ಭಾರತದ ಪ್ಯಾರಾ ಅಥ್ಲೀಟ್ `ದೀಪಾ ಮಲಿಕ್’ ವಿದಾಯ – Kannada News Now


India Other Sports Sports

ಭಾರತದ ಪ್ಯಾರಾ ಅಥ್ಲೀಟ್ `ದೀಪಾ ಮಲಿಕ್’ ವಿದಾಯ

ನವದೆಹಲಿ : ಒಲಿಂಪಿಕ್ಸ್ ನಲ್ಲಿ ಪದಕ ಗೆದ್ದ ಭಾರತದ ಮೊದಲ ಪ್ಯಾರಾ ಅಥ್ಲೀಟ್ ದೀಪಾ ಮಲಿಕ್ ಸೋಮವಾರ ತಮ್ಮ ವೃತ್ತಿ ಬದುಕಿಗೆ ವಿದಾಯ ಘೋಷಿಸಿದ್ದಾರೆ.

ಪ್ಯಾರಾಲಿಂಪಿಕ್ ಕಮಿಟಿ ಆಫ್ ಇಂಡಿಯಾದ ಅಧ್ಯಕ್ಷರಾಗಿರುವ ದೀಪಾ, ರಾಷ್ಟ್ರೀಯ ಕ್ರೀಡಾ ನೀತಿ-ಮಾರ್ಗದರ್ಶಿಯ ಅನುಸಾರ ಅಥ್ಲೆಟಿಕ್ಸ್ ವೃತ್ತಿ ಬದುಕಿಗೆ ನಿವೃತ್ತಿ ಘೋಷಿಸಿದ್ದಾರೆ.

ಈ ಕುರಿತು ಟ್ವೀಟರ್ ನಲ್ಲಿ ನಿವೃತ್ತಿ ಬಗ್ಗೆ ಮಾಹಿತಿ ನೀಡಿರುವ ದೀಪಾ ಮಲಿಕ್, ಚುನಾವಣೆ ಉದ್ದೇಶಕ್ಕಾಗಿ ಈಗಾಗಲೇ ಬಹಳ ಹಿಂದೆಯೇ ಪಿಸಿಐಗೆ ಪತ್ರವೊಂದನ್ನು ಸಲ್ಲಿಸಿದ್ದೇವು. ಹೊಸ ಸಮಿತಿಯನ್ನು ಮೌಲ್ವೀಕರಿಸುವ ಹೈಕೋರ್ಟ್ ನ ನಿರ್ಧಾರಕ್ಕಾಗಿ ಕಾಯುತ್ತಿದ್ದೇವು. ಅದರಂತೆ ಸಕ್ರಿಯೆ ಕ್ರೀಡೆಯಿಂದ ನಿವೃತ್ತಿ ನೀಡುತ್ತಿರುವುದನ್ನು ಸಾರ್ವಜನಿಕರು ಘೋಷಿಸಲು ಸೂಚಿಸಲಾಗಿದೆ. ಹೀಗಾಗಿ ಇನ್ನು ನಾನು ಪ್ಯಾರಾ ಕ್ರೀಡೆ ಸೇವೆಯಲ್ಲಿದ್ದು, ಇತರರಿಗೆ ಬೆಂಬಲಿಸಲಿದ್ದೇನೆ ಎಂದು ಬರೆದುಕೊಂಡಿದ್ದಾರೆ.

ರಾಷ್ಟ್ರೀಯ ಕ್ರೀಡಾ ನೀತಿಯ ಪ್ರಕಾರ, ಯಾವುದೇ ಸಕ್ರಿಯ ಕ್ರೀಡಾಪಟು ಯಾವುದೇ ಫೆಡರೇಶನ್ ಗಳಲ್ಲಿ ಅಧಿಕೃತ ಹುದ್ದೆ ಪಡೆದುಕೊಳ್ಳುವಂತಿಲ್ಲ. ಇದಕ್ಕಾಗಿಯೇ ತಾನು ಕ್ರೀಡೆಗೆ ನಿವೃತ್ತಿ ಘೋಷಿಸುತ್ತಿರುವುದಾಗಿ ಮಲಿಕ್ ತಿಳಿಸಿದ್ದಾರೆ.

ದೀಪಾ ಮಲಿಕ್ ಅವರು 58 ರಾಷ್ಟ್ರೀಯ ಹಾಗೂ 23 ಅಂತರಾಷ್ಟ್ರೀಯ ಪದಕಗಳನ್ನು ಜಯಿಸಿದ್ದಾರೆ. 2012 ರಲ್ಲಿ ಅರ್ಜುನ ಹಾಗೂ 2017 ರಲ್ಲಿ ಪದ್ಮಶ್ರೀ ಗೌರವಕ್ಕೆ ದೀಪಾ ಪಾತ್ರರಾಗಿದ್ದಾರೆ.