ಮತ್ತೆ ಬಂತಾ ‘ಝಾಂಬಿ ವೈರಸ್’.? ರಸ್ತೆಯಲ್ಲಿ ವಿಚಿತ್ರವಾಗಿ ವರ್ತಿಸೋ ವ್ಯಕ್ತಿಗಳ ಆಘಾತಕಾರಿ ವಿಡಿಯೋ ವೈರಲ್

ಕೆಎನ್‍ಎನ್‍ಡಿಜಿಟಲ್ ಡೆಸ್ಕ್ : ಕೆಲವು ದಿನಗಳ ಹಿಂದೆ ವಿಜ್ಞಾನಿಗಳು ಎರಡು ಡಜನ್‌ಗಿಂತಲೂ ಹೆಚ್ಚು ವೈರಸ್‌ಗಳನ್ನು ಕಂಡುಹಿಡಿದಿದ್ದಾರೆ ಎಂದು ಹೇಳಿದ್ದರು, ಅವುಗಳಲ್ಲಿ ಒಂದು ಸರೋವರದ ಅಡಿಯಲ್ಲಿ ಹುದುಗಿದ್ದ 48,500 ವರ್ಷಗಳಿಗಿಂತ ಹಳೆಯ ಝಾಂಬಿ ವೈರಸ್. ಅಂದ್ಹಾಗೆ,  ವಿಜ್ಞಾನಿಗಳು 13 ಹೊಸ ರೋಗಕಾರಕಗಳನ್ನ ಪುನರುಜ್ಜೀವನಗೊಳಿಸಿದರು ಮತ್ತು ನಿರೂಪಿಸಿದರು. ಅದ್ರಂತೆ, ಅದಕ್ಕೆ ಝಾಂಬಿ ವೈರಸ್ ಎಂದು ಹೆಸರಿಸಲಾಗಿದೆ.

ಸಂಶೋಧಕರ ಪ್ರಕಾರ, ಈ ವೈರಸ್ ಹೆಪ್ಪುಗಟ್ಟಿದ ಮಂಜುಗಡ್ಡೆಯಲ್ಲಿ ಸಾವಿರಾರು ವರ್ಷಗಳವರೆಗೆ ಜೀವಂತವಾಗಿವೆ. ಅದ್ರಂತೆ, ಅಮೆರಿಕದ ಫಿಲಡೆಲ್ಫಿಯಾ ಬೀದಿಗಳಲ್ಲಿ ಕೆಲವು ದೃಶ್ಯಗಳು ಕಂಡುಬಂದಿದ್ದು, ಇದು ಬೆಚ್ಚಿ ಬೀಳಿಸುವಂತಿದೆ.

ರಸ್ತೆಯಲ್ಲಿ ಓಡಾಡುತ್ತಿರುವ ಜನರು.!

ಈ ಘಟನೆಯನ್ನ ಯಾರೋ ತಮ್ಮ ಮೊಬೈಲ್ ಕ್ಯಾಮೆರಾದಲ್ಲಿ ಸೆರೆಹಿಡಿದು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿದ್ದಾರೆ. ಆದ್ರೆ, ಇದು ಝಾಂಬಿ ವೈರಸ್ ಅಥವಾ ಡ್ರಗ್ಸ್ ಮಹಿಮೆಯೇ?  ಅಥವಾ ಯಾರಾದರೂ ಪ್ರಾಂಕ್ ವಿಡಿಯೋ ಮಾಡುತ್ತಿದ್ದಾರೆಯೇ ಎಂದು ಖಚಿತಪಡಿಸಲು ಸಾಧ್ಯವಾಗಲಿಲ್ಲ. ಚಿತ್ರವೊಂದರ ಶೂಟಿಂಗ್ ನಡೆಯುತ್ತಿರಬಹುದು ಎಂದೂ ಜನ ಹೇಳಿದ್ದಾರೆ. ಅಮೆರಿಕದ ಫಿಲಡೆಲ್ಫಿಯಾ ರಸ್ತೆಗಳಲ್ಲಿ ಜನರು ವಿಚಿತ್ರವಾಗಿ ವರ್ತಿಸುತ್ತಿರುವುದನ್ನ ನಾವು ವಿಡಿಯೋದಲ್ಲಿ ನೋಡಬಹುದು. ಒಬ್ಬ ಮಹಿಳೆ ಬಾಯಿ ತೆರೆದುಕೊಂಡು, ಕಾಲುಗಳ ಮೇಲೆ ಒರಗಿಕೊಂಡು, ಅರಿವಿಲ್ಲದೆ ಪಾದಚಾರಿ ಮಾರ್ಗದಲ್ಲಿ ನಡೆಯಲು ಪ್ರಯತ್ನಿಸುತ್ತಿದ್ದಾಳೆ. ಈ ಕ್ಲಿಪ್‌ನಲ್ಲಿ, ನಗರದಲ್ಲಿ ಇನ್ನೊಬ್ಬ ವ್ಯಕ್ತಿ ವಿಚಿತ್ರವಾಗಿ ವರ್ತಿಸುತ್ತಿರುವುದು ಕಂಡುಬಂದಿದೆ.

ವೀಡಿಯೋ ನೋಡಿದ ಜನರು ಇಂತಹ ಪ್ರತಿಕ್ರಿಯೆ ನೀಡಿದ್ದಾರೆ.!

@Oyindamola ಹೆಸರಿನ ಖಾತೆಯಿಂದ ಈ ವೀಡಿಯೊವನ್ನ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ವೀಡಿಯೋವನ್ನು ಹಂಚಿಕೊಂಡು, ‘ಸಹೋದರ, USA ನಲ್ಲಿ ಏನಾಗುತ್ತಿದೆ?’ ಎಂಬ ಶೀರ್ಷಿಕೆಯಲ್ಲಿ ಬರೆದಿದ್ದಾರೆ. ಈ ವಿಡಿಯೋವನ್ನು ಇದುವರೆಗೆ 2 ಲಕ್ಷ 50 ಸಾವಿರಕ್ಕೂ ಹೆಚ್ಚು ಬಾರಿ ವೀಕ್ಷಿಸಲಾಗಿದೆ. ಕೆಲವರು ಕಾಮೆಂಟ್ ಬಾಕ್ಸ್‌ನಲ್ಲಿ ಹಳೆಯ ವೀಡಿಯೊಗಳನ್ನ ಹಂಚಿಕೊಂಡಿದ್ದಾರೆ, ಆದ್ರೆ, ಒಬ್ಬ ಬಳಕೆದಾರರು ನೈಜೀರಿಯಾದ ವೀಡಿಯೊವನ್ನ ಸಹ ಹಂಚಿಕೊಂಡಿದ್ದಾರೆ, ಇದರಲ್ಲಿ ಜನರು ಕಣ್ಣು ಮುಚ್ಚಿ ನಿಂತಿದ್ದಾರೆ.