ಬೆಂಗಳೂರು: ಏಷ್ಯಾದ ಅತಿದೊಡ್ಡ ಏರ್ ಶೋ ‘ಏರೋ ಇಂಡಿಯಾ- 2023’ ಫೆಬ್ರವರಿ 13 ರಿಂದ 17 ರವರೆಗೆ ಬೆಂಗಳೂರಿನಲ್ಲಿ ನಡೆಯಲಿದೆ. 14 ನೇ ಆವೃತ್ತಿಯ ಏರ್ ಶೋ ಯಲಹಂಕ ವಾಯುನೆಲೆಯಲ್ಲಿ ನಡೆಯಲಿದೆ ಎಂದು ಕೇಂದ್ರ ರಕ್ಷಣಾ ಇಲಾಖೆ ಮಾಹಿತಿ ನೀಡಿದೆ.
WATCH VIDEO: ಶಿಕ್ಷಕಿಗೇ ʻಐ ಲವ್‌ ಯೂ, ಮೆರಿ ಜಾನ್‌ʼ ಎಂದು ಚುಡಾಯಿಸಿದ ವಿದ್ಯಾರ್ಥಿಗಳು… ವಿಡಿಯೋ ವೈರಲ್
1996 ರಿಂದ ದ್ವೈ ವಾರ್ಷಿಕವಾಗಿ ನಡೆಯುವ ಏರ್ ಶೋಗೆ ಆತಿಥ್ಯ ವಹಿಸಿರುವ ಬೆಂಗಳೂರಿನ ಯಲಹಂಕ ವಾಯುನೆಲೆಯಲ್ಲಿ 14ನೇ ಆವೃತ್ತಿಯೂ ನಡೆಯಲಿದೆ ಎಂದು ರಕ್ಷಣಾ ಉತ್ಪಾದನಾ ಸಂಸ್ಥೆ ಹೇಳಿದೆ. ಏರ್ ಶೋನ ಇತರ ಮಾಹಿತಿ, ಪಾಲ್ಗೊಳ್ಳಲಿರುವ ರಾಷ್ಟ್ರಗಳ ಬಗ್ಗೆ ಯಾವುದೇ ವಿವರಗಳನ್ನು ಸಚಿವಾಲಯ ಪ್ರಕಟಿಸಿಲ್ಲ.
ಕೇಂದ್ರ ರಕ್ಷಣಾ ಇಲಾಖೆಯು ಪ್ರತಿ ಎರಡು ವರ್ಷಕ್ಕೊಮ್ಮೆ ನಡೆಸುವ ಅತಿ ದೊಡ್ಡ ವೈಮಾನಿಕ ಪ್ರದರ್ಶನ ಇದಾಗಿದ್ದು, ಏರ್ ಶೋ ಪ್ರದರ್ಶನ ಸಿಲಿಕಾನ್‌ ಸಿಟಿ ಬೆಂಗಳೂರಿನ ಹೆಗ್ಗಳಿಕೆಗಳಲ್ಲೊಂದಾಗಿದೆ.
WATCH VIDEO: ಶಿಕ್ಷಕಿಗೇ ʻಐ ಲವ್‌ ಯೂ, ಮೆರಿ ಜಾನ್‌ʼ ಎಂದು ಚುಡಾಯಿಸಿದ ವಿದ್ಯಾರ್ಥಿಗಳು… ವಿಡಿಯೋ ವೈರಲ್
ಕೇಂದ್ರ ರಕ್ಷಣಾ ಸಚಿವಾಲಯದ ಭಾಗವಾದ ‘ಡಿಫೆನ್ಸ್‌ ಎಕ್ಸಿಬಿಷನ್‌ ಆರ್ಗನೈಸೇಷನ್‌’ ವತಿಯಿಂದ ಈ ವೈಮಾನಿಕ ಪ್ರದರ್ಶನ ನಡೆಯಲಿದೆ. ಹಲವು ದೇಶ, ವಿದೇಶಗಳ ಯುದ್ಧ ವಿಮಾನಗಳ ಮೈನವಿರೇಳಿಸುವ ಹಲವು ವೈಶಿಷ್ಟ್ಯಗಳೊಂದಿಗೆ ವೈಮಾನಿಕ ಪ್ರದರ್ಶನ ನಡೆಯಲಿದ್ದು, ಬಾನಂಗಳದಲ್ಲಿ ಲೋಹದ ಹಕ್ಕಿಗಳು ಬಣ್ಣದ ಚಿತ್ತಾರ ಬಿಡಿಸಲಿವೆ. ಅದ್ಭುತ ದೃಶ್ಯದ ವೈಮಾನಿಕ ಪ್ರದರ್ಶನ ನೋಡುವುದೇ ಕಣ್ಣಿಗೆ ಹಬ್ಬ.
