಕೆ

ಬೆಂಗಳೂರು : ಮುಖ್ಯಮಂತ್ರಿ ಸಿದ್ದರಾಮಯ್ಯ ಸಂಪುಟದಲ್ಲಿ ಸಚಿವರಾಗಿರುವ ಕಾಂಗ್ರೆಸ್ ನಾಯಕರೊಬ್ಬರು ಪ್ರಜ್ವಲ್ ರೇವಣ್ಣ ಅವರನ್ನ ಶ್ರೀಕೃಷ್ಣನಿಗೆ ಹೋಲಿಸಿ ವಿವಾದ ಸೃಷ್ಟಿಸಿದ್ದಾರೆ.

ಹಾಸನ ಲೋಕಸಭಾ ಕ್ಷೇತ್ರದಿಂದ ಮರು ಆಯ್ಕೆ ಬಯಸಿರುವ ಪ್ರಜ್ವಲ್, ಕಳೆದ ಕೆಲವು ವರ್ಷಗಳಿಂದ ಅವರು ಹಲವಾರು ಮಹಿಳೆಯರ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದಾರೆ ಎಂದು ಆರೋಪಿಸಲಾಗಿದೆ. ಸಧ್ಯ ಪ್ರಜ್ವಲ್ ರೇವಣ್ಣ ದೇಶವನ್ನ ತೊರೆದು ಜರ್ಮನಿಯಲ್ಲಿದ್ದು, ಜಾಗತಿಕ ಲುಕ್ ಔಟ್ ನೋಟಿಸ್ ಹೊರಡಿಸಲಾಗಿದೆ.

ಪ್ರಜ್ವಲ್ ರೇವಣ್ಣ ಶ್ರೀಕೃಷ್ಣನಿಗೆ ಹೋಲಿಸಿದ ಕಾಂಗ್ರೆಸ್ ನಾಯಕ.!
ಅಬಕಾರಿ ಸಚಿವ ರಾಮಪ್ಪ ತಿಮ್ಮಾಪುರ, ಪ್ರಜ್ವಲ್ ರೇವಣ್ಣ ಅನೇಕ ಮಹಿಳೆಯರ ಮೇಲೆ ಹಲ್ಲೆ ನಡೆಸಿ ಗಿನ್ನಿಸ್ ದಾಖಲೆ ಮಾಡಬೇಕು ಎಂದು ಭಾವಿಸಿದ್ದರು ಎಂದಿದ್ದಾರೆ.

“ನಾವು ದೇಶದಲ್ಲಿ ಇಂತಹ ಕೊಳಕು ಆಲೋಚನೆಯನ್ನ ನೋಡಿಲ್ಲ, ಅವರು ಗಿನ್ನೆಸ್ ದಾಖಲೆ ಮಾಡಬಹುದು ಎಂದು ಭಾವಿಸಿದ್ದರು. ಮಹಿಳೆಯರು ಶ್ರೀ ಕೃಷ್ಣ ಪರಮಾತ್ಮನೊಂದಿಗೆ ಭಕ್ತಿಯಿಂದ ಇರುತ್ತಿದ್ದರು, ಆದರೆ ಈ ರೀತಿ ಅಲ್ಲ, ಬಹುಶಃ ಪ್ರಜ್ವಲ್ ರೇವಣ್ಣ ಈ ದಾಖಲೆಯನ್ನ ಮುರಿಯಲು ಬಯಸಿದ್ದರು” ಎಂದು ತಿಮ್ಮಾಪುರ ಹೇಳಿದರು.