ನವದೆಹಲಿ: ಅಪರಿಚಿತ ಮಹಿಳೆಯನ್ನು “ಡಾರ್ಲಿಂಗ್” ಎಂದು ಕರೆಯುವುದು ಆಕ್ರಮಣಕಾರಿ ಮತ್ತು ಭಾರತೀಯ ದಂಡ ಸಂಹಿತೆಯ (ಐಪಿಸಿ) ಸೆಕ್ಷನ್ 354 ಎ (ಮಹಿಳೆಯ ಗೌರವಕ್ಕೆ ಧಕ್ಕೆ) ಮತ್ತು 509 ರ ಅಡಿಯಲ್ಲಿ ಕ್ರಿಮಿನಲ್ ಅಪರಾಧವಾಗಿದೆ ಎಂದು ಕಲ್ಕತ್ತಾ ಹೈಕೋರ್ಟ್ ಅಭಿಪ್ರಾಯಪಟ್ಟಿದೆ.
ಕುಡಿದ ಮತ್ತಿನಲ್ಲಿ ಮಹಿಳಾ ಕಾನ್ಸ್ಟೇಬಲ್ ಒಬ್ಬರನ್ನು ‘ಡಾರ್ಲಿಂಗ್’ ಎಂದು ಕರೆದಿದ್ದ ಜನಕ್ ರಾಮ್ ಎಂಬಾತನ ಶಿಕ್ಷೆಯನ್ನು ಎತ್ತಿಹಿಡಿದ ಹೈಕೋರ್ಟ್ನ ಪೋರ್ಟ್ ಬ್ಲೇರ್ ಪೀಠದ ಏಕಸದಸ್ಯ ನ್ಯಾಯಮೂರ್ತಿ ಜೇ ಸೇನ್ಗುಪ್ತಾ ಈ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಸೆಕ್ಷನ್ 354 ಎ ಲೈಂಗಿಕ ಬಣ್ಣದ ಹೇಳಿಕೆಗಳ ಬಳಕೆಯನ್ನು ದಂಡಿಸುತ್ತದೆ ಎಂದು ನ್ಯಾಯಮೂರ್ತಿ ಸೇನ್ ಗುಪ್ತಾ ಹೇಳಿದ್ದಾರೆ.
ಮಹಿಳೆಯನ್ನು ಬೀದಿಯಲ್ಲಿ ‘ಡಾರ್ಲಿಂಗ್’ ಎಂಬ ಪದದಿಂದ ಸಂಬೋಧಿಸುವುದು ಸಂಪೂರ್ಣವಾಗಿ ಆಕ್ರಮಣಕಾರಿಯಾಗಿದೆ ಮತ್ತು ಬಳಸಿದ ಪದವು ಮೂಲಭೂತವಾಗಿ ಲೈಂಗಿಕ ಬಣ್ಣದ ಹೇಳಿಕೆಯಾಗಿದೆ” ಎಂದು ನ್ಯಾಯಪೀಠ ಹೇಳಿದೆ.
“ಅನುಮಾನಾಸ್ಪದ, ಅಪರಿಚಿತ ಮಹಿಳೆಯರಿಗೆ” ಸಂಬಂಧಿಸಿದಂತೆ ‘ಡಾರ್ಲಿಂಗ್’ ಎಂಬ ಪದದ ಬಳಕೆಯಂತಹ ಪದಗಳನ್ನು ಬಳಸಲು ಪುರುಷನಿಗೆ “ಸಂತೋಷದಿಂದ ಅನುಮತಿಸಬಹುದು” ಎಂಬುದು ಭಾರತೀಯ ಸಮಾಜದ ಮಾನದಂಡಗಳಲ್ಲ ಎಂದು ನ್ಯಾಯಮೂರ್ತಿ ಸೇನ್ ಗುಪ್ತಾ ಹೇಳಿದರು. ಮೇಲ್ಮನವಿದಾರನು ಶಾಂತ ಸ್ಥಿತಿಯಲ್ಲಿದ್ದಾಗ ಈ ಘಟನೆ ನಡೆದಿದ್ದರೆ, “ಅಪರಾಧದ ಗಂಭೀರತೆ ಬಹುಶಃ ಇನ್ನೂ ಹೆಚ್ಚಾಗಿರುತ್ತದೆ” ಎಂದು ನ್ಯಾಯಾಲಯ ಹೇಳಿದೆ.
