ಯಾವ ಬ್ಲಡ್ ‌ಗ್ರೂಪ್‌ನವರಿಗೆ ಕರೋನಾ ಹೆಚ್ಚು ಬಾದಿಸೋದು? ಇಲ್ಲಿದೆ ನೋಡಿ ಇಂಟರ್‌ಸ್ಟಿಂಗ್‌ ಮಾಹಿತಿ – Kannada News Now


Beauty Tips Food Health Lifestyle World

ಯಾವ ಬ್ಲಡ್ ‌ಗ್ರೂಪ್‌ನವರಿಗೆ ಕರೋನಾ ಹೆಚ್ಚು ಬಾದಿಸೋದು? ಇಲ್ಲಿದೆ ನೋಡಿ ಇಂಟರ್‌ಸ್ಟಿಂಗ್‌ ಮಾಹಿತಿ

ಡಿಜಿಟಲ್‌ ಡೆಸ್ಕ್:‌ ಕೊರೊನಾ ಸೋಂಕಿನ ಹವಾಳಿ ದಿನ ದಿನಕ್ಕೂ ಹೆಚ್ಚುತ್ತಿದೆ. ಈ ನಡುವೆ ಸೋಂಕಿನ ಕುರಿತು ದಿನಕೊಂದು ಹೊಸ ವಿಷ್ಯಗಳು ಬಯಲಾಗುತ್ತಿವೆ. ಸಧ್ಯ ಭಯಲಾಗಿರುವ ಸುದ್ದಿ ರಕ್ತದ ಗುಂಪು ‘O’ ಹೊಂದಿರುವವರಿಗೆ ಕೊಂಚ ಸಮಾಧಾನ ನೀಡಿದ್ದು, ‘O’ ರಕ್ತದ ಪ್ರಕಾರದ ವ್ಯಕ್ತಿಗಳು ಕೊರೊನಾ ಸೋಂಕಿಗೆ ತುತ್ತಾಗುವ ಸಾಧ್ಯತೆ ಕಡಿಮೆ ಎಂದು ಹೇಳಿದೆ.

ಹೌದು, ಹೊಸ ಸಂಶೋಧನೆಯು ರಕ್ತಪ್ರಕಾರ ‘O’ ಹೊಂದಿರುವ ಜನರು ಕೋವಿಡ್-19 ಸೋಂಕಿನ ಕೊಂಚ ಕಮ್ಮಿಪ್ರಮಾಣದ ಅಪಾಯವನ್ನ ಹೊಂದಿರಬಹುದು. ಅಂತಹವರು ಅನಾರೋಗ್ಯಕ್ಕೆ ಒಳಗಿದ್ದರೆ ಅಂಗದ ತೊಂದರೆಗಳು ಸೇರಿದಂತೆ ತೀವ್ರ ಪರಿಣಾಮಗಳ ಸಾಧ್ಯತೆಯನ್ನ ಕಡಿಮೆ ಮಾಡಬಹುದು ಎಂದು ಹೇಳುತ್ತಿದೆ.

ಬ್ಲಡ್ ಅಡ್ವಾನ್ಸಸ್ ಎಂಬ ನಿಯತಕಾಲಿಕದಲ್ಲಿ ಪ್ರಕಟವಾದ ಎರಡು ಅಧ್ಯಯನಗಳು, ‘O’ ರಕ್ತದ ಪ್ರಕಾರದ ವ್ಯಕ್ತಿಗಳು ಕೊರೊನಾ ಸೋಂಕಿಗೆ ತುತ್ತಾಗುವ ಸಾಧ್ಯತೆ ಕಮ್ಮಿ ಎಂದು ಸೂಚಿಸುತ್ತವೆ. ದಕ್ಷಿಣ ಡೆನ್ಮಾರ್ಕ್ ವಿಶ್ವವಿದ್ಯಾಲಯದ ಅಧ್ಯಯನವೊಂದು ಹೇಳುವಂತೆ, ರಕ್ತದ ವಿಧವು ವಿವಿಧ ಜನಾಂಗೀಯ ಗುಂಪುಗಳಲ್ಲಿ ಮತ್ತು ಬೇರೆ ಬೇರೆ ದೇಶಗಳಲ್ಲಿ ಗಣನೀಯವಾಗಿ ಬದಲಾಗಬಹುದು, ಆದ್ದರಿಂದ ಸರಿಯಾದ ನಿಯಂತ್ರಣ ಗುಂಪನ್ನ ಪರಿಗಣಿಸುವುದು ಬಹಳ ಮುಖ್ಯ ಎಂದಿದೆ.

