ಮತ್ತೆ ಸಿಎಂ ಆಸೆ ವ್ಯಕ್ತ ಪಡಿಸಿದ ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್

ಬೆಂಗಳೂರು: ಈಗಾಗಲೇ ಹಲವು ಬಾರಿ ಪ್ರಾಸಂಗಿಕವಾಗಿ ತಾವೇ ಸಿಎಂ ಆಗಬಾರದೇ ಎಂಬುದಾಗಿ ತಮ್ಮ ಆಸೆಯನ್ನು ಕೆಪಿಸಿಸಿ ಅಧ್ಯಕ್ಷ ಹೊರ ಹಾಕಿದ್ದರು. ಇಂದು ಮತ್ತೆ ತಮ್ಮ ಸಿಎಂ ಆಸೆಯನ್ನು ವ್ಯಕ್ತ ಪಡಿಸಿದ್ದಾರೆ.

ನಗರದಲ್ಲಿ ಇಂದು ರಾಜ್ಯ ಒಕ್ಕಲಿಗರ ಸಂಘಟ ಸಭೆಯಲ್ಲಿ ಮಾತನಾಡಿದಂತ ಅವರು, ತಾವು ಸಿಎಂ ಆಗುವಂತ ಆಸೆ ವ್ಯಕ್ತ ಪಡಿಸಿದರು. ಅಲ್ಲದೇ ಪರೋಕ್ಷವಾಗಿ ಸಮುದಾಯದ ಆಶೀರ್ವಾದವನ್ನು ಅವರು ಕೇಳಿ ಗಮನ ಸೆಳೆದರು.

ಕರ್ನಾಟಕ ಕಾಂಗ್ರೆಸ್ ನಲ್ಲಿ ಡಿಕೆ ಶಿವಕುಮಾರ್ ವರ್ಸಸ್ ಸಿದ್ಧರಾಮಯ್ಯ ನಡುವೆ ಸಿಎಂ ಸೀಟಿಗಾಗಿ ಒಳಗೊಳಗೆ ಜಟಾಪಟಿ ನಡೆಯುತ್ತಿದೆ. ಸಿದ್ಧರಾಮಯ್ಯ ಮುಂಬರುವಂತ ವಿಧಾನಸಭಾ ಚುನಾವಣೆಯಲ್ಲಿ ಎಲ್ಲಿ ಸ್ಪರ್ಧಿಸಲಿದ್ದಾರೆ ಎಂಬುದು ಕನ್ಫರ್ಮ್ ಕೂಡ ಆಗಿಲ್ಲ. ಈ ನಡುವೆಯೂ ಸಿಎಂ ರೇಸ್ ಗಾಗಿ ಕೈ ನಾಯಕರಲ್ಲಿ ಪೈಟ್ ಶುರುವಾಗಿದೆ.