ನವದೆಹಲಿ : ಹೆಚ್ಚುತ್ತಿರುವ ಔಷಧಗಳ ಬಿಲ್ʼನಿಂದ ನೀವು ಸಹ ತೊಂದರೆಗೀಡಾಗಿದ್ರೆ, ಈ ಸುದ್ದಿ ನಿಮಗೆ ಪರಿಹಾರವಾಗಬಹುದು. ಗ್ರಾಹಕರ ಮೇಲೆ ಬ್ರಾಂಡೆಡ್ ಔಷಧಿಗಳ ಹೊರೆಯನ್ನ ಕಡಿಮೆ ಮಾಡಲು ಕೇಂದ್ರ ಸರ್ಕಾರ ಇತ್ತೀಚೆಗೆ ‘ಫಾರ್ಮಾ ಸಾಹಿ ದಾಮ್'(Pharma Sahi Daam) ಎಂಬ ಅಪ್ಲಿಕೇಶನ್ʼನ್ನ ಪ್ರಾರಂಭಿಸಿದೆ. ಆಂಡ್ರಾಯ್ಡ್ ಮತ್ತು ಐಒಎಸ್ ಎರಡಕ್ಕೂ ನೀವು ಪ್ಲೇಸ್ಟೋರ್ʼನಿಂದ ಈ ಅಪ್ಲಿಕೇಶನ್ʼನ್ನ ಡೌನ್ ಲೋಡ್ ಮಾಡಬಹುದು. ಬ್ರಾಂಡೆಡ್ ಔಷಧಿಗಳ ಅಗ್ಗದ ಆದ್ರೆ ಅದೇ ರೀತಿಯ ಗುಣಲಕ್ಷಣಗಳಿಗೆ ಪರ್ಯಾಯವನ್ನ ಗ್ರಾಹಕರಿಗೆ ಸೂಚಿಸಲು ರಾಷ್ಟ್ರೀಯ ಔಷಧ ಬೆಲೆ ಪ್ರಾಧಿಕಾರವು ಇದನ್ನ ರಚಿಸಿದೆ.
ನಿಮ್ಮ ವೈದ್ಯರು ನಿಮ್ಮ ರೋಗಕ್ಕೆ ಬ್ರಾಂಡೆಡ್ ಔಷಧಿಯನ್ನ ಸೂಚಿಸಿದರೆ, ನೀವು ಅಪ್ಲಿಕೇಶನ್ʼಗೆ ಹೋಗಿ ಔಷಧಿಯ ಹೆಸರನ್ನ ಬರೆಯಿರಿ. ನಂತ್ರ ನೀವು ತೆಗೆದುಕೊಳ್ಳಬಹುದಾದ ಬ್ರಾಂಡೆಡ್ ಔಷಧಿಗಳಿಗೆ ಕೈಗೆಟುಕುವ ಪರ್ಯಾಯಗಳನ್ನ ಅಪ್ಲಿಕೇಶನ್ ನಿಮಗೆ ತೋರಿಸುತ್ತದೆ. ಅವು ವಿಭಿನ್ನ ಹೆಸರುಗಳನ್ನ ಹೊಂದಿರಬಹುದು. ಆದ್ರೆ, ಔಷಧೀಯ ಗುಣಗಳು ಒಂದೇ ಆಗಿರುತ್ತವೆ. ಅದರ ಕೆಲಸವೂ ಹಾಗೆಯೇ ಇರುತ್ತದೆ.
ಉದಾಹರಣೆಗೆ, ಆಗ್ಮೆಂಟಿನ್ ಭಾರತದಲ್ಲಿ ಹೆಚ್ಚು ಮಾರಾಟವಾಗುವ ಪ್ರತಿಜೀವಕಗಳಲ್ಲಿ ಒಂದಾಗಿದೆ. ಈ ಬ್ರಾಂಡೆಡ್ ಔಷಧಿಯ ಬೆಲೆ 10 ಮಾತ್ರೆಗಳಿಗೆ ಸುಮಾರು 200 ರೂಪಾಯಿ. ಆದಾಗ್ಯೂ, ಅಪ್ಲಿಕೇಶನ್‌ನಲ್ಲಿ ನೀವು 6 ಮಾತ್ರೆಗಳಿಗೆ 50 ರೂ.ಗಳಿಗೆ ಒಂದೇ ಔಷಧಿಯನ್ನ ನೀಡುವ ಕನಿಷ್ಠ 10 ಆಯ್ಕೆಗಳನ್ನ ಕಾಣಬಹುದು. ಅಂತೆಯೇ, ಆಮ್ಲೀಯತೆಯ ವಿರುದ್ಧ ಬಳಸುವ ಪ್ಯಾನ್ ಡಿ, 15 ಕ್ಯಾಪ್ಸೂಲ್‌ಗಳಿಗೆ ಸುಮಾರು 199 ರೂಪಾಯಿ ಆಗುತ್ತೆ. ಅದ್ರೆ, ಅದರ ಆಯ್ಕೆಯು 10 ಕ್ಯಾಪ್ಸೂಲ್ʼಗಳಿಗೆ 22 ರೂಪಾಯಿ ಆಗಿರುತ್ತೆ.
33%ಕ್ಕೂ ಹೆಚ್ಚು ಔಷಧಿಗಳನ್ನ ಸರ್ಕಾರ ನಿಯಂತ್ರಿಸುತ್ತದೆ.!
ಭಾರತದಲ್ಲಿ, ಔಷಧಗಳ ವೆಚ್ಚವು ಟೂತ್ಪೇಸ್ಟ್ ಅಥವಾ ಸಾಬೂನಿನಂತಹ ಇತರ ವಸ್ತುಗಳಂತೆ ಪೂರೈಕೆ ಮತ್ತು ಬೇಡಿಕೆಯನ್ನ ಅವಲಂಬಿಸಿರುತ್ತದೆ. ಭಾರತದಲ್ಲಿ 33%ಕ್ಕೂ ಹೆಚ್ಚು ಔಷಧಗಳು ಸರ್ಕಾರದ ನಿಯಂತ್ರಣದಲ್ಲಿವೆ. ಸರ್ಕಾರವು ಅಗತ್ಯ ಔಷಧಿಗಳ ಪಟ್ಟಿಯನ್ನ ತಯಾರಿಸಿದ್ದು, ಅವುಗಳ ಬೆಲೆಗಳನ್ನ ನಿಯಂತ್ರಣದಲ್ಲಿರಿಸಿದೆ.
ರಾಷ್ಟ್ರೀಯ ಔಷಧ ಬೆಲೆ ಪ್ರಾಧಿಕಾರ (NPPA) ಭಾರತದಲ್ಲಿ ಅಗತ್ಯ ಔಷಧಿಗಳ ರಾಷ್ಟ್ರೀಯ ಪಟ್ಟಿಯಲ್ಲಿ ಬರುವ ಔಷಧಗಳ ಬೆಲೆಯನ್ನ ನಿಗದಿಪಡಿಸುತ್ತದೆ. ಭಾರತದಲ್ಲಿ 355 ಔಷಧಿಗಳು ಮತ್ತು ಅವುಗಳ 882 ಸೂತ್ರೀಕರಣಗಳ ಬೆಲೆಗಳನ್ನು ಔಷಧ ಬೆಲೆ ನಿಯಂತ್ರಣ ಆದೇಶ (DPCO) ಅಡಿಯಲ್ಲಿ ನಿಗದಿಪಡಿಸಲಾಗಿದೆ.
