“ಹಿಂಸಾಚಾರ ವೈಭವೀಕರಿಸೋದು ನಾಗರಿಕ ಸಮಾಜದ ಭಾಗವಾಗಬಾರದು” : ಕೆನಡಾಕ್ಕೆ ‘ಭಾರತ’ ಖಡಕ್ ಸಂದೇಶ

ನವದೆಹಲಿ : ಕೆನಡಾದ ಮಾಲ್ಟಾದಲ್ಲಿ ಇತ್ತೀಚೆಗೆ ನಡೆದ ಕಾರ್ಯಕ್ರಮದಲ್ಲಿ ಸ್ಥಳೀಯ ಮತ್ತು ಇತರ ಉನ್ನತ ನಾಯಕರ ಸಮ್ಮುಖದಲ್ಲಿ ಭಾರತ ವಿರೋಧಿ ಚಟುವಟಿಕೆಗಳನ್ನ ಸಾರ್ವಜನಿಕವಾಗಿ ಉತ್ತೇಜಿಸಿದ ಬಗ್ಗೆ ಭಾರತ ಮಂಗಳವಾರ ತೀವ್ರ ಕಳವಳ ವ್ಯಕ್ತಪಡಿಸಿದೆ. ಭಾರತೀಯ ನಾಯಕರ ವಿರುದ್ಧ ಕೆನಡಾದಲ್ಲಿ ಉಗ್ರಗಾಮಿ ಶಕ್ತಿಗಳು ಬಳಸುತ್ತಿರುವ ಹಿಂಸಾತ್ಮಕ ಚಿತ್ರಗಳ ಬಗ್ಗೆ ವಿದೇಶಾಂಗ ಸಚಿವಾಲಯ ಹೇಳಿಕೆಯಲ್ಲಿ ಕಳವಳ ವ್ಯಕ್ತಪಡಿಸಿದೆ.

ರಣಧೀರ್ ಜೈಸ್ವಾಲ್, “ನಿಮಗೆ ತಿಳಿದಿರುವಂತೆ, ನಮ್ಮ ರಾಜಕೀಯ ನಾಯಕತ್ವದ ವಿರುದ್ಧ ಕೆನಡಾದಲ್ಲಿ ಉಗ್ರಗಾಮಿ ಶಕ್ತಿಗಳು ಬಳಸುತ್ತಿರುವ ಹಿಂಸಾತ್ಮಕ ಚಿತ್ರಣದ ಬಗ್ಗೆ ನಾವು ಪದೇ ಪದೇ ನಮ್ಮ ಬಲವಾದ ಕಳವಳಗಳನ್ನ ಎತ್ತಿದ್ದೇವೆ. ಕಳೆದ ವರ್ಷ, ನಮ್ಮ ಮಾಜಿ ಪ್ರಧಾನಿಯ ಹತ್ಯೆಯನ್ನ ಚಿತ್ರಿಸುವ ಫ್ಲೋಟ್’ನ್ನ ಮೆರವಣಿಗೆಯಲ್ಲಿ ಬಳಸಲಾಯಿತು. ಭಾರತೀಯ ರಾಜತಾಂತ್ರಿಕರ ವಿರುದ್ಧ ಹಿಂಸಾಚಾರದ ಬೆದರಿಕೆ ಹಾಕುವ ಪೋಸ್ಟರ್ಗಳನ್ನು ಕೆನಡಾದಾದ್ಯಂತ ಪ್ರದರ್ಶಿಸಲಾಗಿದೆ” ಎಂದು ಹೇಳಿದರು.