ನವದೆಹಲಿ: ಭಾರತದ ಅತಿದೊಡ್ಡ ಟೆಲಿಕಾಂ ಆಪರೇಟರ್ ರಿಲಯನ್ಸ್ ಜಿಯೋ ಮಾರ್ಚ್ನಲ್ಲಿ 30.5 ಲಕ್ಷ ಮೊಬೈಲ್ ಚಂದಾದಾರರನ್ನು ಸೇರಿಸಿದರೆ, ವೊಡಾಫೋನ್ ಐಡಿಯಾ 12.12 ಲಕ್ಷ ವೈರ್ಲೆಸ್ ಬಳಕೆದಾರರನ್ನು ಕಳೆದುಕೊಂಡಿದೆ ಅಂತ ತಿಳಿಸಿದೆ. ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್ ಇಂಡಿಯಾ (ಟ್ರಾಯ್) ಸೋಮವಾರ ಬಿಡುಗಡೆ ಮಾಡಿದ ಮಾರ್ಚ್ ತಿಂಗಳ ದತ್ತಾಂಶದಲ್ಲಿ ಈ ಮಾಹಿತಿಯನ್ನು ನೀಡಿದೆ.
430 ಮಿಲಿಯನ್ ದಾಟಿದ ಜಿಯೋ ಚಂದಾದಾರರ ಸಂಖ್ಯೆ : ಟ್ರಾಯ್ ಪ್ರಕಾರ, ಮಾರ್ಚ್ನಲ್ಲಿ 30.5 ಲಕ್ಷ ಹೊಸ ಗ್ರಾಹಕರ ಸೇರ್ಪಡೆಯೊಂದಿಗೆ, ಜಿಯೋ ಚಂದಾದಾರರ ಸಂಖ್ಯೆ 43 ಕೋಟಿಗೆ ಏರಿದೆ. ಭಾರ್ತಿ ಏರ್ಟೆಲ್ ಈ ತಿಂಗಳಲ್ಲಿ 10.37 ಲಕ್ಷ ಹೊಸ ಗ್ರಾಹಕರನ್ನು ಸೇರಿಸುವಲ್ಲಿ ಯಶಸ್ವಿಯಾಗಿದೆ. ಈ ರೀತಿಯಾಗಿ, ಏರ್ಟೆಲ್ನ ಒಟ್ಟು ಚಂದಾದಾರರ ಸಂಖ್ಯೆ 37.09 ಕೋಟಿಗೆ ಏರಿದೆ. ಮತ್ತೊಂದೆಡೆ, ವೊಡಾಫೋನ್ ಐಡಿಯಾದ 12.12 ಲಕ್ಷ ಮೊಬೈಲ್ ಚಂದಾದಾರರ ಸಂಖ್ಯೆ ಮಾರ್ಚ್ನಲ್ಲಿ ಕಡಿಮೆಯಾಗಿದೆ. ಇದರೊಂದಿಗೆ ಕಂಪನಿಯ ಗ್ರಾಹಕರ ಸಂಖ್ಯೆ 23.67 ಕೋಟಿಗೆ ಇಳಿದಿದೆ. ಫೆಬ್ರವರಿಗೆ ಹೋಲಿಸಿದರೆ ಮಾರ್ಚ್ನಲ್ಲಿ ಒಟ್ಟು ಬ್ರಾಡ್ಬ್ಯಾಂಡ್ ಚಂದಾದಾರರ ಸಂಖ್ಯೆ ಶೇಕಡಾ 0.86 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ. ಈ ಸಂಖ್ಯೆ ಮಾರ್ಚ್ನಲ್ಲಿ 84.65 ಕೋಟಿಗೆ ಏರಿದರೆ, ಫೆಬ್ರವರಿಯಲ್ಲಿ 83.93 ಕೋಟಿ ಬ್ರಾಡ್ಬ್ಯಾಂಡ್ ಚಂದಾದಾರರಿದ್ದರು.