ಇದರಲ್ಲಿ ಭಾರತೀಯ ಏರೋಸ್ಪೇಸ್‌ ಉದ್ಯಮದ ಹಲವಾರು ತಯಾರಕರು ಮತ್ತು ಸೇವಾ ಪೂರೈಕೆದಾರರು ಭವಿಷ್ಯದ ಗ್ರಾಹಕರನ್ನು ಭೇಟಿ ಮಾಡಲಿದ್ದಾರೆ. ಏರೋಸ್ಪೇಸ್‌ ಉದ್ಯಮದ ಬೆಳೆವಣಿಗೆಗೆ ಈ ಏರೋ ಇಂಡಿಯಾ ಪ್ರದರ್ಶನ ಉತ್ತಮ ವೇದಿಕೆಯೂ ಆಗಿದೆ.
WATCH VIDEO: ಶಿಕ್ಷಕಿಗೇ ʻಐ ಲವ್‌ ಯೂ, ಮೆರಿ ಜಾನ್‌ʼ ಎಂದು ಚುಡಾಯಿಸಿದ ವಿದ್ಯಾರ್ಥಿಗಳು… ವಿಡಿಯೋ ವೈರಲ್
ಕಳೆದ ಬಾರಿಯ ದುರಂತ
ಕಳೆದ ಬಾರಿಯ ಅಂದರೆ 2019 ರಲ್ಲಿ ಬೆಂಗಳೂರಿನಲ್ಲಿ ನಡೆದ ಏರೋ ಇಂಡಿಯಾ ವೇಳೆ ಸಂಭವಿಸಿದ ಅಗ್ನಿ ಅವಗಢದಲ್ಲಿ ಕಾರುಗಳು ಬೆಂಕಿ ಗಾಹುತಿಯಾಗಿದ್ದವು. ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಾಲೀಕರಿಗೆ ವಿಮಾ ಕಂಪನಿಗಳು ಪರಿಹಾರ ವಿತರಣೆ ಮಾಡಿದ್ದವು.
WATCH VIDEO: ಶಿಕ್ಷಕಿಗೇ ʻಐ ಲವ್‌ ಯೂ, ಮೆರಿ ಜಾನ್‌ʼ ಎಂದು ಚುಡಾಯಿಸಿದ ವಿದ್ಯಾರ್ಥಿಗಳು… ವಿಡಿಯೋ ವೈರಲ್
ದುರಂತ ಸಂಭವಿಸಿದ ತಕ್ಷಣವೇ ವಿಮಾ ಕಂಪನಿಗಳು ಹಾಗೂ ಆರ್.ಟಿ.ಓ ಅಧಿಕಾರಿಗಳು ಕೌಂಟರ್‌ಗಳನ್ನು ತೆರೆದು ಅರ್ಜಿಗಳನ್ನು ಸ್ವೀಕರಿಸಿದ್ದವು. ದುರಂತದಲ್ಲಿ 277 ವಾಹನಗಳು ಬೆಂಕಿಗೆ ಆಹುತಿಯಾಗಿದ್ದು ಇದರಲ್ಲಿ 251 ಕಾರುಗಳು ಸಂಪೂರ್ಣ ಹಾಗೂ 26 ಕಾರುಗಳು ಭಾಗಶಃ ಸುಟ್ಟು ಹೋಗಿದ್ದವು.
