ನವದೆಹಲಿ : ಏರ್ಪೋರ್ಟ್ ಚೆಕ್-ಇನ್ ಕೌಂಟರ್ಗಳಲ್ಲಿ ಬೋರ್ಡಿಂಗ್ ಪಾಸ್‌ಗಳನ್ನ ವಿತರಿಸಲು ವಿಮಾನಯಾನ ಸಂಸ್ಥೆಗಳು ಹೆಚ್ಚುವರಿ ಮೊತ್ತವನ್ನ ವಿಧಿಸುವಂತಿಲ್ಲ ಎಂದು ವಿಮಾನಯಾನ ಸಚಿವಾಲಯ ಜುಲೈ 21ರಂದು ಘೋಷಿಸಿತು.
ಪ್ರಸ್ತುತ, ವೆಬ್ ಚೆಕ್-ಇನ್ ಮಾಡದಿದ್ದರೆ ಬೋರ್ಡಿಂಗ್ ಪಾಸ್ ನೀಡಲು ವಿಮಾನಯಾನ ಸಂಸ್ಥೆಗಳು ಹೆಚ್ಚುವರಿಯಾಗಿ ₹200 ಶುಲ್ಕ ವಿಧಿಸುತ್ತವೆ.
“ಪ್ರಯಾಣಿಕರಿಂದ ಬೋರ್ಡಿಂಗ್ ಪಾಸ್ಗಳನ್ನು ವಿತರಿಸಲು ವಿಮಾನಯಾನ ಸಂಸ್ಥೆಗಳು ಹೆಚ್ಚುವರಿ ಮೊತ್ತವನ್ನು ವಿಧಿಸುತ್ತಿರುವುದು ಎಂಒಸಿಎ ಗಮನಕ್ಕೆ ಬಂದಿದೆ. ಈ ಹೆಚ್ಚುವರಿ ಮೊತ್ತವು ಮೇಲೆ ಹೇಳಿದ ಆದೇಶದಲ್ಲಿ ನೀಡಲಾದ ಸೂಚನೆಗಳಿಗೆ ಅನುಗುಣವಾಗಿಲ್ಲ ಅಥವಾ ವಿಮಾನ ನಿಯಮಗಳು, 1937 ರ ಅಸ್ತಿತ್ವದಲ್ಲಿರುವ ನಿಬಂಧನೆಗಳ ಪ್ರಕಾರವಲ್ಲ” ಎಂದು ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ.
ವಿಮಾನ ನಿಲ್ದಾಣದ ಚೆಕ್-ಇನ್ ಕೌಂಟರ್ಗಳಲ್ಲಿ ಬೋರ್ಡಿಂಗ್ ಪಾಸ್ಗಳನ್ನು ವಿತರಿಸಲು ಯಾವುದೇ ಹೆಚ್ಚುವರಿ ಮೊತ್ತವನ್ನು ವಿಧಿಸದಂತೆ ವಿಮಾನಯಾನ ಸಂಸ್ಥೆಗಳಿಗೆ ಸೂಚಿಸಲಾಗಿದೆ. ಯಾಕಂದ್ರೆ, ಇದನ್ನು ವಿಮಾನ ನಿಯಮಗಳ ನಿಯಮ 135ರ ಅಡಿಯಲ್ಲಿ ಒದಗಿಸಲಾದ ಸುಂಕದ ಒಳಗೆ ಪರಿಗಣಿಸಲಾಗುವುದಿಲ್ಲ ಎಂದು ಅದು ಹೇಳಿದೆ.
It has come to the notice of MoCA that airlines are charging additional amount for issuing boarding passes from the passengers. This aditional amount is not in accordance with the instructions given in the aforesaid order or as per extant provisions of Aircraft Rules, 1937. pic.twitter.com/nf3IC5uOQJ
— MoCA_GoI (@MoCA_GoI) July 21, 2022
