BIG NEWS: ತಮ್ಮಲ್ಲಿ ‘ಸಿದ್ಧರಾಮಯ್ಯ’ನವರಂತ ಒಬ್ಬ ನಾಯಕರಿದ್ದಾರೆಯೇ.? – ಬಿಜೆಪಿಗೆ, ಕಾಂಗ್ರೆಸ್ ಪ್ರಶ್ನೆ | Karnataka Congress

ಬೆಂಗಳೂರು: ರಾಜ್ಯದಲ್ಲಿ ಕಾಂಗ್ರೆಸ್ ( Congress ) ಮತ್ತೊಮ್ಮೆ ಅಧಿಕಾರಕ್ಕೆ ಬರಲಿದೆ ಎಂಬ ವಿಷಯವನ್ನರಿತ ಬಿಜೆಪಿ ಕನಲಿಹೋಗಿದೆ. ಸಿದ್ದರಾಮಯ್ಯನವರು ರಾಜ್ಯದ ಯಾವುದೇ ಕ್ಷೇತ್ರದಿಂದ ಬೇಕಿದ್ದರೂ ಗೆದ್ದು ಬರುವ ಶಕ್ತಿ ಹೊಂದಿದ್ದಾರೆ. ತಮ್ಮಲ್ಲಿ ಅಂತಹ ಒಬ್ಬ ನಾಯಕರಿರುವರೇ ಬಿಜೆಪಿ ( BJP Leaders ) ? ಹಾಗೆಯೇ ಮೂಲೆಗುಂಪಾದ BSY ಅವರ ಬಗ್ಗೆ ಸ್ವಲ್ಪವಾದರೂ ಅನುಕಂಪ ಉಳಿಸಿಕೊಳ್ಳಿ ಎಂಬುದಾಗಿ ಕಾಂಗ್ರೆಸ್ ಹೇಳಿದೆ.

ಈ ಬಗ್ಗೆ ಸರಣಿ ಟ್ವಿಟ್ ಮಾಡಿರುವಂತ ಕರ್ನಾಟಕ ಕಾಂಗ್ರೆಸ್ ( Karnataka Congress ) ◆ಉದಯಪುರದ ಹಂತಕರು ಬಿಜೆಪಿ ನಾಯಕರೊಂದಿಗೆ ಗುರುತಿಸಿಕೊಂಡಿದ್ದರು ◆ಬಿಜೆಪಿ ಅಲ್ಪಸಂಖ್ಯಾತ ಘಟಕದ ನಾಯಕ ಇರ್ಷಾದ್ ಚೈನ್‌ವಾಲಾ ಜೊತೆಗೆ ನಿಕಟ ಸಂಪರ್ಕದಲ್ಲಿದ್ದರು ◆ಬಿಜೆಪಿ ಕಾರ್ಯಕ್ರಮಗಳಿಗೆ ಕಾಯಂ ಆಗಿ ಹಾಜರಿರುತ್ತಿದ್ದರು ಈ ವಿಷಯಗಳು ಬಿಜೆಪಿಯ ಷಡ್ಯಂತ್ರದ #Toolkit ಕೊಲೆ ಎಂಬ ಸಂಶಯಕ್ಕೆ ಪುರಾವೆ ಒದಗಿಸುತ್ತಿವೆ ಎಂದಿದೆ.

ಕೊಳಕುಬಾಯಿ ಈಶ್ವರಪ್ಪನವರು ಕರ್ನಾಟಕದ ನೂಪುರ್ ಶರ್ಮಾ. 40% ಕಮಿಷನ್, ಸಂತೋಷ್ ಆತ್ಮಹತ್ಯೆ, ತಿರಂಗಾ ಬದಲಾವಣೆ, ಹಿಂಸೆಗೆ ಪ್ರಚೋದನೆ ಸೇರಿದಂತೆ ಈಶ್ವರಪ್ಪನವರನ್ನು ಬಂಧಿಸಲು ಹಲವು ಪ್ರಕರಣಗಳಿವೆ. ಹೀಗಿದ್ದೂ ಬಂಧಿಸದಿರುವುದೇಕೆ? ಹೆಣ ಬಿದ್ದಷ್ಟೂ ಓಟು ಬೀಳುತ್ತವೆ ಎಂಬ ನೀಚ ಚಿಂತನೆಯ ಬಿಜೆಪಿಯಿಂದ ದೇಶದ ಸ್ವಾಸ್ತ್ಯಕ್ಕೆ ಉಳಿಗಾಲವಿಲ್ಲ ಎಂದು ವಾಗ್ದಾಳಿ ನಡೆಸಿದೆ.