ಡೆನ್ಮಾರ್ಕ್ ಒಂದು ಸಣ್ಣ, ಜನಾಂಗೀಯವಾಗಿ ಏಕ ಪ್ರಕಾರವಾದ ಒಂದು ಸಣ್ಣ ದೇಶವಾಗಿದ್ದು, ಸಾರ್ವಜನಿಕ ಆರೋಗ್ಯ ವ್ಯವಸ್ಥೆ ಮತ್ತು ಲ್ಯಾಬ್ ಡೇಟಾಕ್ಕಾಗಿ ಕೇಂದ್ರ ರಿಜಿಸ್ಟ್ರಿಯನ್ನು ಹೊಂದಿದೆ. ಆದ್ದರಿಂದ, ಈ ಅಧ್ಯಯನದ ನಿಯಂತ್ರಣವು ಜನ ಸಂಖ್ಯಾ ಆಧಾರಿತವಾಗಿದ್ದು, ಸಂಶೋಧನೆಗಳಿಗೆ ಬಲವಾದ ಅಡಿಪಾಯವನ್ನ ನೀಡುತ್ತೆ. ಸಂಶೋಧನೆಗಳಿಗಾಗಿ, ಸಂಶೋಧನಾ ತಂಡವು COVID-19 ಗಾಗಿ ಪರೀಕ್ಷಿಸಲಾದ 473,000 ಕ್ಕೂ ಹೆಚ್ಚು ವ್ಯಕ್ತಿಗಳಿಂದ ಡ್ಯಾನಿಶ್ ಆರೋಗ್ಯ ರಿಜಿಸ್ಟ್ರಿ ಡೇಟಾವನ್ನ ಸಾಮಾನ್ಯ ಜನ ಸಂಖ್ಯೆಯಿಂದ 2.2 ದಶಲಕ್ಷಕ್ಕೂ ಹೆಚ್ಚು ಜನರ ನಿಯಂತ್ರಣ ಗುಂಪಿನ ದತ್ತಾಂಶಗಳಿಗೆ ಹೋಲಿಸಿದೆ.

ತೀವ್ರ ವೈದ್ಯಕೀಯ ಫಲಿತಾಂಶದ ಅಪಾಯವನ್ನ ಹೆಚ್ಚಿಸುತ್ತೆ A ಮತ್ತು AB ಗುಂಪುಗಳು..!

