ಹೈದರಾಬಾದ್‌: ತನ್ನ ತಂಗಿ ಮದುವೆಗೆ ಅಣ್ಣನೊಬ್ಬ ಬಿಗ್‌ ಸರ್ಪ್ರೈಸ್‌ ಕೊಟ್ಟಿದ್ದು, ಆಕೆ ಭಾವೋದ್ವೇಗಕ್ಕೆ ಒಳಗಾಗಿರುವ ವಿಡಿಯೋವೊಂದು ವೈರಲ್‌ ಆಗಿದೆ.
ಕಳೆದ ವರ್ಷ ನಿಧನರಾದ ತನ್ನ ತಂದೆಯ ಮೇಣದ ಪ್ರತಿಮೆಯನ್ನು ತನ್ನ ಮದುವೆಯ ದಿನದಂದು ನೋಡಿದ ನಂತರ ಹೈದರಾಬಾದ್‌ನಲ್ಲಿ ವಧು ಭಾವೋದ್ವೇಗಕ್ಕೆ ಒಳಗಾದಳು. ಈ ಪ್ರತಿಮೆಯು ವಧುವಿನ ಸಹೋದರ ಫಣಿ ಕುಮಾರ್ ಅವರಿಂದ ಆಶ್ಚರ್ಯಕರ ಉಡುಗೊರೆಯಾಗಿದೆ. ಅವರು ಮದುವೆಯಲ್ಲಿ ತಮ್ಮ ತಂದೆ ಅವುಲಾ ಸುಬ್ರಮಣಯ್ಯನವರು ಹಾಜರಾಗಬೇಕೆಂದು ಬಯಸಿದ್ದರು. ಹೀಗಾಗಿ ತಂಗಿಗಾಗಿ ಬಿಗ್‌ ಸರ್ಪ್ರೈಸ್‌ ಕೊಟ್ಟಿದ್ದಾನೆ.
ಕುಮಾರ್ ಎಂಬುವರು ಯೂಟ್ಯೂಬ್‌ನಲ್ಲಿ ಪೋಸ್ಟ್ ಮಾಡಿದ ವೀಡಿಯೊದಲ್ಲಿ ವಧು ಸಾಯಿ ವೈಷ್ಣವಿ ಮತ್ತು ಅವರ ತಾಯಿ ಜಯಶ್ರೀ ದಿವಂಗತ ಸುಬ್ರಮಣ್ಯಂ ಅವರ ಮೇಣದ ಪ್ರತಿಮೆಯನ್ನು ನೋಡಿದ ಕ್ಷಣವನ್ನು ತೋರಿಸುತ್ತದೆ.
ವೈಷ್ಣವಿ ತನ್ನ ತಂದೆಯ ಪ್ರತಿಮೆಯನ್ನು ತಬ್ಬಿಕೊಂಡು ಚುಂಬಿಸುತ್ತಿರುವುದು ಕಂಡುಬಂದಿದೆ. ಜೂನ್ 9 ರ ಮದುವೆಯ ಸ್ಥಳದಲ್ಲಿ ಹಾಜರಿದ್ದ ಇತರ ಸಂಬಂಧಿಕರು ಕೂಡ ಅದನ್ನು ತಬ್ಬಿಕೊಂಡು ಭಾವುಕರಾದರು ಎಂದು ವೀಡಿಯೊ ತೋರಿಸಿದೆ. ಮದುವೆಯಲ್ಲಿ ಪ್ರತಿಮೆ ಆಕರ್ಷಣೆಯ ಕೇಂದ್ರವಾಯಿತು. ಇದು ಸುಬ್ರಮಣ್ಯಂ ಅವರ ಪರಿಪೂರ್ಣ ಪ್ರತಿರೂಪವಾಗಿತ್ತು. ಇಡೀ ಕುಟುಂಬ ಫೋಟೋ ಕೂಡ ಕ್ಲಿಕ್ಕಿಸಿಕೊಂಡಿದೆ.
ಈ ಪ್ರತಿಮೆಯನ್ನು ಕರ್ನಾಟಕದಲ್ಲಿ ನಿರ್ಮಿಸಲಾಗಿದೆ. ಇದನ್ನು ಪೂರ್ಣಗೊಳಿಸಲು ಒಂದು ವರ್ಷಕ್ಕೂ ಹೆಚ್ಚು ಸಮಯ ತೆಗೆದುಕೊಂಡಿದೆ ಎಂದು ಕುಮಾರ್ ತಿಳಿಸಿದರು. ಸುಬ್ರಮಣ್ಯಂ ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (BSNL) ನಲ್ಲಿ ಕೆಲಸ ಮಾಡುತ್ತಿದ್ದರು. 2020 ರಲ್ಲಿ ನಿವೃತ್ತರಾಗಿದ್ದರು. ಸುಬ್ರಮಣ್ಯಂ ಅವರು ಕಳೆದ ವರ್ಷ ಕರೋನ ವೈರಸ್‌ಗೆ ತುತ್ತಾಗಿ ಸಾವಿಗೀಡಾಗಿದ್ದರು.
ಕುಮಾರ್‌ಗೆ ಒಂದು ಆಸೆ ಇತ್ತು. ತನ್ನ ತಂದೆಯನ್ನು ಸಹೋದರಿಯ ಮದುವೆಗೆ ಕರೆತರುವುದಾಗಿತ್ತು. ಅದರಂತೆಯೇ ಪ್ರತಿಮೆಯನ್ನು ವಿನ್ಯಾಸಗೊಳಿಸಿ ಮದುವೆಯ ದಿನದಂದು ಆಶ್ಚರ್ಯಕರ ಉಡುಗೊರೆಯಾಗಿ ತಂಗಿಗೆ ನೀಡಿದ್ದಾನೆ.
Breaking news: ಖ್ಯಾತ ಬಹುಭಾಷಾ ನಟಿ ʻಮೀನಾʼ ಪತಿ ವಿದ್ಯಾಸಾಗರ್ ವಿಧಿವಶ
Rain In Karnataka : ರಾಜ್ಯದಲ್ಲಿ ಜುಲೈ 1 ರವರೆಗೆ ಭಾರೀ ಮಳೆ : ಈ ಜಿಲ್ಲೆಗಳಲ್ಲಿ `ಯೆಲ್ಲೋ-ಆರೆಂಜ್ ಅಲರ್ಟ್’ ಘೋಷಣೆ