ಜನಕ್ ರಾಮ್ ಅವರು ಮಹಿಳಾ ಕಾನ್ಸ್ಟೇಬಲ್ಗೆ (ಪ್ರಕರಣದ ದೂರುದಾರ) “ಹಾಯ್ ಡಾರ್ಲಿಂಗ್, ಚಲನ್ ಕರ್ನೆ ಆಯಿ ಹೈ ಕ್ಯಾ? (ಹಾಯ್, ಡಾರ್ಲಿಂಗ್, ನೀವು ದಂಡ ವಿಧಿಸಲು ಬಂದಿದ್ದೀರಾ?) ಅಂತ ಹೇಳಿದ್ದ. ಐಪಿಸಿ ಸೆಕ್ಷನ್ 354 ಎ (1) (4) ಮತ್ತು 509 (ಮಹಿಳೆಯ ಗೌರವವನ್ನು ಅವಮಾನಿಸುವ ಉದ್ದೇಶದ ಪದ, ಸನ್ನೆ ಅಥವಾ ಕೃತ್ಯ) ಅಡಿಯಲ್ಲಿ ಮಾಯಾಬಂದರ್ ಪೊಲೀಸ್ ಠಾಣೆಯಲ್ಲಿ ಜನಕ್ ರಾಮ್ ವಿರುದ್ಧ ಎಫ್ಐಆರ್ ದಾಖಲಿಸಲಾಗಿತ್ತು. ಇದರ ವಿರುದ್ಧ ಜನಕ್ ರಾಮ್ ಅವರ ಮೇಲ್ಮನವಿಯನ್ನು ಉತ್ತರ ಮತ್ತು ಮಧ್ಯ ಅಂಡಮಾನ್ನ ಹೆಚ್ಚುವರಿ ಸೆಷನ್ಸ್ ನ್ಯಾಯಾಧೀಶರು 2023 ರ ನವೆಂಬರ್ ನಲ್ಲಿ ತಿರಸ್ಕರಿಸಿದರು. ನಂತರ ಜನಕ್ ರಾಮ್ಅ ರ್ಜಿಯನ್ನು ಕಲ್ಕತ್ತಾ ಹೈಕೋರ್ಟ್ ನಲ್ಲಿ ಸಲ್ಲಿಸಿದರು.
ಅರ್ಜಿ ವಿಚಾರಣೆ ನಡೆಸಿದ ಹೈಕೋರ್ಟ್ ನ್ಯಾಯಮೂರ್ತಿ ಸೇನ್ಗುಪ್ತಾ ನೇತೃತ್ವದ ನ್ಯಾಯಪೀಠವು ಜನಕ್ ರಾಮ್ ನಿಜವಾಗಿಯೂ ಮಹಿಳಾ ಕಾನ್ಸ್ಟೇಬಲ್ ಅನ್ನು ಆರೋಪಿಸಿರುವ ರೀತಿಯಲ್ಲಿ ಸಂಬೋಧಿಸಿದ್ದಾರೆ ಎಂದು ಸಾಬೀತುಪಡಿಸಲು ಸಾಕಷ್ಟು ಪುರಾವೆಗಳಿವೆ ಎಂದು ಗಮನಿಸಿತು. ಇದೇ ವೇಳೆ ಕೆಳ ನ್ಯಾಯಾಲಯದ ಮೂರು ತಿಂಗಳ ಜೈಲು ಶಿಕ್ಷೆಯನ್ನು ಒಂದು ತಿಂಗಳ ಜೈಲು ಶಿಕ್ಷೆಗೆ ಇಳಿಸಿ ಆದೇಶ ಹೊರಡಿಸಿದೆ.