COVID-19 ಧನಾತ್ಮಕ ಅಂಶಗಳಲ್ಲಿ, ಸಂಶೋಧಕರು ರಕ್ತದ ಪ್ರಕಾರ ‘O’ ಮತ್ತು ‘A’, ‘B’, ಮತ್ತು ‘AB’ ಪ್ರಕಾರಗಳನ್ನು ಹೊಂದಿರುವ ಹೆಚ್ಚು ಜನರನ್ನು ಪತ್ತೆ ಮಾಡಿದ್ದಾರೆ. ‘ಎ’, ‘ಬಿ’, ಅಥವಾ ‘ಎಬಿ’ ರಕ್ತದ ಪ್ರಕಾರಗಳನ್ನು ಹೊಂದಿರುವ ಜನರು ‘O’ ಟೈಪ್ ಹೊಂದಿರುವ ವ್ಯಕ್ತಿಗಳಿಗಿಂತ ಕೊರೊನಾ ಸೋಂಕಿಗೆ ಒಳಪಡಬಹುದು ಎಂದು ಅಧ್ಯಯನ ಫಲಿತಾಂಶಗಳು ಸೂಚಿಸುತ್ತವೆ. ‘ಎ’, ‘ಬಿ’, ಮತ್ತು ‘ಎಬಿ’ ವಿಧಗಳ ನಡುವೆ ಸೋಂಕಿನ ಪ್ರಮಾಣದಲ್ಲಿ ಯಾವುದೇ ಗಮನಾರ್ಹ ವ್ಯತ್ಯಾಸವನ್ನ ಸಂಶೋಧಕರು ಕಂಡು ಹಿಡಿಯಲಿಲ್ಲ. ಕೋವಿಡ್-19 ಸೋಂಕಿನ ತೀವ್ರ ವೈದ್ಯಕೀಯ ಫಲಿತಾಂಶಗಳ ಹೆಚ್ಚಿನ ಅಪಾಯದೊಂದಿಗೆ ‘ಎ’ ಮತ್ತು ‘ಎಬಿ’ ರಕ್ತದ ಗುಂಪುಗಳು ಸಹ ಸಂಬಂಧವನ್ನು ಹೊಂದಿದ್ದವು ಎಂದು ಸಂಶೋಧನೆಗಳು ತೋರಿಸಿವೆ.

ಟೈಪ್ A ಮತ್ತು AB ಯಲ್ಲಿ ಶ್ವಾಸಕೋಶ, ಕಿಡ್ನಿ ಹಾನಿ ಸಮಸ್ಯೆ ಸಾಮಾನ್ಯ..!

‘ಎ’ ಅಥವಾ ‘ಎಬಿ’ ರಕ್ತದ ಗುಂಪುಗಳನ್ನು ಹೊಂದಿರುವ ಜನರು ‘O’ ಅಥವಾ ‘B’ ರಕ್ತದ ಗುಂಪುಗಳನ್ನು ಹೊಂದಿರುವ ಜನರಿಗಿಂತ ಹೆಚ್ಚಿನ ಕೋವಿಡ್-19 ರೋಗದ ತೀವ್ರತೆಯನ್ನು ಪ್ರದರ್ಶಿಸುತ್ತಾರೆ ಎಂದು ಪ್ರತ್ಯೇಕ ಹಿನ್ನೋಟದ ಅಧ್ಯಯನವು ತಿಳಿಸಿದೆ. ‘ಎ’ ಅಥವಾ ‘ಎಬಿ’ ರಕ್ತದ ಗುಂಪುಗಳನ್ನು ಹೊಂದಿರುವ ರೋಗಿಗಳಿಗೆ ಯಾಂತ್ರಿಕ ವೆಂಟಿಲೇಶನ್ ನ ಅಗತ್ಯಹೆಚ್ಚು ಎಂದು ಸಂಶೋಧಕರು ಕಂಡುಕೊಂಡರು, ಅವರು ಕೋವಿಡ್-19 ರಿಂದ ಶ್ವಾಸಕೋಶದ ಗಾಯಗಳ ಪ್ರಮಾಣವು ಹೆಚ್ಚಿನ ಪ್ರಮಾಣದಲ್ಲಿದೆ ಎಂದು ಸೂಚಿಸಿದರು. ‘ಎ’ ಮತ್ತು ‘ಎಬಿ’ ರಕ್ತದ ಗುಂಪಿನ ರೋಗಿಗಳಲ್ಲಿ ಹೆಚ್ಚಿನ ವರು ಕಿಡ್ನಿ ವೈಫಲ್ಯಕ್ಕೆ ಡಯಾಲಿಸಿಸ್ ಅಗತ್ಯ ಎಂದು ಕಂಡುಕೊಂಡರು. ಈ ಅಧ್ಯಯನದ ವಿಶಿಷ್ಟ ಭಾಗವೆಂದರೆ ಕೋವಿಡ್-19 ರ ರಕ್ತದ ಪ್ರಕಾರದ ತೀವ್ರತೆಯ ಪರಿಣಾಮದ ಮೇಲೆ ಕೇಂದ್ರಿಕೃತವಾಗಿದೆ. ಸಂಶೋಧಕರು ಶ್ವಾಸಕೋಶ ಮತ್ತು ಮೂತ್ರಪಿಂಡಗಳ ಹಾನಿಯನ್ನು ಗಮನಿಸಿದ್ದಾರೆ.

ಸೋಂಕಿನ ಹೆಚ್ಚಿನ ಅಪಾಯವನ್ನು ಸೂಚಿಸುತ್ತೆ ರಕ್ತದ ಪ್ರಕಾರ A..!

ಈ ಹಿಂದೆ, ವೈದ್ಯಕೀಯ ಸೋಂಕು ರೋಗಗಳ ನಿಯತಕಾಲಿಕದಲ್ಲಿ ಪ್ರಕಟವಾದ ಮತ್ತೊಂದು ಅಧ್ಯಯನದಲ್ಲಿ, ‘ಎ’ ರಕ್ತದ ಗುಂಪಿನ ಜನರು ಕೊರೊನಾ-19 ಸೋಂಕಿಗೆ ತುತ್ತಾಗುವ ಸಾಧ್ಯತೆ ಹೆಚ್ಚು ಎಂದು ಕಂಡುಕೊಂಡಿದ್ದಾರೆ. ಹಾಗೆಯೇ ರಕ್ತ ಪ್ರಕಾರ ‘O’ ಹೊಂದಿರುವವರು ವೈರಸ್ ಗೆ ತುತ್ತಾಗುವ ಸಾಧ್ಯತೆ ಕಮ್ಮಿ ಎಂದು ಕಂಡುಹಿಡಿಯಲಾಗಿದೆ. ಅಮೆರಿಕ ಮೂಲದ ಜೈವಿಕ ತಂತ್ರಜ್ಞಾನ ಕಂಪೆನಿ 23 ಅಂಡ್‌ ಮೀ ಎಂಬ ಸಂಸ್ಥೆ ಈ ಹಿಂದೆ ನಡೆಸಿದ ಮತ್ತೊಂದು ಅಧ್ಯಯನದಲ್ಲಿ, ಒ-ಟೈಪ್ ರಕ್ತದ ಗುಂಪು ಹೊಂದಿರುವ ಜನರು COVID-19 ಸೋಂಕಿಗೆ ತುತ್ತಾಗುವ ಸಾಧ್ಯತೆ ಕಡಿಮೆ ಎಂದು ಹೇಳಿದೆ. ಈ ಅಧ್ಯಯನವು O ರಕ್ತ ಪ್ರಕಾರವನ್ನು ಹೊಂದಿರುವ ವ್ಯಕ್ತಿಗಳು ಇತರ ರಕ್ತ ಪ್ರಕಾರಗಳನ್ನ ಹೊಂದಿರುವ ವ್ಯಕ್ತಿಗಳಿಗಿಂತ ಕೊರೊನಾಗೆ ಧನಾತ್ಮಕ ಪರೀಕ್ಷೆ ನಡೆಸುವ ಸಾಧ್ಯತೆಯು 9-18 ಪ್ರತಿಶತ ಕಡಿಮೆ ಎಂದು ಹೇಳಿದೆ. ಎಬಿ ರಕ್ತದ ಗುಂಪು ಹೊಂದಿರುವ ಜನರು ಕೋವಿಡ್-19 ಸೋಂಕಿಗೆ ಪಾಸಿಟಿವ್ ಪರೀಕ್ಷೆ ಮಾಡುವ ಸಾಧ್ಯತೆಯನ್ನ ಕಂಡುಕೊಂಡರು. ನಂತರ B ರಕ್ತದ ಗುಂಪು ಮತ್ತು  ಎ ರಕ್ತದ ಗುಂಪು ಎಂದು ಸಹ ಕಂಡು ಹಿಡಿಯಲಾಯಿತು.




error: Content is protected !!